ລິ້ງ ສຳຫລັບເຂົ້າຫາ

Miss Minnesota 2012 ນິດຕະຍາ ປານມາໄລທອງ ກຽມໂຕເຂົ້າປະກວດ Miss USA

  • Dara Baccam

ນິດຕະຍາ ຕອບຄຳຖາມ ໃນຮອບສຳພາດ ໃນການປະກວດ Miss Minnesota USA 2012, ເດືອນພະຈິກ 2011.

ເຊີນທ່ານຕິດຕາມອ່ານແລະຟັງ ບົດສໍາພາດຕອນທີສອງ ກັບນິດຕະຍາ ປານມາໄລທອງ ນາງງາມລັດມິນນີໂຊຕາ ທີ່ຈະໄດ້ເຂົ້າຮ່ວມແຂ່ງຂັນບາດເອົາມົງກຸດ ນາງງາມສະຫະລັດ ອາເມຣິກາ ຫລື Miss USA ໃນອີກບໍ່ນານນີ້.

ຟັງບົດສໍາພາດໂດຍເຕັມ:

ສະບາຍດີ​ທ່ານ​ຜູ້​ຟັງ ຈາ​ກບົດ​ສໍາພາດ​ຕອນ​ທີ​ນຶ່ງ​ນັ້ນ ​ເຮົາ​ໄດ້​ຮູ້​ວ່າ ນິດຕະຍາ​ໄປ​ສະໝັກ​ເຂົ້າ
​ປະ​ກວດ​ນາງ​ງາມ​ລັດ​ມິນ​ນີ​ໂຊ​ຕາ ກໍ​ເພາະ​ຢາກ​ໄດ້​ເງິນ​ລາງວັນ​ ຈໍານວນ 4 ໝື່ນ​ກ່ວາ$ ທີ່
​ເປັນ​ທຶນສໍາ​ລັບ​ການສຶກສາ​ຢູ່​ມະຫາ​ວິ​ທະຍາ​ໄລ​ແຫ່ງ​ນຶ່ງ​ໃນ​ລັດ​ມີ​ຊູຣີ. ນິດຕະຍາມີ​ເວລາ​ພຽງ
​ສອງ​ເດືອນ​ເທົ່າ​ນັ້ນ ​ເພື່ອ​ກຽມ​ໂຕ ​ຊຶ່ງ​ນາງເລີ່​ມຕົ້ນ​ດ້ວຍ​ການ​ສົ່ງໃບສະໝັກ​ ​ແລະໃບ​ຊີວະ​
ປະວັດ ຫລື biography ແລະ​ຮູບເຂົ້າ​ໄປ​ຍັງ​ເວັບ​ໄຊ້ທ໌ຂອງ​ບໍລິສັດ Future Productions
ທີ່​ເປັນ​ຜູ້​ຈັດ​ການ​ປະ​ກວດ​ນາງ​ງາມໃຫ້​ຫລາຍໆ​ລັດ ​ແລະ​ເປັນ​ຜູ້​ຄັດ​ເລືອກ​ຂັ້ນ​ຕົ້ນ. ນິດຕະຍາ
​ກ່າວ​ດັ່ງ​ນີ້:

ສາວນ້ອຍນິດຕະຍາ ໃນຊຸດຟ້ອນນາດຕະສິນ
ສາວນ້ອຍນິດຕະຍາ ໃນຊຸດຟ້ອນນາດຕະສິນ

ນິດຕະຍາ​ເວົ້າ​ວ່າ ນາງ​ບໍ່​ຮູ້​ສຶກຕື່ນ​ເຕ້ນ​ເລີຍຕອນ​ຍ່າງ​ຢູ່​ເທິງ​ເວ​ທີ ​ເພາະ​ເຄີຍເປັນ​ນາງ​ແບບ​ມາ​ກ່ອນ ​ແຕ່​ຄິດ​ວ່າ​ໂຕ​ເອງ​ຄົງ​ຈະ​ຕື່ນ​ເຕ້ນສຸດ​ຂີດ ​ເພາະ​ວ່າມີ​ຄົນ​ເບິ່ງ​ຫລາຍ​ກ່ວາ.

ນິດຕະຍາ​ໄດ້​ຜ່ານ​ການ​ຄັດ​ເລືອກ​ເບື້ອງ​ຕົ້ນ ພ້ອມ​ກັບ​ນາງ​ສາວ​ຄົນ​ອື່ນໆ​ອີກ 22 ຄົນ ​ທີ່​ຖືກ​ຄັດ​ເລືອກ​ລົງ​ໃຫ້​ເຫລືອ​ພຽງ 14 ຄົນ ​ເພື່ອ​ເຂົ້າ ຮອບ​ສຸດ​ທ້າ​ຍຂອງ​ການ​ປະ​ກວດ ທີ່​ຈັດ​ຂຶ້ນ​ພ້ອມໆ​ກັນ​ກັບ​ການ​ປະ​ກວດ​ນາງ​ງາມລັດ​ມິນ​ນີ​ໂຊ​ຕາ​ໄວ​ລຸ້ນ ຫລື Miss Teen Minnesota USA 2012 ຢູ່​ເທິງ​ເວທີ​ດຽວ​ກັນ​ນັ້ນ.

ການ​ປະ​ກວດ​ແມ່ນ​ປະກອບ​ດ້ວຍ​ສາມ​ພາກສ່ວນ​ດ້າຍ​ກັນ ຄື​ຮອບສໍາພາດ ຮອບ​ນຸ່ງ​ຊຸດ​ອາບ​ນໍ້າ ​ແລະ​ຮອບ​ຊຸດ​ລາຕີ. ​ແມ່ນຮອບ​ໃດ​ທີ່​ນິດຕະຍາຄິດ​ວ່າ ທໍາ​ຄະ​ແນນ​ໃຫ້​ໄດ້​ຫລາຍ​ທີ່​ສຸດແລະ​ນໍາ​ມົງກຸດ​ນາງ​ງາມ​ລັດ ມິນ​ນີ​ໂຊ​ຕາ​ມາ​ໃຫ້​ນາງ?

Miss Minnesota 2012 ນິດຕະຍາ ປານມາໄລທອງ ກຽມໂຕເຂົ້າປະກວດ Miss USA
Miss Minnesota 2012 ນິດຕະຍາ ປານມາໄລທອງ ກຽມໂຕເຂົ້າປະກວດ Miss USA

“ຂະ​ນ້ອຍ​ຄິດ​ວ່າ ມັນ​ແມ່ນ​ທັງ​ໝົດ​ຫັ້ນ
​ແຫລະ ຄື​ມັນ​ມີ​ສາມ​ພາກສ່ວນ ທີ່​ຄະນະ
​ກໍາມະການຕັດສິນ​ໃຫ້​ຄະ​ແນນ. ຮອບ​ສໍາ
ພາດກໍ​ແມ່ນ
1/3 ຮອບ​ຊຸດ​ລາຕີກໍ 1/3
ຮອບ​ຊຸດ​ອາບນໍ້າກໍ 1/3 ຄື​ກັນ. ​ເຮົາ​ຕ້ອງ​
ໄດ້​ຄະແນນ ສູງ​ສຸດ​ໃນ​ທັງ​ສາມ​ຮອບນີ້ ຈຶ່ງ
​ຈະ​ໄດ້​ໄຊຊະນະ. ຮອບ​ສໍາພາດ​ກໍ​ສໍາຄັນ
​ຫລາຍ​ຄື​ກັນ ​ເຊ່ນ​ດຽວ​ກັບ​ຮອບ​ຊຸດ​ອາບ​
ນໍ້າ ຊຶ່ງ​ມັນ​ເປັນ​ສິ່ງ​ທີ່​ໜ້າ​ອາຍ​ຢູ່ ການ​ທີ່
​ເຮົາ​ຈະ​ນຸ່ງ​ຊຸດ​ອາບ​ນໍ້າ ​ແລ້ວ​ໄປ​ຍ່າງ​ຢູ່​
ເທິງ​ເວທີ​ໃຫ້​ຄົນ​ຫລາຍ​ຮ້ອຍ​ຄົນ​ເບິ່ງ ​ແຕ່​
ຂະ​ນ້ອຍ​ກໍ​ບໍ່​ຕື່ນ​ເຕ້ນ​ເລີຍ​ເພາະວ່າ​ເຄີຍ​ມີ​
ປະສົບ​ປະກາ​ນດ້ານເດີນ​ແບບ​ມາ​ແດ່​ແລ້ວ.
ຜູ້​ປະ​ກວດ​ຄົນ​ອື່ນ​ໆ​ຫລາຍ​ຄົນ​ກໍ​ເຄີຍ​ມີ
​ປະສົບ​ປະການແບບ​ດຽວ​ກັນ ​ແລະ​ຂະ​
ນ້ອຍ​ກໍ​ບໍ່​ຄິດ​ວ່າ​ເຂົາ​ເຈົ້າ​ຕື່ນເຕ້​ນ ຄື​ກັນ.
ຄື​ພວກ​ເຮົາ​ຕ້ອງ​ຍ່າງ ​ຢ່າງ​ມີ​ຄວາມ​ໝັ້ນ
​ໃຈ ​ແລະ​ສະ​ແດງ​ໃຫ້​ຄົນ​ເບິ່ງ​ເຫັນ​ວ່າ ​ເຮົາ​ກໍ​ກໍາລັງ​ເບີກ​ບານ​ມ່ວນ​ຊຶ່ນ ບໍ່​ແມ່ນ​ຕື່ນເຕ້ນ ສັ່ນ
​ເຊັນ​ຫລື​ຢ້ານ​ແຕ່​ປະການ​ໃດ​ໃນ​ຊຸດ​ອາບ​ນໍ້າ​ນັ້ນ ​ແລ້ວກໍ​ຍ່າງ​ຢ່າ​ງສະງ່າ​ຜ່າ​ເຜີຍ ​ແຕ່​ກໍ​ອ່ອນ
​ຊ້ອຍ ​ແລະ​ມີ​ຄວາມໝັ້ນ​ໃຈ​ສູງ​ໃນ​ຊຸດ​ລາຕີ.”

