ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ເກົາຫລີເໜືອກ່າວຫາສະຫະລັດວ່າ ວາງແຜນລອບສັງຫານ ທ່ານ Kim Jong Un


ຮູບພາບຈາກ ຂ່າວເກົາຫລີເໜືອ KRT ສະແດງໃຫ້ເຫັນຜູ້ນຳ ເກົາຫລີເໜືອ ທ່ານ Kim Jong Un ສະຫລອງວັນຄົບຮອບ 85 ປີ ຂອງກອງທັບເກົາຫລີເໜືອ.
ຮູບພາບຈາກ ຂ່າວເກົາຫລີເໜືອ KRT ສະແດງໃຫ້ເຫັນຜູ້ນຳ ເກົາຫລີເໜືອ ທ່ານ Kim Jong Un ສະຫລອງວັນຄົບຮອບ 85 ປີ ຂອງກອງທັບເກົາຫລີເໜືອ.

ໃນ​ວັນ​ສຸກ​ວານ​ນີ້ ​ເກົາຫລີ​ເໜືອ​ໄດ້​ກ່າວ​ຫາ​ລັດຖະບານ​ສະຫະລັດ ​ແລະເກົາຫລີ​ໃຕ້ວ່າ
ພະຍາຍາມ​ລອບ​ສັງຫານ​ຜູ້ນຳ Kim Jong Un ທີ່ບໍ່ສຳ​ເລັດ​ຜົນ.

ອົງການສື່​ມວນ​ຊົນລັດເກົາຫລີ​ເໜືອ ​ໄດ້​ລາຍ​ງານ​ໂດຍອ້າງ​ເຖິງຄວາມ​ເວົ້າ ຂອງກະຊວງ​
ຮັກສາ​ຄວາມ​ປອດ​ໄພ​ຂອງ​ປະ​ເທດ​ວ່າຈະ “ຄົ້ນຫາແລະ​ກໍາຈັດ” ບັນດາ​ນັກ​ສືບ​ຢູ່​ໃນ​ບັນ
ດາ​ອົງການ​ສືບ​ລັບ​ຂອງສະຫະລັດ ​ແລະ​ເກົາຫລີ​ໃຕ້ ທີ່​ກະຊວງ​ດັ່ງກ່າວ ​ໄດ້ກ່າ​ວຫາ
​ວ່າ​ເປັນ​ຜູ້ວາງແຜນການ​ໂຈມ​ຕີດັ່ງກ່າວ “ຢ່າງບໍ່ມີ​ຄວາມ​ປານີ​ເລີຍ”

ອີງ​ຕາມ​ກະຊວງ​ຮັກສາ​ຄວາມ​ປອດ​ໄພ​ຂອງ​ປະ​ເທດ ພວກ​ນັກ​ສືບ​ອາ​ເມຣິກັນ ​ແລະ
ເກົາຫລີ​ໃຕ້ ​ໄດ້​ບັງຄັບ​ໃຫ້​ຄົນ​ສັນຊາດ​ເກົາຫລີ​ເໜືອຜູ້​ນຶ່ງ ​ໃຫ້ພະຍາມ​ດໍາ​ເນີນ​ການ
ລອບ​ສັງຫານດັ່ງກ່າວ​ເພື່ອ​ແລກ​ກັບ​ເງິນຄ່າ​ຕອບ​ແທນ ​ແລະໄດ້​ເອົາ​ອຸບປະກອນ​ທາງ
ດາວທຽ​ມ​ໃຫ້​ຜູ້​ທີ່​ຈະທໍາ​ການ​ລອບ​ສັງຫານ​ນັ້ນ ​ເພື່ອ​ຕິດຕາມ​ເບິ່ງ​ການ​ເຄື່ອນ​ໄຫວ​
ຂອງ ທ່ານ Kim.

ການ​ຮ່ວ​ມມື​ກັນລະຫວ່າງ​ນັກ​ສືບ​ ​ແລະ​ຜູ້​ຊາຍເກົາຫລີ​ເໜືອ ທີ່​ຮູ້ແຕ່​ນາ​ມສະກຸນ ​ວ່າ
​ແມ່ນ Kim ໄດ້​ຖືກ​ກ່າວ​ຫາ​ວ່າ​ໄດ້​ເລີ້ມ​ຂຶ້ນໃນ​ປີ 2014 ໃນເວລາທີ່​ພວກ​ສາຍ​ລັບ​ເຂົ້າ​
ໄປ​ຫາລາວໃນ​ຂະນະ​ທີ່​ລາວ​ເຮັດ​ວຽກ​ຢູ່ຣັດ​ເຊຍ.

​ພາຍ​ຫລັງ​ທີ່​ລາວ​ໄດ້​ກັບມາ​ບ້ານ ພວກນັກ​ສື​ບດັ່ງກ່າວ​ຖືກກ່າວ​ຫາ​ວ່າ ​ໄດ້​ຕິດ​ຕໍ່​ກັບ​
ຜູ້​ຊາ​ຍຄົນ​ນັ້ນ​ເລື້ອຍໆມາ ​ແລະໃນ​ເດືອນ​ແລ້ວ​ນີ້​ໄດ້ບອກ​ລາວ​ວ່າ ​ໃຫ້​ໃຊ້​ອາວຸດ​ຊີວະ​
ສາດເຄມີ ເພື່ອ​ດໍາ​ເນີນການ​ລອບ​ສັງຫານ.

ຖະ​ແຫລ​ງການ​ຂອງ​ເກົາຫລີ​ເໜືອ ບໍ່​ໄດ້​ໃຫ້​ລາຍ​ລະອຽດແຕ່​ຢ່າງ​ໃດ ​ວ່າຕົນ​ເອງ​ໄດ້​
ທັບ​ມ້າງ​ແຜນການ​ລອບ​ສັງຫານທີ່ຖືກກ່າວ​ຫານັ້ນ​ໄດ້​ຈັ່ງ​ໃດ ຫລື​ວ່າ​ມີ​ໃຜ​ແດ່ພົວພັນ
ກັບ​ການ​ດໍາ​ນີນການ​ນີ້ ທີ່​ຖືກ​ຈັບ. ​ເກົາຫລີ​ເໜືອ​ມັກ​ກ່າວ​ຫາ​ສະຫະລັດ​ ​ແລະເກົາຫລີ​
ໃຕ້ເປັນ​ປະ​ຈໍາ​ ແຕ່​ການ​ກ່າວ​ຫາ​ໃນ​ວັນ​ສຸກວາ​ນນີ້ ​ເປັນ​ການ​ກ່າ​ວ ຫາທີ່​ເວົ້າ​ແບບ
ສະ​ເພາະ​ເຈາະ​ຈົງ​ກ່ອນ​ທີ່​ເຄີຍມີ​ມາ.

ອົງການ​ສືບ​ລັບ CIA ປະ​ຕິ​ເສດ​ທີ່​ຈະ​ໃຫ້​ຄໍາ​ເຫັນ​ໃດໆຕໍ່ຄໍາ​ກ່າວ​ຫາ ດັ່ງກ່າວ.

ອ່ານຂ່າວນີ້ເປັນພາສາອັງກິດ

XS
SM
MD
LG