ລິ້ງ ສຳຫລັບເຂົ້າຫາ

ພຶດຕິກຳ ທີ່ດີ ຂອງເກົາຫຼີເໜືອ ອາດຈະບໍ່ຜ່ອນຜັນ ມາດຕະການ ລົງໂທດໄດ້


ໃນຮູບພາບນີ້ ທີ່ນຳອອກມາຈາກວີດີໂອ ຂອງ ຜູ້ນຳເກົາຫຼີເໜືອ Kim Jong Un ຢືນຄຳນັບ ລະຫວ່າງ ພິທີຄີດໝາຍ ການປົກຄອງປະເທດ ຄົບຮອບ 70 ປີ ໃນພຽງຢາງ, ວັນທີ 10 ຕຸລາ 2015.

ໃນຮູບພາບນີ້ ທີ່ນຳອອກມາຈາກວີດີໂອ ຂອງ ຜູ້ນຳເກົາຫຼີເໜືອ Kim Jong Un ຢືນຄຳນັບ ລະຫວ່າງ ພິທີຄີດໝາຍ ການປົກຄອງປະເທດ ຄົບຮອບ 70 ປີ ໃນພຽງຢາງ, ວັນທີ 10 ຕຸລາ 2015.

ເຖິງ​ແມ່ນ​ວ່າ ​ເກົາຫຼີ​ເໜືອ ມີ​ທ່າ​ທີ​ໃຫ້ການ​ຮ່ວມ​ມື ​ເມື່ອ​ບໍ່​ດົນ
​ມາ​ນີ້ກໍຕາມ ​ແຕ່​ໂຊ​ລ ​ແລະ ວໍ​ຊິງ​ຕັນ ບໍ່​ມີ​ຮ່ອງຮອຍໃດໆ ທີ່
​ຈະຫລຸດຜ່ອນຄວາມ​ກົດ​ດັນ ຕໍ່ລະບອບການປົກຄອງ​ຂອງ
Kim Jong Un ​ເລີຍ.

ທັງ​ສອງ​ປະ​ເທດ ຍັງ​ສືບຕໍ່ມີຄວາມ​ເປັນ​ຫ່ວງ ​ກ່ຽວ​ກັບ ​ໂຄງການ
ອາວຸດ​ນິວ​ເຄລຍຂອງ​ພຽງ​ຢາງ ​ແລະມີຄວາມໝັ້ນໝາຍ​ຈະໃຊ້​
ນະ​ໂຍບາຍການ​ຄວບ​ຄຸມຢ່າງເຂັ້ມງວດດ້ວຍ​ມາດ​ຕະການ​ລົງ​
ໂທດ​ທາງ​ເສດຖະກິດ ແລະ ​ການ​ໂດດ​ດ່ຽວ​ທາງ​ດ້ານການ​ທູດ
​ເພື່ອ​ກົດ​ດັນ​ໃຫ້​ລະບອບ​ດັ່ງກ່າວເລີກ ລົ້ມ ​ໂຄງການອາ​ວຸດ​
ນິວ​ເຄລຍຂອງ​ຕົນ.

ນັກວິ​ເຄາະ ກ່ຽວກັບ​ເກົາຫຼີ ທ່ານ Daniel Pinkston ຜູ້​ທີ່​ທຳ​ການຄົ້ນ ຄວ້າ ທີ່ສູນ​ສຶກສາ​
ບັນຫາ​ຂັດ​ແຍ້​ງ ຢູ່​ມະຫາວິທະຍາ​ໄລ Babes-Bolyai ໃນ​ປະ​ເທດ Romania ທີ່​ມາ​
ຢ້ຽມຢາມ ກ່າວ​ວ່າ ຫຼາຍທ່ານ​ຢູ່​ໃນ​ປະ​ຊາ​ຄົມນາໆ​ຊາດ ມອງ​ເຫັນ​ແບບທີ່ຍັງມີຄວາມ
ສົງໄສຢູ່ ວ່າ ຄວາມ​ພະຍາຍາມ​ຂອງ​ເກົາຫຼີ​ເໜືອ ທີ່​ໄດ້ທຳການ​ພົວພັນ​ເມື່ອ​ບໍ່​ດົນ​ມາ​ນີ້
ອັນ​ລວມມີການ​ເຕົ້າ​ໂຮມບັນດາ​ຄອບຄົວ​ ທີ່ພັດ​ພາກ​ຈາກ​ກັນ ​ແລະ ການ​ທີ່​ບໍ່​ໄດ້​ຍິງ​
ຈະ​ຫຼວດ ຫຼັງຈາກ​ທີ່​ໄດ້ມີຮ່ອງຮອຍ ສະແດງໃຫ້ເຫັນວ່າ ​ຕົນ​ຈະ​ຍິງນັ້ນ.

