ລິ້ງ ສຳຫລັບເຂົ້າຫາ

ເກົາຫຼີເໜືອ ປ່ອຍໂຕ ນັກສຶກສາ ເກົາຫຼີໃຕ້ ທີ່ຖືກຈັບກຸມ ມາຕັ້ງແຕ່ ເດືອນເມສາ


ທ້າວ Joo Won-moon, ນັກສຶກສາເກົາຫຼີໃຕ້ ທີ່ຮຽນຢູ່ມະຫາວິທະຍາໄລ New York, ກຳລັງໃຫ້ການສຳພາດ ຢູ່ໂຮງແຮມ Koryo ໃນ ນະຄອນພຽງຢາງ ຂອງເກົາຫຼີເໜືອ, ວັນທີ 14 ກໍລະກົດ 2015.

ທ້າວ Joo Won-moon, ນັກສຶກສາເກົາຫຼີໃຕ້ ທີ່ຮຽນຢູ່ມະຫາວິທະຍາໄລ New York, ກຳລັງໃຫ້ການສຳພາດ ຢູ່ໂຮງແຮມ Koryo ໃນ ນະຄອນພຽງຢາງ ຂອງເກົາຫຼີເໜືອ, ວັນທີ 14 ກໍລະກົດ 2015.

ເກົາຫຼີ​ເໜືອ ກ່າວ​ວ່າ ຕົນ​ກຳລັງຈະປ່ອຍນັກ​ສຶກສາ ​ມະຫາ
ວິທະຍາ​ໄລ ​ເກົາຫຼີ​ໃຕ້ ທີ່​ຕັ້ງຖິ່ນ​ຖານຢູ່​ໃນ​ສະຫະລັດ ຜູ້​ທີ່​ໄດ້​
ຖືກ​ຄຸມ​ຂັງ ຢູ່​ໃນ​ປະ​ເທດ​ຄອມ​ມິ​ວນິສດັ່ງກ່າວ​ ​ຕັ້ງ​ແຕ່​ຜູ້ກ່ຽວ​
ໄດ້​ຂ້າມ​ຊາຍ​ແດນ​ເຂົ້າ​ໄປ ​ຢ່າງ​ຜິດ​ກົດໝາຍ ​ເກືອບ 6 ​ເດືອນ
​ ຜ່ານມານັ້ນ.

ກະຊວງ​ເຕົ້າ​ໂຮມ​ຊາດ​ເກົາຫຼີ​ໃຕ້ ກ່າວ​ວ່າ ທ້າວ Joo Won-
moon ​ໄວ 21 ປີ ຈະ​ໄດ້​ຖືກ​ສົ່ງ​ກັບ​ຄືນ​ປະ​ເທດ ​ໃນ​ວັນ​ຈັນ​ມື້​ນີ້
ຜ່ານ​ເຂດຊາຍ​ແດນສັນຍາຢຸດ​ຍິງ ​ບ້ານ Panmunjom. ​
ເຈົ້າໜ້າ​ທີ່ ສູນ​ກາງ​ຂ່າວທາງ​ການຂອງພຽງ​ຢາງ ​ກ່າວ​ວ່າ ທ້າວ
Joo ​ໄດ້​ຖືກ​ຈັບ​ກຸມ ​ເມື່ອ​ວັນ​ທີ 22 ​ເມສາ ຫຼັງຈາກ​ຂ້າມຊາຍ​ແດນ
​ມາຈາກ​ເມືອງ Dandong ຂອງ​ຈີນ.


ທ້າວ Joo ​ໄດ້​ຕັ້ງຖິ່ນ​ຖານ ຢູ່​ໃນ​ສະຫະລັດ ​ແລະ​ມີ​ຖານະ​ເປັນ​ຜູ້​ອາ​ໄສ ​ບ່ອນ​ທີ່​ຜູ້ກ່ຽວ ​ໄດ້ດຳ
ລົງຊີວິດ ນັບ​ຕັ້ງ​ແຕ່​ປີ 2001 ​ເປັນຕົ້ນມາ ​ແລະ ​ໄດ້ເປັນ​ນັກ​ສຶກສາ ຢູ່​ທີ່​ມະຫາວິທະຍາ​ໄລ
New York. ລາວ​ຖືກ​ນຳ​ຕົວ​ໄປ​ຫາ ບັນດາ​ນັກ​ຂ່າວ​ຕ່າງປະ​ເທດ ​ເມື່ອ​ເດືອນ​ແລ້ວ​ນີ້ ​ຢູ່ໃນ
​ພຽງ​ຢາງ ​ແລະໃຫ້​ອ່ານ ອັນ​ທີ່​ປາກົດ​ວ່າ ​ເປັນ​ຖະ​ແຫລ​ງການ​ສະບັບ​ນຶ່ງ ​ຂອງ​ທາງ​ການ ທີ່
ໄດ້​ຖືກຕຽມ​ມາໄວ້ລ່ວງ​ໜ້າ ຊຶ່ງ​ເປັນ​ການ​ຍອມຮັບ​ ຄວາມຜິດ ​ແລະຍົກຍ້ອງລັດຖະບານ​
ເກົາຫຼີ ​ເໜືອ ສຳ​ຫລັບ​ການ​ດູ​ແລ​ທີ່​ດີ. ທ້າວ Joo ຍັງ​ໄດ້ກ່າວຕໍ່​ນັກ​ຂ່າວ CNN ທີ່​ຍອມຮັບວ່າ
​ຕົນ​ຜິດ ​ໃນ​ລະຫວ່າງ​ການ​ສຳພາດ ​ເມື່ອ​ເດືອນພຶດສະພາ ​ໂດຍກ່າວວ່າ ລາວ​ເຊື່ອ​ວ່າ
“ຈະ​ມີ​ເຫດການດີ ໃນບາງ​ສ່ວນ​ເກີດ​ຂຶ້ນ” ທີ່​ອາດ​ຈະ​ມີ​ຜົນ​ດີ ​ໃນ​ການ​ພົວພັນ​ກັນ ​
ລະຫວ່າງ ສອງເກົາ​ຫຼີ ທີ່ໄດ້​ຖືກ​ແບ່ງ​ແຍກກັນ​ຢ່າງ​ຂົມ​ຄື່ນນັ້ນ​ຄືນ​ໃໝ່.