ເຖິງ​ແມ່ນ​ຈະ​ໄດ້​ເປັນ​ນາງ​ງາມ​ລັດ​ມິນ​ນີ​ໂຊ​ຕາ​ມາ​ໄດ້​ຫລາຍ​ເດືອນ​ແລ້ວກໍ​ຕາມ ​ແຕ່​ນິດຕະຍາ
​ກໍ​ຍັງ​ບໍ່​ໄດ້​ໄປ​ຮຽນ​ຕໍ່​ມະຫາ​ວິທະຍາ​ໄລ​ຕາມ​ທີ່​ຕັ້ງ​ໃຈ​ໄວ້​ເທື່ອ ​ເພາະວ່ານາງ​ຕ້ອງ​ໄດ້​ປະຕິບັດ​
ພາລະກິດ​ຂອງ​ຕໍາ​ແໜ່​ງນາງງາມ​ລັດຂອງ​ນາງຕະຫລອດ​ປີ​ນີ້ ​ໂດ​ຍການ​ໄປ​ປາກົດ​ໂຕ​ໃນ​ງານ​
ສາທາລະນະ​ຕ່າງ​ໆ ເຊ່ນ ​ໄປ​ຢ້ຽມຢາມ​ເປັນ​ກໍາລັງ​ໃຈ​ໃຫ້​ພວກ​ເດັກນ້ອຍ​ທີ່​ເປັນ​ພະຍາດ
Down’s Syndrome ຄື​ກັນ​ກັບ​ນ້ອງ​ຂອງ​ນາງ​ຢູ່​ທີ່ໂຮ​ງ ຮຽນ​ຂອງ​ເຂົາ​ເຈົ້າ ​ແລະ​ທີ່​ສໍາຄັນ
​ທີ່​ສຸດກໍ​ຄື​ ນາງ​ຍັງ​ຕ້ອງ​ໄດ້​ເຮັດ​ການ​ຫາ​ເງິນ​ຫາ​ຄໍາ ມາ​ຊ່ວຍ​ລ້ຽງ​ດູ​ຄອບຄົວ ຊຶ່ງ​ນິດຕະຍາ​
ກ່າວ​ວ່າ ຂະ​ນ້ອຍ​ຕ້ອງ​ໄດ້​ຊ່ວຍ​ພໍ່​ແມ່​ແທ້ໆ ​ເພາະວ່າເພິ່ນ​ລ້ຽງ​ພວກ​ຂະ​ນ້ອຍ​ມາ​ຫລາຍ​ແລ້ວ. ​
ເວລາ​ນີ້ ນິດຕະຍາ​ກັບ​ພໍ່​ແມ່ ເກສອນ​ແລະແກ່ນ​ຈັນ ປານ​ມາ​ໄລ​ທອງ ກັບ​ສະມາຊິກ​ຄອບຄົວ
​ອີກ 7 ຄົນ ດໍາລົງ​ຊີວິດ​ຢູ່​ເມືອງ Savage City ​ໃນ​ເຂດ​ຊານ​ເມືອງ​ມິນ​ນີອາ​ໂປ​ລິ​ສ. ທ່ານ
​ເກສອນ​ສະ​ແດງ​ຄວາມ​ຮູ້ສຶກ ກ່ຽວ​ກັບ​ຕໍາ​ແໜ່ງນາງ​ງາມ​ຂອງ​ລູກ​ສາວ​ວ່າ:

ສ່ວນນິດຕະຍາ​ນັ້ນ ສະ​ແດງ​ຄວາມ​ຮູ້ສຶກ​ຂອງ​ນາງ​ວ່າ:

