ລິ້ງ ສຳຫລັບເຂົ້າຫາ

ເກົາຫລີເໜືອ ລາຍງານ ຜົນເສຍຫາຍ ຍ້ອນລົມພາຍຸ ໄຕ້ຝຸ່ນ ບໍລະເວນ


ລົມພາຍຸບໍລະເວນ ກໍາລັງພັດຖະຫລົ່ມ ຝັ່ງທະເລເກົາຫລີ
ອົງການຂ່າວ​ທາງ​ການ​ເກົາຫລີ​ເໜືອ ກ່າວວ່າ 48 ຄົນໄດ້ເສຍ
​ຊີວິດ ​ແລະ​ຫລາຍ​ຄົນຍັງ​ຫາຍ​ສາບ​ສູນ ຫລັງ​ຈາກ​ລົ​ມ​ໄຕ້​ຝຸ່ນ
ບໍ​ລະ​ເວນ ​ໄດ້​ຖະຫລົ່​ມຝັ່ງ​ທະ​ເລ​ພາກ​ຕາ​ເວັນ​ຕົກ​ຂອງເກົາຫລີ​
ເໜືອ ​ໃນອາທິດແລ້ວ​ນີ້.

ອົງການ​ຂ່າວສູນ​ກາງ​ເກົາຫລີ​ເໜືອ ຍັງ​ໄດ້​ລາຍ​ງານ​ ໃນ​ວັນ​ຈັນ
ວານ​ນີ້ວ່າ ປະມານ 50 ຄົນ​ໄດ້​ຮັບ​ບາດ​ເຈັບ ຈາກ​ລົມພາຍຸແຮງ​ຫົວນີ້.

ລາຍ​ງານ​ກ່າວ​ວ່າ ລົມໄຕ້​ຝຸ່ນ​ຍັງ​ເຮັດ​ໃຫ້ 21,000 ພັນ​ຄົນ​ບໍ່​ມີທີ່ຢູ່​ອາໄສ ​ແລະ​ມັນ​ໄດ້​ທໍາລາຍ​ຜົນປູກຫລາຍ​ກວ່າ 50,000 ​ເຮັກຕາ​. ລາຍງານ​ກ່າວ​ວ່າ ລົມໄຕ້​ຝຸ່ນ​ໄດ້​ສ້າງ​ຄວາມ​ເສຍ​ຫາຍ ຫລື​ທໍາລາຍ​ປະມານ 880 ​ໂຮງງານ​ຕ່າງໆ ​ແລະ​ຕຶກອາຄານສາທາລະນະ​
ທັງຫລາຍ ຮວມ​ທັງ​ໂຮງຮຽນ​ຫລາຍ​ສິບ​ຫລັງ ​ແລະ​ຄລິ​ນິກຕ່າງໆນຳ​ດ້ວຍ.

ລົມໄຕ້​ຝຸ່ນ​ຫົວນີ້ໄດ້ພັດ​ຖະຫຼົ່ມຝັ່ງທະ​ເລ​ເກົາຫລີ​ເໜືອ ​ໃນ​ວັນ​ອັງຄານ​ ​ແລະ​ວັນ​ພຸດ​ແລ້ວນີ້ ຫລັງ​ຈາກ​ມັນ​ໄດ້ພັດ​ຜ່ານຍີ່​ປຸ່ນ ​ແລະ​ສ່ວນ​ນຶ່ງ​ຂອງ​ຈີນ. ຮູບ​ພາບ​ວີ​ດີ​ໂອ ​ໄດ້​ສະ​ແດງໃຫ້​ເຫັນ​ຕົ້ນ​ໄມ້​ທັງ​ຫລາຍ​ກົ່ນ ທໍາ​ລາຍຫລັງ​ຄາ​ເຮືອນ ​ແລະ​ເຮັດ​ໃຫ້ສາຍ​ໄຟ​ຂາດ.

ໃນ​ຕົ້ນ​ປີ​ນີ້ ບາງ​ພາກສ່ວນ​ຂອງ​ເກົາຫລີ​ເໜືອ ​ໄດ້​ຖືກ​ນໍ້າ​ຖ້ວມ ຫລັງ​ຈາກ​ມີ​ຝົນຕົກ​ໜັກ​ໃນ​ເດືອນກໍລະກົດ ​ແລະ​ຕົ້ນ​ເຄິ່ງ​ທຳ​ອິດ​ຂອງ​ເດືອນສີ​ງຫາ. ​ແຕ່ຢູ່​ໃນ​ຂົງ​ເຂດ​ອື່ນໆ​ນັ້ນ ຊໍ້າພັດ​ໄດ້ປະສົບ​ກັບ​ໄພ​ແຫ້ງ​ແລ້ງ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG