ເກົາຫຼີເໜືອໄດ້ນຳອອກເຜີຍແຜ່ຮູບພາບຂອງທ້າວກິມຈົງ
ອຸນ ລູກຊາຍຫຼ້າແລະຜູ້ທີ່ປາກົດວ່າເປັນທາຍາດທາງການ
ເມືອງຂອງທ່ານກິມຈົງອິລ ຜູ້ນຳຂອງເກົາຫຼີເໜືອ.
ຮູບພາບດັ່ງກ່າວ ໄດ້ຖືກນຳອອກເຜີຍແຜ່ໂດຍສື່ມວນຊົນ
ຂອງທາງການເກົາຫຼີເໜືອ. ອົງການຂ່າວຢອນຮັບຂອງ
ເກົາຫຼີໃຕ້ລະບຸວ່າ ຜູ້ຊາຍຜົມສີດຳທີ່ໃສ່ຊຸດສີຄໍ້ານັ້ນ ຄື
ທ້າວກິມຈົງອຸນ. ລາວນັ່ງຢູ່ແຖວໜ້າໃນກຸ່ມພວກຜູ້ນຳ
ຂອງພັກກຳມະກອນ ຊຶ່ງເປັນພັກລັດຖະບານຂອງເກົາ
ຫຼີເໜືອ ຮວມທັງບິດາຂອງລາວນຳດ້ວຍ.
ນີ້ແມ່ນຮູບພາບທີ່ໄດ້ນຳອອກເຜີຍແຜ່ຢ່າງເປັນທາງການ ເທື່ອທຳອິດຂອງທ້າວກິມຈົງອຸນ ທີ່ໄດ້ຖືກແຕ່ງຕັ້ງໃຫ້ເປັນ ກຳມະການສູນກາງພັກກຳມະກອນໃນກອງປະຊຸມອາທິດນີ້.
ນອກນັ້ນແລ້ວ ລາວຍັງໄດ້ຖືກແຕ່ງຕັ້ງໃຫ້ ເປັນຮອງ ປະທານຄະນະກຳມາທິການກາງ ກອງທັບ ທີ່ມີອິດທິພົນຂອງເກົາຫຼີເໜືອ ແລະເປັນນາຍພົນ 4 ດາວນຳດ້ວຍ.