ເຂດອາຄານອຸດສາຫະກຳ ລະຫວ່າງສອງເກົາຫຼີ ທີ່ເຫັນໄດ້ ຈາກຟາກເຂດປອດທະຫານ ຫຼື (DMZ) ທີ່ແບ່ງແຍກເກົາຫຼີເໜືອ ແລະ ເກົາຫຼີໃຕ້ ຢູ່ໃນຮູບພາບ ທີ່ຖ່າຍຈາກ ຫໍສຳຫຼວດ Dora ຢູ່ທີ່ເມືອງ Paju ທີ່ຫ່າງຈາກນະຄອນຫຼວງໂຊລ 55 ກິໂລແມັດທາງກ້ຳເໜືອ.

ເຂດອາຄານອຸດສາຫະກຳ ລະຫວ່າງສອງເກົາຫຼີ ທີ່ເຫັນໄດ້ ຈາກຟາກເຂດປອດທະຫານ ຫຼື (DMZ) ທີ່ແບ່ງແຍກເກົາຫຼີເໜືອ ແລະ ເກົາຫຼີໃຕ້ ຢູ່ໃນຮູບພາບ ທີ່ຖ່າຍຈາກ ຫໍສຳຫຼວດ Dora ຢູ່ທີ່ເມືອງ Paju ທີ່ຫ່າງຈາກນະຄອນຫຼວງໂຊລ 55 ກິໂລແມັດທາງກ້ຳເໜືອ.

ເກົາຫຼີ ໃຕ້ ​ໄດ້​ຍ້ອງຍໍ ​ເກົາຫຼີ​ເໜືອ ສຳ​ຫລັບ​ການ​ຕັດ​ສິນ​ໃຈ​ປ່ອຍໂຕ ທ້າວ ​Joo ​ແລະ ຮຽກຮ້ອງ​ໃຫ້​ພຽງ​ຢາງ ປ່ອຍ​ຕົວ ຊາວ​ເກົາຫຼີໃຕ້ ອີກ 3 ຄົນ ທີ່​ຕົນ​ໄດ້​ຈັບ​ກຸມ​ໄວ້.

ການ ​ປ່ອຍ​ຕົວ​ທ້າວ Joo ມີ​ຂຶ້ນ ກ່ອນ​ໜ້າ ກຳນົດ​ການທ້ອນໂຮມກັນ ຂອງບັນດາຄອບຄົວ ຜູ້​ທີ່​ຖືກ​ພັດ​ພາກ​ຈາກ​ກັນ ​ໂດຍ​ສົງຄາມ​ກາງ​ເມືອງ ​ຊ່ວງ​ປີ 1950-53 ທີ່​ໄດ້​ສິ້ນ​ສຸດລົງ ດ້ວຍ​ສັນຍາ​ຢຸດ​ຍິງລະຫວ່າງ ຄອມ​ມິ​ວນິສ​ເໜືອ ​ແລະ ປະຊາທິປະ​ໄຕ​ໃຕ້ ທີ່​ໜ້າ​ເປັນ​ຫ່ວງ ຊຶ່ງ​ຈະ​ມີ​ຂຶ້ນ​ໃນທ້າຍ​ເດືອນ​ນີ້.

ນັກສອນສາສະໜາ Baptist ຊາວເກົາຫຼີໃຕ້ ທ່ານ Kim Jung Wook ກ່າວຖະແຫລງ ໃນກອງປະຊຸມຖະແຫລງຂ່າວ ໃນນະຄອນຫຼວງພຽງຢາງ ຂອງເກົາຫຼີເໜື້ອ.

ນັກສອນສາສະໜາ Baptist ຊາວເກົາຫຼີໃຕ້ ທ່ານ Kim Jung Wook ກ່າວຖະແຫລງ ໃນກອງປະຊຸມຖະແຫລງຂ່າວ ໃນນະຄອນຫຼວງພຽງຢາງ ຂອງເກົາຫຼີເໜື້ອ.

XS
SM
MD
LG