Miss Minnesota 2012 ນິດຕະຍາ ປານມາໄລທອງ ກຽມໂຕເຂົ້າປະກວດ Miss USA
Miss Minnesota 2012 ນິດຕະຍາ ປານມາໄລທອງ ກຽມໂຕເຂົ້າປະກວດ Miss USA
“ຂະ​ນ້ອຍ​ຮູ້ສຶກ​ຂອບຄຸນ​ຫລາຍ ​ແລະເປັນ​ກຽດ ​ແລະ​ຕື້ນ​ຕັນ​ໃຈ​ຢ່າງ​ລົ້ນ​ເຫລືອ. ຂະ​ນ້ອຍ​ບໍ່ເຄີຍ​ຄິດ​ມາ​ກ່ອນເລີຍ​ວ່າ ມັນ​ຈະເປັນ​ເລື່ອງ​ທີ່​ໃຫຍ່​ແລະ​ສໍາຄັນຫລາຍສໍາລັບ​ຂະ​ນ້ອຍ ທີ່​ໄດ້​ເປັນ​ຄົນ​ອາ​ເມຣິກັນ​ເຊື້ອສາຍ​ເອ​ເຊຍ​ຄົນ​ທໍາ​ອິດ ​ແລະ​ເຊື້ອ​ສາຍ​ລາວ​ຄົນ​ທໍາ​ອິດ ທີ່ໄດ້​ຊະນະ​ຕໍາ​ແໜ່​ງໃດ​ນຶ່ງ​ໃນ​ລະ​ບົບ ຂອງ​ປະ​ເທດ​ນີ້. ຂະ​ນ້ອຍ​ຮູ້ສຶກ​ເປັນ​ກຽດແລະ​ໂຊກ​ດີ​ຫລາຍ ທີ່ມີ​ຜູ້ສະໜັບສະໜຸນໃຫ້​ກໍາລັງ​ໃຈຈໍານວນ​ຫລວງຫລາຍ ທັງ​ຄົນ​ລາວ ຄົນ​ໄທ​ແລະ​ຈາກ​ທົ່ວ​ໂລກ ຮອດ​ປະ​ເທດ ​ອອສ​ເຕຣ​ເລຍ ​ກໍ​ມີ ທີ່ຕິດຕາມ​ເບິ່ງຂະ​ນ້ອຍ​ຢ່າງ​ໃກ້ຊິດ​ແລະ​ໃຫ້​ຄວາມ​ໝັ້ນ​ໃຈ​ແກ່​ຂະ ນ້ອຍ ​ວ່າ ພວກເພິ່ນຈະຕິດຕາມ​ໃຫ້ການ​ ສະ​ໜັບສະ​ໜຸນ​ຂະ​ນ້ອຍ​ຢ່າງ​ເຕັມທີ່ ​ໃນ​ຂະນະທີ່ຂະ​ນ້ອຍ​ກຽມ​ໂຕ​ເດີນທາງ​ໄປ​ສູ່​ເວທີ​ປະ​ກວດ Miss USA ນັ້ນ. ຂະ​ນ້ອຍ​ຂອບ​ໃຈ​ຫລາຍໆ ຂອບ​ໃຈ​ທຸກໆ​ຄົນ​ທີ່​ຂຽນ​ເຂົ້າ​ມາ​ທາງ​ເຟັສບຸກ ຫລື​ທະວິ​ດ​ເຕີ້.”

ການ​ປະ​ກວດ Miss USA ຈະ​ມີ​ຂຶ້ນ​ໃນ​ເດືອນ​ມີ​ຖຸນາຈະ​ມາ​ຮອດ​ນີ້ ຊຶ່ງກໍ​ໝາຍ​ຄວາມ​ວ່າ​
ນິດຕະຍາ​ມີ​ເວລາ​ອີກ​ປະມານ 3 ​ເດືອນ​ປາຍ​ເທົ່າ​ນັ້ນ ​ເພື່ອ​ກຽມ​ໂຕ ທັງ​ໃນ​ທາງ​ດ້ານ​ຈິດ​ໃຈ
ຮ່າງກາຍ ​ເຄື່ອງນຸ່ງຂອງ​ຖື​ໃນ​ການ​ເຂົ້າ​ປະ​ກວດ ຊຶ່ງ​ຈະ​ມີ​ຂຶ້ນ​ເປັນ​ເວລາ​ສອງ​ອາທິດ ບໍ່​ແມ່ນ
​ສອງ​ມື້ ຄື​ກັນ​ກັບ​ການ​ປະ​ກວດ​ນາງ​ງາມ​ລັດ​ມິນ​ນີ​ໂຊ​ຕາ. ສະ​ນັ້ນ ນິດຕະຍາ​ຈຶ່ງ​ມີ​ຄວາມ​ກັງ
ວົນ​ໃຈ​ເປັນ​ທີ່​ສຸດ ​ຍ້ອນການຂາ​ດ​ເຂີນ​ດ້ານ​ເງິນ​ຄໍາ​ຫລື​ສະ​ປອນ​ເຊີຜູ້​ອຸບປະຖໍາ ​ເພາະ​ວ່າການ
​ຊ່ວຍ​ເຫລືອ​ທີ່ນາງ​ໄດ້​ຮັບ​ໃນ​ຖານະ​ເປັນ​ນາງ​ງາມ​ລັດ​ນັ້ນ ກໍ​ມີ​ແຕ່​ຊຸດ​ລາຕີ​ແລະ​ຊຸດ​ອາບ​ນໍ້າ
​ກັບ​ເງິນ​ເບ້ຍລ້ຽງ​ເລັກໆ​ນ້ອຍໆ. ທີ່​ສໍາຄັນ​ທີ່​ສຸດ ກໍ​ຄື ນິດຕະຍາ​ຢາກ​ໃຫ້ທຸກໆ​ຄົນ​ໃນຄອບ
ຄົວ​ຂອງ​ນາງ​ໄດ້​ໄປເບິ່ງ​ໃຫ້​ກໍາລັງໃຈນາງ​ ໃນ​ການ​ປະກວດຄັ້ງ​ຍິ່ງ​ໃຫຍ່ໂອກາດ​ດຽວ​ໃນ​ຊີວິດ
ຂອງ​ນາງ​ຄັ້ງ​ນີ້ ຊຶ່ງ​ຈະ​ມີ​ຂຶ້ນ​ຢູ່​ລັສ​ເວ​ກັສ ​ແລະນິດຕະຍາ​ກໍ​ໂຊກ​ດີ ​ທີ່​ໄດ້​ມີ​ນັກທຸລະກິດ​ລາວ​
ຄົນ​ນຶ່ງ ຄືທ່ານ​ເພັດ​ສະໝອນ ມ້າວ​ຄໍາ​ຜິວ ​ໄດ້​ຮັບປາກ​ທີ່​ຈະ​ຊີ້​ປີ້​ຍົນ​ໃຫ້​ໝົດ​ທຸກ​ຄົນ​ໃນ​ຄອບ
ຄົວ​ຂອງ​ນາງ ​ໄດ້​ເດີນທາງ​ໄປ​ເບິ່ງ​ນາງ​ປະ​ກວດຢູ່​ລັສ​ເວ​ກັສ. ທີ່​ນິດຕະຍາ​ຍັງ​ຕ້ອງການ​ການ
​ຊ່ວຍ​ເຫລືອຢູ່​ໃນ​ເວລາ​ນີ້ ກໍ​ຄື​ຄ່າ​ໃຊ້​ຈ່າຍ​ໃນ​ການ​ຢູ່​ກິນ​ຂອງຄອບ​ຄົວ​ຢູ່​ທີ່​ນັ້ນ. ສໍາ​ລັບ​ໂອກາດ
​ໃນ​ການ​ໄດ້​ຮັບ​ໄຊຊະນະ​ນັ້ນ ນິດຕະຍາ​ກ່າວ​ວ່າ ນາງ​ບໍ່​ຫວັງ​ສູງປານ​ນັ້ນ:

Miss Minnesota 2012 ນິດຕະຍາ ປານມາໄລທອງ ກຽມໂຕເຂົ້າປະກວດ Miss USA
Miss Minnesota 2012 ນິດຕະຍາ ປານມາໄລທອງ ກຽມໂຕເຂົ້າປະກວດ Miss USA

