ລິ້ງ ສຳຫລັບເຂົ້າຫາ

ເກົາຫຼີເໜືອ ໄວ້ອາໄລ ວັນຄົບຮອບ 3 ປີ ໃນການເຖິງແກ່ ອະສັນຍະກຳ ຂອງທ່ານ Kim Jong Il


ເກົາຫລີເໜືອ ກົ້ມຄຳນັບ ຮູບປັ້ນຂອງມື້ລາງ ຜູ້ນຳເກົາຫລີເໜືອ ທ່ານ Kim Jong Il ແລະຜູ້ກໍ່ຕັ້ງເກົາຫຼີເໜືອ ທ່ານ Kim Il Sung (ຊ້າຍ).

ຜູ້ນຳ​ຄອມ​ມິ​ວນິສ ເກົາຫລີ​ເໜືອ ກໍາ​ ລັງສະຫລອງ​ຂີດ​ໝາຍວັນ
​ຄົບຮອບ​ສາມ​ປີ​ໃນການເຖິງແກ່ອະສັນຍະກຳ ຂອງມື້ລາງຈອມ
​ຜະ​ເດັດ​ການ Kim Jong Il.

​ໂທລະພາບລັດຖະບານໃນ​ວັນ​ພຸດ​ມື້​ນີ້​ໄດ້ສະ​ແດງ​ໃຫ້​ເຫັນຊາວ
ເກົາຫລີ​ເໜືອ ພາກັນ​ກົ້ມ​ຄຳນັບ ​ແລະ​ວາງ​ດອກ​ໄມ້​ ຢູ່​ທີ່​ຮູບປັ້ນ
​ອ​ະດີດ​ຜູ້ນຳ​ແລະ​ບິດາ​ຂອງທ່ານ ຄືທ່ານ Kim II Sung.

ຜູ້​ໄວ້ອາ​ໄລ​ຄົນ​ນຶ່ງຊຶ່ງເປັນຊາວ​ນະຄອນ​ພຽງ​ຢາງ ນາງ Jang Un
Byol ​ກ່າວ ​ຕໍ່​ໂທລະພາບ​ເກົາຫລີ​ເໜືອວ່າ​ເປັນ​ຫຍັງ ນາງ​ຈຶ່ງໄປ​
ຢ້ຽມຢາມ​ສະຖານທີ່ດັ່ງກ່າວ​ ຢູ່​ທີ່ Mansu Hill​ໃນ​ນະຄອນ​ຫລວງ
ຊຶ່ງນາງ​ກ່າວ​ວ່າ :

“ມັນ​ເປັນ​ເວລາ​ສາມ​ປີ​ມາ​ແລ້ວ ນັບ​ຕັ້ງ​ແຕ່ພວກ​ເຮົາ​ໄດ້​ສູນ​ເສຍ ​ຢ່າງກະທັນຫັນ ນາຍ​ພົນ
ຂອງພວກ​ເຮົາ ​ແລະໄດ້​ເສຍ​ນຳ້ຕາ. ​ເຖິງ​ຢ່າງ​ໃດ​ກໍ​ດີ​ ​ເຖິງ​ແມ່ນ​ເວລາ​ໄດ້​ຜ່ານ​ພົ້ນ​ໄປ ​ແລະ​
ພູຜາ ​ແມ່​ນຳ້ໄດ້​ປ່ຽນ​ແປງໄປ ແຕ່ຫົວ​ໃຈ​ຂອງ​ພວກ​ເຮົາ​ຍັງ​ສືບຕໍ່​ເຜົາ​ໃໝ້ແບບບໍ່ຢຸດຢ່ອນ​ຄິດເຖິງທ່ານ ​ແລະຜົນສຳເລັດຕ່າງໆ​ຂອງ​ທ່ານ ທີ່​ຈະ​ມີຄວາມສຳຄັນຂື້ນ​ກວ່າ​ເກົ່າ​ ​ໃນ​
ອະນາ​ຄົດ.”

ສຽງ​ແກ ຈາກ​ລົດ ກໍ​າປັ່ນ ​ແລະ​ລົດ​ໄຟ ​ໄດ້​ດັງ​ກ້ອງ​ຂື້ນ​ຢູ່ທົ່ວປະ​ເທດ​ໃນ​ຕອນ ທ່ຽງ​ວັນ​ພຸດ
​ມື້​ນີ້ ​ເພື່ອ​ເປັນ​ຂີດ​ໝາຍວັນ​ຄົບ​ຮອບ​ຂອງການເຖິງແກ່ອະສັນຍະກຳ.

ບັນດາ​ຜູ້​ນຳ​ສູ​ງສຸດ​ ​ເກົາຫລີ​ເໜືອ ​ໄດ້​ເຂົ້າ​ຮ່ວມພິທີ​ໃນ​ເວລາ​ຕໍ່​ມາ​ທີ່ພະລາດ​ຊະ​ວັງ
Kumsusan ບ່ອນ​ທີ່​ສົບ​ຂອງ​ມື້​ລາງທັງສອງ​ທ່ານ Kim ​ໄດ້ເກັບ​ຮັກສາ​ໄວ້ ຢູ່​ທີ່​ນັ້ນ.

ພຽງ​ຢາງໄດ້​ປະຕິບັດ​ງານ​ຢ່າງ​ໜັກ​ໜ່ວງເພື່ອສ້າງຮີດຄອງ​ປະ​ເພນີບູຊາບຸກຄົນ ອ້ອມ
​ຂ້າງຄອບຄົວ Kim ຊຶ່ງປັດຈຸບັນໄດ້​ປົກຄອງ​ເກົາຫລີ​ເໜືອ​ ມາ​ໄດ້​ສາມ​ຊົ່ວ​ຄົນ​ແລ້ວ.

ທ່ານ Kim Jong Il ​ໄດ້​ເຖິງແກ່ອະສັນຍະກຳ​ຢ່າງ​ກະທັນຫັນ​ໃນ​ເດືອນທັນ​ວາ ປີ 2011.
ທ່ານ​ໄດ້​ໂອນ​ອຳນາດ​ໃຫ້​ແກ່ລູກ​ຊາຍ​ຂອງ​ຄືທ່ານ Kim Jong Un ຜູ້​ທີ່​ໄດ້​ກຳເອົາ​ນາດ
ໃນການ​ປົກຄອງ​ຢ່າງ​ວ່ອງ​ໄວນັ້ນ.

​ວັນ​ພຸດ​ມື້​ນີ້ ​ເປັນ​ຂີດ​ໝາຍ​ການ​ສີ້​ນສຸດ ການໄວ້ອາ​ໄລ​ເປັນເວລາສາມ​ປີຕາມປະເພນີ ​ໃຫ້
​ແກ່ມື້​ລາງ ທ່ານ Kim.

ລູກ​ຊາຍຜູ້ໜຸ່ມ​ນ້ອຍທ່ານ Kim ສ່ວນໃຫຍ່ແລ້ວແມ່ນ​ໄດ້​ດຳເນີນນະ​ໂຍບາຍ​ດຽວ​ກັນ ກັບ​
ພໍ່​ຂອງ​ລາວ ຮວມທັງ​ການ​ດູ​ແລ​ເພື່ອສ້າງ​ຄວາມ​ກ້າວໜ້າ​ໃຫ້ແກ່ກອງທັບ ຂະໜາດໃຫຍ່
​ຂອງ​ປະ​ເທດ.

XS
SM
MD
LG