ສື່ມວນຊົນເກົາຫຼີເໜືອລາຍງານວ່າ ປະເທດທີ່ໂດດດ່ຽວແຫ່ງນັ້ນ ໄດ້ທົດລອງກົນໄກລູກ ສອນໄຟຂ້າມທະວີບ ICBM ໄດ້ຢ່າງເປັນຜົນສຳເຣັດ.
ອົງການສູນກາງຂ່າວສານທາງການເກົາຫຼີເໜືອໄດ້ເຜີຍແພ່ລາຍງານດັ່ງກ່າວໃນວັນເສົາ ມື້ນີ້. ອົງການຂ່າວສານດັ່ງກ່າວເວົ້າວ່າ ກິມຈົງອຸນ ຜູ້ນຳເກົາຫຼີເໜືອເອງ ເປັນຜູ້ກຳກັບ
ການທົດລອງດັ່ງກ່າວຊຶ່ງຈະສ້າງຄວາມແຂ້ມແຂງໃຫ້ແກ່ຄວາມສາມາດຂອງຕົນໃນການ ໂຈມຕີດ້ວຍນິວເຄລຽຕໍ່ ສຫຣ.
ກຸງປຽງຢາງມັກຂົ່ມຂູ່ສະເໝີ ວ່າຈະຈົມຕີດ້ວຍນິວເຄລຽກ່ອນ ຕໍ່ ສຫຣ ແລະເກົາຫຼີໃຕ້. ຖ້າ ຫາກເປັນຜົນສຳເຣັດແທ້ ການທົດລອງຄັ້ງນີ້ກໍແມ່ນຈະເປັນບາດກ້າວຍິ່ງໃຫຽ່ ໄປສູ່ໂຄງ ການອາວຸດນິວເຄລຽຂອງເກົາຫຼີເໜືອ.
ເກົາຫຼີເໜືອໄດ້ຍິງອາວຸດຂຶ້ນເປັນປະຈຳຫຼາຍຄັ້ງ ຕັ້ງແຕ່ເດືອນມັງກອນເປັນຕົ້ນມາ ແລະ ໄດ້ຍິງລູກສອນໄປຂຶ້ນຫຼາຍຄັ້ງ ເປັນການລະເມີດການລົງໂທດທາງດ້ານເສຖກິດ ທີ່ວາງ ອອກໂດຍສະພາຄວາມໝັ້ນຄົງອົງການ ສຫຊ.
ພວກນັກວິເຄາະເກົາຫຼີໃຕ້ກັບ ສຫຣ ໄດ້ພາກັນສົງໄສກ່ຽວກັບວ່າຄຳກ່າວອ້າງຂອງ ເກົາ ຫຼີເໜືອທີ່ວ່າການທົດລອງຕ່າງໆສະແດງໃຫ້ເຫັນເຖິງຄວາມກ້າວໜ້າທາງດ້ານເທັກໂນໂລ
ຈີໃນໂຄງການລູກສອນໄຟແລະໂຄງການນິວເຄລຽຂອງຕົນ.