ຂະ​ນ້ອຍເປັນ​ຄົນ​ອາ​ເມຣິກັນ​ເຊື້ອສາຍເອ​ເຊຍ​ຄົນ​ດຽວ​ໃນ​ການ​ປະ​ກວດ. ສະ​ນັ້ນ ໂອກາດ
ຂອງ​ຂະ​ນ້ອຍ​ທີ່​ຈະກ້າວ​ເຂົ້າ​ໄປ​ຮອດ​ຮອບ
15 ຄົນ​ສຸດ​ທ້າຍ​ນັ້ນ ຂະ​ນ້ອຍ​ຫວັງ​ວ່າ​ຄົງ​ຈະ
​ດີ​ ​ເພາະວ່າ​ມັນ​ຄົງ​ມີຄວາມ​ຫລາກ​ຫລາຍ​ໃນ​
ດ້ານ​ເຊື້ອສາຍ​ຫລາຍ​ສົມຄວນ ​ແລະ​ຕາບ​ໃດ​
ທີ່​ຂະ​ນ້ອຍ​ເຮັດ​ການບ້ານ ຄືອອກ​ກໍາລັງ​
ກາຍ ​ພາກ​ພຽນຮັກສາຕົວ​ໃຫ້​ດີ ກິນ​ອາ
ຫານ​ທີ່​ມີ​ຄຸນນະພາ​ບ ຢູ່ດີ​ສະບາຍ ສຶກສາ
​ຮຽນ​ຮູ້​ໃຫ້​ທັນກັບ​ເຫດການ​ໂລກ​ແລະເລື່ອງ
ການ​ເມືອງ ​ແລະ​ສະ​ແດງ​ບຸກຄະ​ລິກລັກສະ
​ນະ​ຄວາມ​ເປັນ​ໂຕ​ເອງ​ຂອງ​ຂະ​ນ້ອຍ​ແລ້ວ
ຂະ​ນ້ອຍ​ກໍຫວັງວ່າ ຂະ​ນ້ອຍ​ຈະ​ໄດ້​ຮັບ​ຄະ​
ແນນ​ດີ. ເປົ້າ​ໝາຍ​ຂອງ​ຂະ​ນ້ອຍ ​ກໍ​ຄືເຂົ້າ​
ຮອບ 15 ຄົນ​ໃນການ​ປະ​ກວດ Miss
USA ​ນັ້ນ ​ແຕ່​ວ່າ​ຖ້າ​ຫາກ​ວ່າຂະ​ນ້ອຍ​ໄດ້ມົງກຸດມາ ແລະ​ເຮັດໃຫ້​ທຸກ​ຄົນ​ພາກ​ພູມ​ໃຈ ​
ໂດຍ​ສະ​ເພາະຢ່າງ​ຍິ່ງ​ແມ່ນຊາວ​ລາວ ​ເພາະວ່າ​ເວົ້າ​ສຸດໆ​ແລ້ວ ຂະ​ນ້ອຍແມ່ນ​ຄົນ​ລາວ ​ແຕ່
ຂະ​ນ້ອຍກໍ​ແມ່ນຄົນອາ​ເມຣິກັນຄື​ກັນ ຂະ​ນ້ອຍຢາກ​ເປັນ​ຜູ້ຕາງໜ້າ​ລັດ​ມິ​ນນີ​ໂຊ​ຕາ ຕາງໜ້າ
ອາ​ເມຣິກາ ໃນ​ການ​ປະ​ກວດ​ນາງ​ງາມ​ຈັກກະວານ ແລະ​ຕາງໜ້າ​ສັງຄົ​ມລາວ ​ເພາະວ່າ​
ຂະ​ນ້ອຍ​ເປັນທັງ​ສາມຢ່າງ​ນີ້​.
”​

ໃນ​ລະຫວ່າງ​ນີ້ ນິດຕະຍາ​ກໍາລັງພະຍາຍາມ​ຍາດ​ເວລາ​ເຂົ້າ​ພົວພັນ​ກັບ​ປະຊາ​ຄົມ​ລາວ​ໃນ​ທົ່ວ
​ລັດ​ມິນ​ນີ​ໂຊ​ຕາ ​ແລະ​ທົ່ວ​ສະຫະລັດ ​ເພື່ອ​ແນະ​ນໍາ​ຕົນ​ເອງ ​ພົບພໍ້​ກັບ​ຜູ້​ຄົນ ແລະ​ຮ້ອງຂໍ​ກໍາລັງ​
ໃຈ​ແລະການ​ສະໜັບສະ​ໜຸນ. ​ນິດຕະຍາ​ກ່າວ​ມ້ວນທ້າຍ​ການ​ສໍາພາດ​ວ່າ:

ນາງງາມລັດມິນນີໂຊຕາ ນິດຕະຍາ ປານມາໄລທອງ ກັບຄອບຄົວ ຕອນຍັງນ້ອຍ​(ຄົນທໍາອິດໃນຊຸດກະໂປງສີບົວ)
ນາງງາມລັດມິນນີໂຊຕາ ນິດຕະຍາ ປານມາໄລທອງ ກັບຄອບຄົວ ຕອນຍັງນ້ອຍ​(ຄົນທໍາອິດໃນຊຸດກະໂປງສີບົວ)

