ລິ້ງ ສຳຫລັບເຂົ້າຫາ

ລາຍງານວ່າ ບໍ່ມີຜົນກະທົບ ທີ່ສຳຄັນ ໃນການສ້າງ ທໍ່ນ້ຳມັນ Keystone (ວີດີໂອ)


ແຜນທີ່ ການສ້າງທໍ່ນໍ້າມັນ Keystone ຈາກປະເທດການາດາ ສູ່ ປາກເຂດແຄມຝັ່ງທະເລ ລັດ Texas.

ແຜນທີ່ ການສ້າງທໍ່ນໍ້າມັນ Keystone ຈາກປະເທດການາດາ ສູ່ ປາກເຂດແຄມຝັ່ງທະເລ ລັດ Texas.

ລາຍ​ງານ​ໃໝ່ສະບັບ​ນຶ່ງ ຂອງກະຊວງການ​ຕ່າງປະ​ເທດສະຫະ
ລັດບໍ່ໄດ້ກ່າວເຖິງການຄັດຄ້ານໃນດ້ານສິ່ງແວດລ້ອມທີ່ສຳຄັນ
ໃດໆ​ຕໍ່​ການສະ​ເໜີ​ສ້າງ​ທໍ່​ນໍ້າມັນຈາກກາ​ນາ​ດາມາສູ່​ເຂດແຄມ
​ຝັ່ງ​ທະ​ເລຕອນໃຕ້ຂອງສະຫະລັດ.

ລາຍ​ງານ ທີ່ນຳອອກ​ເຜີ​ຍ​ແຜ່​ ໃນ​ວັນ​ສຸກ​ວານ​ນີ້ ບໍ່​ໄດ້ແນະນຳ​
ວ່າ ໂຄງການ​ສ້າງທໍ່​ນໍ້າມັນ Keystone ຄວນມີ​ຂື້ນຫລືບໍ່.

ທໍາ​ນຽນ​ຂາວ ກ່າວ​ໃນ​ຕອນ​ແລງ​ວັນ​ສຸກ​ວານ​ນີ້​ວ່າ ລາຍ​ງານ​ນີ້
ບໍ່​ໄດ້​ເປັນ​ບາດ ກ້າວ​ຂັ້ນສຸດທ້າຍ ກ່ອນຈະມີການ​ກໍ່​ສ້າງ​ ທໍ່​ນໍ້າ
ມັນດັ່ງກ່າວ.

ທ່ານ Matt Lehrich ​ໂຄສົກ​ທໍານຽບຂາວ ກ່າວ​ວ່າ ການ​ຕັດສິນ​ໃຈກ່ຽວກັບ​ວ່າໂຄງການ​ນີ້
ຈະ​ເປັນ “ຜົນ​ປະ​ໂຫຍ​ດ​ສຳລັບປະທດຊາດ” ຫລືບໍ່ນັ້ນ ຈະມີຂຶ້ນກໍຕໍ່ ເມື່ອຫລັງ​ຈາກ ໄດ້ມີ
“ການ​ພິຈາລະນາ​ຢ່າງ​ລ​ະມັດ​ລະວັງ” ເບິ່ງ​ລາຍ​ງານ​ຂອງ ກະ​ຊວງ​ການ​ຕ່າງປະ​ເທດ ຄໍາ
​ເຫັນຈາກພະແນກການ​ອື່ນໆແລະ​ຄວາມເຫັນຂອງ ສາທາລະນະ​ຊົນ.

ຈາກ​ການ​ວິ​ເຄາະທີ່ມີ​ຢູ່ທັງໝົດ 11 ​ເຫລັ້ມນັ້ນ ​ລາຍງານຂັ້ນສຸ​ດທ້າຍ​ຂອງ ກະ ຊວງ​ການ
​ຕ່າງ​ປະ​ເທດ​ ກ່ຽວ​ກັບ​ທໍ່​ນໍ້າມັນດັ່ງກ່າວໄດ້​ລົງຄວາ​ມ​ເຫັນແບບດຽວກັນ ກັບ​ຮ່າງລາຍ​ງານ ທີ່​
ໄດ້​ເຮັດ​ໃນ​ເດືອນ​ມີນາ​ປີ​ກາຍ​ນີ້ ນັ້ນກໍຄື ໂຄ​ງການ​ດັ່ງກ່າວ​ບໍ່ມີທ່າທາງວ່າຈະເປັນຜົນກະທົບ
ຕໍ່ຂັ້ນຕອນໃນການພັດທະນາ ການກັ່ນນໍ້າມັນ ຈາກຊາຍຂອງກາ​ນາ​ດາແຕ່ຢ່າງໃດ.

ລາຍ​ງານນີ້ ເຮັດໃຫ້ລັດຖະບານທ່ານໂອ​ບາ​ມາ ​ຫຍັງເຂົ້າໃກ້ ການ​ຕັດສິນໃນ ຂັ້ນ​ສຸດ​ທ້າຍ​
ກ່ຽວກັບວ່າ ຈະໃຫ້ການອະນຸມັດຫລື​ບໍ່ຕໍ່ໂຄງການນີ້ ຫລັງ​ຈາກໄດ້​ມີການພິຈາລະນາມາ
ຫລາຍ​ກວ່າຫ້າ​ປີແລ້ວ.

ການສະ​ເໜີສ້າງ​ທໍ່ສົ່ງ​ນໍ້າມັນ ຍາວ 1,900 ກິ​ໂລ​ແມັດ ຈະ​ເຊື່ອມຕໍ່ກັບທໍ່ນ້ຳມັນ ອຶ່ນໆ ເພື່ອ
ສົ່ງນໍ້າມັນ 800,000 ຖັງ​ຕໍ່​ມື້ ໄປຍັງ​ອ່າວ​ທະ​ເລໃນລັດ Texas ຈາກໂຮງງານຜະລິດນໍ້າ
ມັນຂີ້ຊາຍແຂວງ Alberta ປະ​ເທດ Canada.

​ໂຄງການ​ຫລາຍພັນລ້ານໂດ​ລາດັ່ງກ່າວ ​ໄດ້​ກາຍ​ມາ​ເປັນ​ຈຸດເພັ່ງເລັງຂອງການ ຂັດແຍ້ງທີ່
ດຸເດືອດ ໂດຍທີ່ພວກປົກປ້ອງສະພາບແວດລ້ອມກ່າວວ່າ ຈະມີສ່ວນ ໃນການປ່ຽນແປງ
ຂອງດິນຟ້າອາກາດ ແລະ​ບັນດາ​ຜູ້​ສະໜັບສະໜູນ ກ່າວ​ວ່າ ມັນ​ຈະ​ຊ່ວຍ​ໃຫ້ສະຫະລັດ ບັນ
ລຸ​ຄວາມ​ເປັນ​ເອກ​ກະລາດທາງດ້ານພະລັງງານ.

XS
SM
MD
LG