ພາບຖ່າຍຈາກດາວທຽມ ສະໜອງໂດຍ GeoEye ສະແດງໃຫ້ເຫັນ ພື້ນທີ່ອ້ອມແອ້ມ ໂຮງງານພະລັງນິວເຄລຍ Yongbyon ໃນເມືອງ Yongbyon ຂອງເກົາຫຼີເໜື້ອ.

ພາບຖ່າຍຈາກດາວທຽມ ສະໜອງໂດຍ GeoEye ສະແດງໃຫ້ເຫັນ ພື້ນທີ່ອ້ອມແອ້ມ ໂຮງງານພະລັງນິວເຄລຍ Yongbyon ໃນເມືອງ Yongbyon ຂອງເກົາຫຼີເໜື້ອ.

ທ່ານ Pinkston ​ເວົ້າ​ວ່າ “ຍຸດ​ທະ​ສາດ​ຂອງ​ເກົາຫຼີ​ເໜືອ ກໍແມ່ນ​ເພື່ອ ພົວພັນ ​ແລະ
ສະ​ແດງ​ທ່າ​ທີ​ຮ່ວມ​ມື ໃນລະດັບໃດລະດັບ​ນຶ່ງ ບົນ​ພື້ນ ຖານ​ການ​ເລືອກ​ເວັ້ນ ​ແຕ່
ປາດ​ສະ​ຈາກ ການ​ຜູກ​ມັດ​ໃດໆ ຫຼື ການ​ປະຕິບັດ​ໃດໆ ​ກ່ຽວ​ກັບ​ການ​ຍົກ​ເລີກ
ການ​ຜະລິດ​ອາວຸດ​ນິວ​ເຄລຍ.”

​ໜ່ວຍ​ສືບ​ລັບ​ແຫ່ງ​ຊາດ ຂອງ​ໂຊ​ລ ​ໄດ້​ຊີ້ແຈງ​ໃນ​ວັນ​ອັງຄານ​ວານ​ນີ້ ​ວ່າ ​ເກົາຫຼີ​ເໜືອ
​ແມ່ນ​ຕຽມ​ພ້ອມ ​ທີ່​ຈະ​ທົດ​ລອງ​ນິວ​ເຄລຍ ຄັ້ງ​ທີ 4 ແຕ່​ຫາກ​ວ່າ​ ມັນ​ອາດຈະບໍ່​ເກີດ​ຂຶ້ນ​ໄດ້
​ໃນ​ອະນາ​ຄົດ​ໃກ້ໆ​ນີ້​.

ສ່ວນ​ຢູ່​ທີ່​ວໍ​ຊິງ​ຕັນ ​ໃນ​ວັນ​ອັງຄານວານ​ນີ້ ທ່ານ Sung Kim ຜູ້ຕາງ ໜ້າ​ພິ​ເສດ​ ດ້ານ
ນະ​ໂຍບາຍ​ເກົາຫຼີ​ເໜືອ ຂອງ​ກະຊວງການ​ຕ່າງປະ​ເທດ​ສະຫະລັດ ກ່າວ​ ຕໍ່​ ຄະນະ
​ກຳມະການດ້ານ​ການ​ພົວພັນ​ຕ່າງປະ​ເທດຂອງສະພາ​ສູງ ວ່າ ລັດຖະບານພຽງ​ຢາງ
ຍັງສື​ບຕໍ່ທ້າ​ທາຍ​ ຄວາມ​ຕັ້ງ​ໃຈ​ ຂອງ​ປະຊາ​ຄົມນາໆ​ຊາດ.

XS
SM
MD
LG