ລິ້ງ ສຳຫລັບເຂົ້າຫາ

ເກົາຫລີເໜືອ ຕຽມສະຫຼອງ ຍຸກສະໄໝ ຂອງ Kim Jong Un


ຜູ້ນຳເກົາຫລີເໜືອ ທ່ານ Kim Jong Un ຄຳນັບລະຫວ່າງ ກວດແຖວທະຫານ.

ຜູ້ນຳເກົາຫລີເໜືອ ທ່ານ Kim Jong Un ຄຳນັບລະຫວ່າງ ກວດແຖວທະຫານ.

ບັນດາ​ນັກວິ​ເຄາະ​ໃນ​ນະຄອນໂຊ​ລ ​ແລະ​ວໍ​ຊິງ​ຕັນ ກ່າວ​ວ່າ ກອງ​ປະ​ຊຸມ​ໃຫຍ່​ຂອງ​ພັກ ແຮງງານ​ເກົາຫລີ​ເໜືອ ໃນ​ທ້າຍ​ອາທິດ​ນີ້ ​ແມ່ນ​ຈະ​ຖືກ​ໃຊ້​ເປັນ​ເຄື່ອງມື​ທາງການ​ເມືອງ ​ເພື່ອເສີມ​ຂະຫຍາຍ​ຄວາມ​ເຂັ້ມ​ແຂງ​ໃຫ້ແກ່ ການ​ປົກຄອງ​ຂອງ​ທ່ານ Kim Jong Un.

ກອງ​ປະຊຸມ​ໃຫຍ່​ຄັ້ງ​ທີ​ເຈັດຂອງ​ພັກ​ແຮງ​ງານເກົາຫລີ​ເໜືອ ຊຶ່ງ​ກຳນົດຈະ​ເລີ້​ມ​ຂຶ້ນ ໃນ​ວັນ ​ສຸກ​ມື້​ອຶ່ນນີ້ແມ່ນເປັນ​ເທື່ອ​ທຳ​ອິດ​ໃນ​ຮອບ​ເກືອບ 40 ປິ. ກອງ​ປະ​ຊຸມ​ໃຫຍ່​ດັ່ງກ່າວ ມີ​ທ່າ ​ທາງ​ວ່າ​ຈະ​ໃຊ້​ເວ​ລາ​ຫຼາຍ​ມື້. ​ເທົ່າ​ທີ່​ຜ່ານ​ມາ ກອງ​ປະຊຸມດັ່ງກ່າວແມ່ນ​ມີ​ບັນດາ​ຜູ້​ຕາງໜ້າ ຈາກ​ທົ່ວ​ໂລກ​ເຂົ້າຮ່ວມ.

​ໃນ​ປີ 1980 ມີບັນດາ​ຜູ້ຕາງໜ້າເກືອບ 180 ຄົນ​ ຈາກ 118 ປະ​ເທດ​ໄດ້​ໄປຮ່ວມ​ກອງ​ປະ ຊຸມ. ເທື່ອ​ນີ້​ ​ແມ່ນ​ຮູ້ກັນ​ວ່າເກົາ​ຫລີ​ເໜືອໄດ້​ເຊີນ​ພຽງ​ແຕ່​ຜູ້ຕາງໜ້າ​ຕ່າງປະ​ເທດຈຳນວນ ນຶ່ງ​ເຂົ້າ​ຮ່ວມ​ເທົ່າ​ນັ້ນ. ​ເຖິງ​ແມ່ນວ່າ​ ຈະບໍ່​ມີການຈັດ​ຂຶ້ນ ​ແບບໃຫຍ່​ໂຕ​ມະ​ໂຫລານ​ກໍ​ ຈິງ ​ແຕ່ກອງ​ປະຊຸມ​ໃຫຍ່​ໃນ​ຄັ້ງນີ້ ຈະມອບ​ໂອກາດ​ໃຫ້​ທ່ານ Kim ​ຕົກ​ເປັນ​ຈຸດ​ສູນ​ກາງ ຢູ່​ຕໍ່ ໜ້າ​ຝູງຊົນ ພາຍ​ໃນ​ປະ​ເທດ ເປັນ​ຈຳນວນ​ຫລວງຫລາຍ ຮວມທັງບັນດາ​ຜູ້ຕາງໜ້າກວ່າ 3,000 ຄົນ​ຈາກ​ທົ່ວ​ປະ​ເທດ. ການ​ເຕົ້າໂຮມໃນ​ຄັ້ງນີ້ມີ​ຂຶ້ນ​ທ່າ​ມກາງ​ຄວາມ​ເຄັ່ງ​ຕຶງທີ່​ເພີ້ມ ທະວີ​ຂຶ້ນ​ຢູ່ໃນແຫລມ​ເກົາຫລີ ຫຼັງ​ຈາກ​ພຽງ​ຢາງ​ໄດ້​ທົດ​ລອງ​ນິວ​ເຄລຍ​ໃນ​ເດືອນ​ມັງກອນ ຜ່ານ​ມາ.

ຜູ້ນຳເກົາຫລີເໜືອ ທ່ານ Kim Jong Un (ກາງ) ຕົບມືລະຫວ່່າງການຊົມຄອນເຊີດ.

ຜູ້ນຳເກົາຫລີເໜືອ ທ່ານ Kim Jong Un (ກາງ) ຕົບມືລະຫວ່່າງການຊົມຄອນເຊີດ.

ທ່ານ Kim ຄາດ​ວ່າ​ ຈະ​ປະກາດ​ກ່ຽວ​ກັບນະ​ໂຍບາຍທີ່​ສຳຄັນໆ ລະຫວ່າງ​ການ​ເຕົ້າ​ໂຮມ ກັນ ​ເຖິງ​ແມ່ນ​ວ່າສິ່ງ​ທີ່ທ່ານ Kim ຈະ​ຖະ​ແຫຼ​ງ​ນັ້ນ​ແມ່ນ​ຍັງ​ບໍ່ທັນ​ເປັນ​ທີ່​ຈະ​ແຈ້​ງ​ເທື່ອ. ທ່ານ Kim ເຂົ້າກຳ​ອຳນາດ​ໃນ​ທ້າຍ​ປີ 2011 ​ເວລາ​ບິດາຂອງ​ທ່ານແລະ​ເປັນ​ຜູ້ນຳ​ເກົາຫລີ​ເໜືອ​ໃນ​ເວລາ​ນັ້ນ ທ່ານ Kim Jong II ​ໄດ້ເຖິງ ​ແກ່​ອະສັນ​ຍະ​ກຳຢ່າງ​ກະທັນຫັນ. ນັກວິ​ເຄາະ​ບາງ​ຄົນ​ກ່າວ​ວ່າ ກອງ​ປະ​ຊຸມ​ໃຫຍ່ນີ້ມີ​ທ່າ​ທາງ​ວ່າຈະ​ເປັນ​ພຽງສັນຍາ​ລັກກ່ຽວ​ກັບ​ຂັ້ນຕອນ ເພື່ອ​ຍົກ​ລະດັບ ​ຖານະ​ຂອງທ່ານ Kim ​ໂດຍ​ໃຫ້​ຂໍ້​ສັງ​ເກດ​ວ່າ ທ່ານ Kim ​ໄດ້​ກຳ​ໜ້າ​ທີ່​ສູງ​ສຸດ​ຢູ່​ໃນ​ພັກ ​ແລະ​ກອງທັບຢູ່​ແລ້ວ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG