ລິ້ງ ສຳຫລັບເຂົ້າຫາ

ເກົາຫຼີເໜືອ ຕັດສິນລົງໂທດ ຜູ້ຊາຍອາເມຣິກັນ ເຊື້ອສາຍເກົາຫຼີ ໃຫ້ອອກແຮງງານໜັກ 10 ປີ


ຜູ້ຊາຍ ທີ່ລະບຸວ່າແມ່ນທ້າວ Kim Dong Chul ຊຶ່ງກ່ອນໜ້ານີ້ ກ່າວວ່າ ລາວໄດ້ຕັດຊາດ ເປັນອາເມຣິກັນ ແລະຖືກຈັບ ຢູ່ເກົາຫຼີເໜືອ ໃນເດືອນຕຸລາ ປີກາຍ.

ພຽງ​ຢາງ​ໄດ້​ຕັດສິນ​ລົງ​ໂທດ ​ຜູ້​ຊາຍ​ອາ​ເມຣິກັນ​ເຊື້ອສາຍ​ເກົາຫຼີຄົນ​ນຶ່ງ ​ໃຫ້​ອອກ​ແຮງ​ງານ ໜັກ​ເປັນ​ເວລາ 10 ປີ ຍ້ອນ​ຫາ​ທາງ​ບ່ອນທຳລາຍລັດຖະບານ.

ສານ​ແຫ່ງ​ນຶ່ງ​ຂອງ​ເກົາຫລີ​ເໜືອໄດ້​ຕັດສິນ​ລົງ​ໂທດ​ຈຳ​ຄຸກ​ທ້າວ Kim Dong Chul ໃນ​ວັນ ສຸກ​ມື້ນີ້.

ທ້າວ Kim ​ໄດ້​ຮັບ​ສາລະພາບ ​ໃນ​ເດືອນ​ແລ້ວນີ້ວ່າ ​ຜູ້ກ່ຽວ​ພະຍາຍາມ​ ທີ່​ຈະ​ລັກຂະ​ໂມ​ຍ ເອົາ​ຄວາມ​ລັບ​ທາງ​ທະຫານ ​ຂອງ​ເກົາຫຼີ​ເໜືອ ​ແລະ​ໄດ້​ຮ້ອງ​ຂໍ​ຄວາມ​ເມດຕາ​ກະລຸນາ​ ​ເວ ລາ​ຜູ້ກ່ຽວ​ໄດ້​ຖືກ​ນຳ​ໄປ​ປາກົດ​ໂຕ​ຕໍ່ໜ້າ​ສື່​ມວນ​ຊົນ​ທີ່​ນະຄອນ​ພຽງຢາງ​ໃນ​ເດືອນ​ມີນາ​ຜ່ານ ມາ.

ທ້າວ Otto Warmbier ຮ້ອງໄຫ້ ຢູ່ໃນຮູບພາບ ທີ່ນຳອອກເຜີຍແຜ່ ໂດຍອົງການຂ່າວສູນກາງ ຂອງທາງການເກົາຫຼີເໜືອ.
ທ້າວ Otto Warmbier ຮ້ອງໄຫ້ ຢູ່ໃນຮູບພາບ ທີ່ນຳອອກເຜີຍແຜ່ ໂດຍອົງການຂ່າວສູນກາງ ຂອງທາງການເກົາຫຼີເໜືອ.

ລາວ​ໄດ້​ສາລະພາບ​ນຶ່ງ​ອາທິດ​ຕໍ່​ມາ ຫລັງ​ຈາກ​ເກົາ​ຫຼີ​ເໜືອ​ໄດ້​ຕັດ​ສິນ​ລົງ​ໂທດ​ໃຫ້ນັກ​ສຶກສາ ອາ​ເມຣິກັນທ້າວ Otto Warmbier ​ອອກ​ແຮງ​ງານ​ໜັກເປັນ​ເວລາ 15 ປີ ຍ້ອນ​ໄດ້​ລັກ​ເອົາ ປ້າຍ​ໂຄສະນາຂອງ​ເກົາຫຼີ​ເໜືອ.

ທັງ​ທ້າວ Kim ​ແລະ​ທ້າວ Warmbier ຕ່າງ​ກໍ​ໄດ້​ຍອມຮັບ​ຕໍ່​ຂໍ້​ຫາ​ຂອງ​ເຈົ້າໜ້າ​ທີ່ ​ແຕ່​ພວກ ນັກ​ສັງ​ເກດ​ການ​ກ່າວ​ວ່າ ການ​ຍອມຮັບ​ຂອງ​ທັງ​ສອງຄົນ​ແມ່ນມີ​ທ່າ​ທາງ​ວ່າ​ຖືກ​ບັງຄັບ.

ການ​ຕັດສິນ​ໂທດ​ທ້າວ Kim ​ແລະ​ທ້າວ Warmbier ມີ​ຂຶ້ນທ່າມກາງ​ຄວາມ​ເຄັ່ງ​ຕຶງ​ທີ່​ເພີ້ມ ທະວີ​ຂຶ້ນຫຼັງ​ຈາກ​ການ​ທົດ​ລອງ​ນິວ​ເຄລຍ​ແລະ​ຍິງ​ລູກ​ສອນ​ໄຟ​ໄລຍະໄກ​ຂອງ​ເກົາຫຼີ​ເໜືອ. ທັງ​ວໍ​ຊິງ​ຕັນ ​ໂຊ​ລ ແລະ​ໂຕ​ກຽວ ​ຕ່າງ​ກໍ​ສັ່ງ​ໃຫ້​ ກອງທັບ​ຂອງຕົນກຽມພ້ອມ ​ເພື່ອ​ເປັນ​ການ​ຕອບ​ໂຕ້​ຕໍ່​ການ​ທົດ​ລອງ​ດັ່ງກ່າວ. ກຳລັງ​ຂອງ​ສະຫະ ລັດ​ແລະ​ເກົາຫຼີ​ໃຕ້​ໄດ້​ທຳ​ການ​ຊ້ອມ ລົບ​ຮ່ວມ​ທາງ​ທະຫານ​ປະຈຳ​ປີ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG