ລິ້ງ ສຳຫລັບເຂົ້າຫາ

ການທ້າທາຍ ຂອງເກົາຫຼີເໜືອ ຕໍ່ກຳລັງໃນຂົງເຂດ ເຮັດໃຫ້ ພວກເຂົາເຈົ້າ ຕັດສິນໃຈຍາກ


ຊາວເກົາຫຼີໃຕ້ ຊົມລາຍການຂ່າວ ໂທລະພາບ ທີ່ມີຮູບພາບ ກ່ຽວກັບແຜນການຍິງຈະຫຼວດ ຂອງເກົາຫຼີເໜືອ ຂຶ້ນສູ່ອະວະ ກາດ ຢູ່ທີ່ສະຖານີລົດໄຟ ໃນນະຄອນຫຼວງໂຊລ ຂອງເກົາຫຼີໃຕ້, ວັນທີ 3 ກຸມພາ 2016.

ຊາວເກົາຫຼີໃຕ້ ຊົມລາຍການຂ່າວ ໂທລະພາບ ທີ່ມີຮູບພາບ ກ່ຽວກັບແຜນການຍິງຈະຫຼວດ ຂອງເກົາຫຼີເໜືອ ຂຶ້ນສູ່ອະວະ ກາດ ຢູ່ທີ່ສະຖານີລົດໄຟ ໃນນະຄອນຫຼວງໂຊລ ຂອງເກົາຫຼີໃຕ້, ວັນທີ 3 ກຸມພາ 2016.

ການສະແຫວງຫາອາວຸດນິວເຄລຍ​ແບບທ້າທາຍຂອງເກົາຫຼີ
ເໜືອ ແມ່ນກຳລັງບັງຄັບ​ໃຫ້ບັນດາປະເທດໃນເອເຊຍຕາເວັນ
ອອກສຽງ​ເໜືອສະ ໜັບສະໜູນມາດຕະການລົງໂທດທີ່ບໍ່​ໄດ້
ຜົນ ຫຼື ​ໃນ​ທີ່​ສຸດ​ກໍຮັບຮູ້ວ່າ ເກົາ ຫຼີເໜືອວ່າ ເປັນປະເທດທີ່​ມີ
​ອາວຸດນິວເຄລຍ.

ການກະທຳ​ທີ່​ເຫັນ​ວ່າ​ເປັນ​ການ​ທ້າ​ທາຍ​ຄັ້ງຫຼ້າສຸດຂອງເກົາຫຼີ
ເໜືອມີ​ຂຶ້ນ ​ໃນ​ວັນ​ອັງຄານ​ຜ່ານ​ມານີ້ ເມື່ອພວກເຂົາເຈົ້າໄດ້
ປະກາດແຜນການທີ່ຈະສົ່ງ “ດາວທຽມສຳຫຼວດໂລກ” ຂຶ້ນສູ່
ອະ​ວະກາດ ໃນລະຫວ່າງວັນທີ 8 ຫາ 25 ກຸມພານີ້.

ປະຊາຊົນ ຢືນຊົມການຖ່າຍທອດສົດ ຂອງການກ່າວຖະແຫລງ ທີ່ກອງປະຊຸມຖະແຫລງຂ່າວ ຂອງປະທານາທິບໍດີ ເກົາຫຼີໃຕ້ ທ່ານນາງ Park Geun-hye, ຢູ່ທີ່ສະຖານີລົດໄຟ ໃນນະຄອນຫຼວງໂຊລ ຂອງເກົາຫຼີໃຕ້, ວັນທີ 13 ມັງກອນ 2016.

ປະຊາຊົນ ຢືນຊົມການຖ່າຍທອດສົດ ຂອງການກ່າວຖະແຫລງ ທີ່ກອງປະຊຸມຖະແຫລງຂ່າວ ຂອງປະທານາທິບໍດີ ເກົາຫຼີໃຕ້ ທ່ານນາງ Park Geun-hye, ຢູ່ທີ່ສະຖານີລົດໄຟ ໃນນະຄອນຫຼວງໂຊລ ຂອງເກົາຫຼີໃຕ້, ວັນທີ 13 ມັງກອນ 2016.

ພຽງຢາງ ຢືນຢັນວ່າການສົ່ງຈະຫຼວດຂຶ້ນສູ່ອະວະກາດດັ່ງກ່າວ
ແມ່ນສ່ວນໜຶ່ງ ຂອງໂຄງການອະວະກາດ ທີ່​ມີ​ຈຸດປະສົງ​ໃນ​ທາງຂອງ​ຕົນ ແຕ່ກໍໄດ້ຖືກ
ປະນາມຢ່າງກວ້າງຂວາງວ່າ ເປັນການຫຼອກລວງມຸ່ງຮ້າຍ ເຊິ່ງຕັ້ງໃຈທີ່ຈະຫລົບຫຼີກການ
ຫ້າມຂອງອົງການສະຫະປະຊາຊາດ ຕໍ່ໂຄງການນິວເຄລຍ ແລະ ລູກສອນໄຟຂີປະນາວຸດ
ຂອງເກົາຫຼີເໜືອ.

ວໍຊິງຕັນ, ໂຊລ ແລະ ໂຕກຽວ ໄດ້ເຕືອນພຽງຢາງ ວ່າ ພວກເຂົາເຈົ້າຈະປະເຊີນໜ້າ ກັບ
ຜົນທີ່ຕາມມາຢ່າງຮ້າຍ​ແຮງ ຖ້າພວກເຂົາເຈົ້າຍັງ​ສືບ ຕໍ່ດຳເນີນການ ກ່ຽວ​ກັບແຜນການ
ສົ່ງຈະຫຼວດ.

ປະຊາຊົນເກົາຫຼີໃຕ້ ເບິ່ງ ແຜນທີ່ ຂອງບໍລິເວນເຂດຊາຍແດນ ລະຫວ່າງ ເກົາຫຼີເໜືອ ແລະ ເກົາຫຼີໃຕ້ ຢູ່ທີ່ Imjingak Pavilion ໃກ້ກັບຄຸ້ມບ້ານຊາຍແດນ Panmunjom, ຊຶ່ງເປັນເຂດທີ່ແບ່ງແຍກ ສອງເກົາຫຼີ ນັບຕັ້ງແຕ່ສົງຄາມເກົາຫຼີ ເປັນຕົ້ນມາ ໃນເມືອງ Paju ຢູ່ທາງກ້ຳເໜືອຂອງນະຄອນຫຼວງໂຊລຂອງເກົາຫຼີໃຕ້, ວັນຈັນທີ 11 ມັງກອນ 2016.

ປະຊາຊົນເກົາຫຼີໃຕ້ ເບິ່ງ ແຜນທີ່ ຂອງບໍລິເວນເຂດຊາຍແດນ ລະຫວ່າງ ເກົາຫຼີເໜືອ ແລະ ເກົາຫຼີໃຕ້ ຢູ່ທີ່ Imjingak Pavilion ໃກ້ກັບຄຸ້ມບ້ານຊາຍແດນ Panmunjom, ຊຶ່ງເປັນເຂດທີ່ແບ່ງແຍກ ສອງເກົາຫຼີ ນັບຕັ້ງແຕ່ສົງຄາມເກົາຫຼີ ເປັນຕົ້ນມາ ໃນເມືອງ Paju ຢູ່ທາງກ້ຳເໜືອຂອງນະຄອນຫຼວງໂຊລຂອງເກົາຫຼີໃຕ້, ວັນຈັນທີ 11 ມັງກອນ 2016.

​ໃນ ເກົາຫຼີໃຕ້ ເກືອບຈະແມ່ນທຸກໆການເຈລະຈາ​ໃນ​ການ​ພົວພັນແບບ ສັນຕິ ກັບເກົາຫຼີ
ເໜືອ ໄດ້ຢຸດຊະ​ງັກລົງ ແລະ ການແລກປ່ຽນຕ່າງໆໄດ້ຖືກຍົກເລີກ ຫຼັງຈາກເກົາຫຼີເໜືອ
ໄດ້ທຳການທົດລອງລະເບີດນິວເຄລຍລູກທີ 4 ໃນວັນທີ 6 ມັງກອນ ທີ່ຜ່ານມາ.

ມີລາຍງານຫຼາຍສະບັບໃນສັບປະດານີ້ວ່າ ໂຊລກຳລັງພິຈາລະນາທີ່​ຈະ ປິດ​ເຂດອຸດສາ
ຫະກຳຮ່ວມ Kaesong ຖ້າພຽງຢາງ ຍັງ​ຈະດຳເນີນຕາມແຜນການ ທີ່​ຈະ​ຍິງຈະຫຼວດ
ຂອງພວກເຂົາເຈົ້າ.

ສະແດງຄວາມເຫັນໃຫ້ເບິ່ງ

XS
SM
MD
LG