ຂະ​ນ້ອຍ​ຮູ້ສຶກ​ເປັນ​ບຸນຄຸນ​ຫລາຍ
​ແລະຂໍ​ສະ​ແດງ​ຄວາມ​ຂອບ​ໃຈ​
ເປັນ​ຢ່າງ​ສູງ​ ທີ່ວິ​ທະ​ຍຸວີ​ໂອ​ເອ
ຊຶ່ງ​ເປັນ​ແຫ​ລ່ງຂ່າວທີ່​ຖ່າຍ​ທອດ
​ອອກ​ໄປ​ທົ່ວ​ໂລກ ໄດ້ໃຫ້​ກຽດ
​ແລະສະລະ​ເວລາ​ມາ​ສໍາພາດ​
ຂະ​ນ້ອຍ​ແລະ​ພໍ່​ແລະ​ແມ່. ຂະ​
ນ້ອຍຮຸ້ສຶກ​ໂຊກ​ດີ​ແລະ​ມີ​ກໍາ​ລັ​ງ​
ໃຈ​ຫລາຍ. ຂະ​ນ້ອຍ​ຮູ້ສຶກ​ໂຕ
​ແລ້ວ​ດຽວ​ນີ້​ວ່າ ການ​ປະ​ກວດ
Miss USA ນີ້​ແມ່ນ​ເປັນ​ເລື່ອງ
​ທີ່​ສໍາ​ຄັນ​ຫລາຍ​ແທ້ໆ. ພ້ອມ​
ດຽວ​ກັນ​ນີ້ ຂະ​ນ້ອຍ​ຂໍ​ສະ​ແດງ
​ຄວາມ​ຂອບ​ໃຈ​ມາ​ຍັງບັນດາ​ໝູ່
​ເພື່ອນ ຜູ້ທີ່ໃຫ້ການ​ສະໜັບສະ
ໜູນສະ​ປອນ​ເຊີ​ທັງຫລາຍ​ໂຮມ
​ທັງ​ອ້າ​ນ​ເພັດ​ສະໝອນ ຈາກ
​ລັສ​ເວ​ກັສ ​ແລະ​ເອື້ອຍເກດສະ
ໜາ ທີ່​ໄດ້​ຊ່ວຍ​ຂະ​ນ້ອຍ​ມາ​
ຫລາຍ​ຢ່າງ​ຫລາຍ​ອັນ. ຖ້າ​ບໍ່​ມີ​ເພິ່ນ​ ການ​ສໍາພາດ​ນີ້​ກໍ​ບໍ່ອາດເກີດຂື້ນ​ໄດ້. ​ແລະຖ້າ​ຫາກ​
ທ່າ​ນ​ໃດຕ້ອງການ​ຢາກ​ໃຫ້​ຄວາມຊ່ວຍ​ເຫລື​ອ​ແກ່​ຂະ​ນ້ອຍ ກະ​ລຸນາ​ຕິດ​ຕໍ່​ກັບ​ຍາເອື້ອຍ
ເກດສະໜາ​ ​ເພາະ​ເພິ່ນ​ເປັນ​ຜູ້​ກໍາກັບ​ທຸລະ​ກິດ​ທຸກ​ຢ່າງ​ກ່ຽວ​ກັບ​ເລື້ອງ​ນີ້. ນອກ​ຈາກ​ນັ້ນ
​ແລ້ວ ​ຖ້າ​ຫາກ​ທ່ານ​ຕ້ອງ​ການ​ຢາກໃຫ້​ຂະ​ນ້ອຍໄປປະກົດ​ຕົວຢູ່​ໃນ​ສັງ​ຄົ​ມລາວ ກະ​ລຸນາ
​ແຈ້ງ​ມາທາງ​ເອື້ອຍ​ເກດ​ສະນາ ​ເພາະ​ວ່າ​ຂະ​ນ້ອຍ​ເຕັມ​ໃຈ​ແລະ​ກໍ​ຍິນ​ດີ​ທີ່​ສຸດ​ທີ່​ຈະ​ຍາດ​ເວລາ
​ໄປ​ຮ່ວມ​ນໍາ ​ເພາະວ່າ​ຂະ​ນ້ອຍ​ຢາກ​ໄປ​ຮູ້ຈັກ​ເພື່ອນ​ຄົນ​ລາວດ້ວຍ​ກັນ ແລະໃນ​ເດືອນ​ເມສາ
ບຸນປີ​ໃໝ່​ລາວ​ທີ່​ຈະ​ມາ​ເຖິງ​ນີ້ ຂະນ້ອຍ​ຈະ​ໄດ້​ເດີນທາງ​ໄປ​ຮ່ວມ​ໃນງານ​ສະຫລອງ​ຢູ່​ສະຖານ
ທູດ​ລາວ ທີ່ນະ​ຄອນ​ຫລວງ ວໍ​ຊິ​ງຕັນ ດີ​ຊີ ຊຶ່ງຂະ​ນ້ອຍຕື່ນ​ເຕ້ນ​ແລະ​ດີ​ໃຈ​ຫລາຍ.”

