ລິ້ງ ສຳຫລັບເຂົ້າຫາ

ເກົາຫລີເໜືອ ຂູ່ເກົາຫລີໃຕ້ ບໍ່ໃຫ້ສົ່ງໃບປີວ ຂ້າມຊາຍແດນ


ການສົ່ງໃບປິວຂ້າມຊາຍແດນ ໂດຍໝາກປູມເປົ້າ ທີ່ເກົາຫຼີເໜືອປະນາມ

ເກົາຫລີ​ເໜືອ ຂູ່​ຂວັນ​ທີ່​ຈະ​ຍິງ​ໂຈມ​ຕີເກົາຫລີ​ໃຕ້ ຖ້າ​ຫາກວ່າ
ບັນດາ​ນັກ​ເຄື່ອນ​ໄຫ​ວເກົາຫລີ​ໃຕ້ ຫາກສົ່ງ​ໃບ​ປີວ​ຕໍ່​ຕ້ານພຽງ
ຢາງ ຂ້າມເຂດ​ຊາຍ​ແດນ​ເຂົ້າ​ໄປ​ໃນ​ເກົາຫຼີ​ເໜືອ.


​ອົງການ​ຂ່າວ​ສູ​ນກາງ ຂອງ​ທາງ​ການ​ເກົາຫຼີ​ເໜືອ ຫຼື KCNA ກ່າວໃນ​ວັນ​ສຸກ​ນີ້​ວ່າ ກອງ​ບັນຊາ​ການກອງທັບ​ປະຊາຊົນ​ເກົາຫຼີ​ໃນ​ເຂດພາກ​ຕາ​ເວັນ​ຕົກຂອງປະ​ເທດ ຈະ​ລົງ​ມື “​ໂຈມ​ຕີ​ຢ່າງ​ບໍ່​ປານີ” ​ໂດຍປາສຈາກ​ການ​ເຕືອນ​ລ່ວງ​ໜ້າ​ໃດໆຕໍ່ເມືອງ Phaju ​ໃນ​ພາກ​ຕາ​ເວັນ​ຕົກ​ສຽງ​ເໜືອ ບ່ອນ​ທີ່​ບັນ​ດາ​ນັກ​ເຄື່ອນ​ໄຫ​ວກ່າວ​ວ່າ ຕົນຈະສົ່ງ​ໝາກ​ປູມ​ເປົ້າ ທີ່ມີໃບ​ປີວ​ ​ເຂົ້າ​ໄປ​ໃນ​ເກົາຫຼີ​ເໜືອ​ນັ້ນ.

ອົງການ​ຂ່າວ KCNA ຂອງ​ເກົາຫຼີ​ເໜືອ ກ່າວ​ຫາທະຫານເກົາ​ຫລີ​ໃຕ້ ວ່າ​ ພົວພັນ​ໂດຍ​ກົງ​ກັບ​ການ​ໂຄສະນາ​ຊວນ​ເຊື່ອ ​ແຕ່ກຸງໂຊ​ລ​ໄດ້ປະຕິ ​ເສດ​ວ່າ ຕົນ​ບໍ່​ໄດ້​ມີ​ສ່ວນ​ພົວພັນ​ກັບ​ການ​ສົ່ງ​ໃບ​ປີວນີ້​ເລີຍ.

ລັດຖະມົນຕີ​ກະຊວງປ້ອງ​ກັນ​ປະ​ເທດເກົາ​ຫລີ​ໃຕ້ ທ່ານ Kim Kwan-jin ຕອບ​ວ່າ ຖ້າການ​ໂຈມ​ຕີ​ຫາກ​ເກີດ​ຂື້ນ ​ເກົາ​ຫລີໃຕ້ຈະ​ຕອບ​ໂຕ້​ຄືນ​ໃນ​ທັນ​ທີ ​ໂດຍຈະ​ທໍາລາຍ​ທີ່​ມາ​ຂອງ​ການ​ໂຈມ​ຕີ.

​ເກົາຫລີ​ເໜືອ ​ໄດ້​ປະນາມ​ການ​ສົ່ງ​ໃບ​ປີວ​ໃນ​ຄັ້ງ​ກ່ອນ ​ໂດຍຂູ່​ວ່າຈະໂຈມຕີ​ເກົາຫລີ​ໃຕ້ ​ໃນ​ການ​ຕອບ​ໂຕ້ຕໍ່ອັນ​ທີ່​ເກົາຫຼີ​ເໜືອ​ຮ້ອງ​ວ່າ ​ເປັນ ການ​ທ້າ​ທາຍ​ເກາະ​ຜິດ​ໂດຍ​ເຈດ​ຕະຈາ​ຂອງກຸງ​ໂຊ​ລ ທີ່​ອາດ​ຈະ​ນໍາ​ໄປ​ສູ່ການ​ເກີດສົງ​ຄາມ.
XS
SM
MD
LG