ຄວາມ​ປາດ​ຖະໜາ​ອີກ​ຢ່າງ​ນຶ່ງ​ຂອງ​ນິດຕະຍາ​ກໍ​ຄື​ຢາກ​ໄປ​ປະ​ເທດ​ລາວ ຢ້ຽມຢາມບ້ານ​ເກີດ​ເມືອງ​ນອນ ​ແລະ​ຊຸກຍູ້​ໃຫ້​ເດັກນ້ອຍ​ລາວ​ເອົາ​ໃຈ​ໃສ່​ໃນ​ການ​ສຶກສາ​ຮໍ່າຮຽນ ​ໂດຍ​ຖື​ເອົາ​ໂຕ​ນາງ​ເອງ​ເປັນ​ໂຕ​ຢ່າງ ຊຶ່ງ​ເຖິງ​ແມ່ນ​ອາຍຸ​ຈະ 27 ປີ​ແລ້ວ ​ແຕ່​ກໍ​ຍັງ​ມີ​ຄວາມ​ຕັ້ງ​ໃຈ​ທີ່​ຈະ​ໄປ​ຮຽນ​ຕໍ່ ​ແລະ​ກໍ​ແມ່ນ​ຄວາມ​ຕັ້ງ​ໃຈ​ອັນ​ນີ້​ເອງ​ຂອງ​ນາງ ທີ່​ນໍາພາ​ນິດຕະຍາມາ​ຮອດ​ຈຸດ​ນີ້ ​ໄດ້​ເປັນ​ນາງ​ງາມ​ລັດ​ມິນ​ນີ​ໂຊ​ຕາ ​ແລະ​ກໍ​ອາດ​ຈະ​ໄດ້​ມັນ​ນາງ​ງາມສະຫະລັດ​ອາ​ເມຣິກາ​ກໍ​ໄດ້. ວີ​ໂອ​ເອ ກໍ​ຂໍເປັນ​ກໍາລັງ​ໃຈ​ແລະ ອວຍ​ພອນ​ໃຫ້​ນິດຕະຍາ ປານ​ມາ​ໄລ​ທອງ ສາວ​ລາວ​ອາ​ເມຣິກັນ ທີ່​ໄດ້​ສ້າງ​ຊື່​ສຽງ​ໃຫ້​ຄົນ​ລາວ​ທົ່ວ​ໂລກ​ຄົນ​ນີ້ ຈົ່ງ​ປະສົບ​ຄວາມ​ສໍາ​ເລັດ​ດັ່ງ​ໃຈ​ປາດ​ຖະໜາ.

ປະຕິທິນ ນາງງາມລັດມິນນີໂຊຕາ 2012 ນິດຕະຍາ ປານມາໄລທອງ (Miss Minnesota USA 2012)
ປະຕິທິນ ນາງງາມລັດມິນນີໂຊຕາ 2012 ນິດຕະຍາ ປານມາໄລທອງ (Miss Minnesota USA 2012)

ປະຕິທິນປີ 2012 ຂອງນິດຕະຍາ
ປານມາໄລທອງ ນາງງາມລັດມິນ
ນີໂຊຕາ ມີຈໍານ່າຍແລ້ວ ທ່ານໃດ
ທີ່ຢາກໄດ້ໄວ້ເປັນທີ່ລະນຶກ ເຊີນ
ເຂົ້າໄປຈອງໄດ້ ທີ່:
www.elaoentertainment.com ຊຶ່ງທ່ານສາມາດຊ່ວຍອຸບປະຖໍານິດຕະຍາໄດ້ ໂດຍເພິ່ມ
ເງິນຄ່າສົ່ງໃສ່ຕາມແຕ່ສັດທາຂອງທ່ານ. ເງິນທຸກເຊັນ ແມ່ນຈະມອບໃຫ້ນິດຕະຍາທັງໝົດ.
ການຈັດພິມປະຕິທິນນີ້ແມ່ນເປັນການຊ່ວຍເຫລືອອີກຢ່າງນຶ່ງຂອງເພັດສະໝອນ ມ້າວຄໍາຜິວ
ແລະເກດສະໜາ ວິໄລລັກ.

(Please click on the link for ordering info. Shipping and handling fee is $10 for US residents. Any additional donation is greatly appreciated if you'd like to support Nitaya in her quest for Miss USA crown.)



XS
SM
MD
LG