ເບິ່ງວີດີໂອພາສາລາວຂອງວີໂອເອ ກ່ຽວກັບນາງງາມລັດມິນນີໂຊຕາ ຕອນທີ 1:
ຟັງບົດສໍາພາດໂດຍເຕັມ:
ສະບາຍດີທ່ານຜູ້ຟັງທີ່ເຄົາລົບ ເມື່ອວັນທີ 29 ເມສາຜ່ານມານນີ້ ວີໂອເອພະແນກພາສາລາວ
ຂອງເຮົາ ໄດ້ມີໂອກາດຮັບຕ້ອນ ນິດຕະຍາ ປານມາໄລທອງ ນາງງາມລັດເຊື້ອສາຍລາວຄົນທໍາ
ອິດຂອງ ອາເມຣິກາ ແລະກໍເປັນນາງງາມເຊື້ອສາຍເອເຊຍຄົນທໍາອິດຂອງລັດ ມິນນິໂຊຕາ
ຫລື Miss Minnesota USA 2012 ທີ່ຈະເຂົ້າປະກວດຍາດເອົາມົງກຸດ Miss USA ຫລື
ນາງງາມ ສະຫະລັດອາເມຣິກາ ປີ 2012 ໃນວັນທີ່ 3 ເດືອນມິທຸນາ ຄືເດືອນໜ້ານີ້.
ນິດຕະຍາ ເດີນທາງມາ ວໍຊິງຕັນ ດີ.ຊີ ເພື່ອຮ່ວມສະຫລອງບຸນປີໃໜ່ລາວ ຢູ່ສະຖານທູດລາວ ປະຈໍາສະຫະລັດ ການາດາ ແລະແມກຊິໂກ ຕາມຄໍາເຊື້ອເຊີນຂອງສະຖານທູດລາວ ຊຶ່ງນິດຕະຍາກ່າວວ່າ ນາງຮູ້ສຶກເປັນກຽດທີ່ສຸດ ທີ່ໄດ້ຖືກເຊື້ອເຊີນໃຫ້ມາຮ່ວມງານໃນປີນີ້:
“ມັນເປັນປະສົບປະການທີ່ຍິ່ງໃຫຍ່ຫລາຍແທ້ໆ. ຂະນ້ອຍບໍ່ເຄີຍໄດ້ໄປຮ່ວມງານໃດທີ່
ໃຫຍ່ແບບນີ້ມາກ່ອນ ຄືໄດ້ມາພົບພໍ້ກັບນັກການເມືອງ ມາກໜ້າຫລາຍຕາ. ໃນເບື້ອງຕົ້ນ
ຂະນ້ອຍຮູ້ສຶກຕື່ນເຕ້ນແລະຢ້ານ ແຕ່ໃນທີ່ສຸດແລ້ວ ທຸກໆຄົນກໍແມ່ນດີຫລາຍ ໃຫ້ການ
ຕ້ອນຮັບຂະນ້ອຍເປັນຢ່າງດີ ມາຫຸ້ມສະແດງຄວາມດີໃຈນໍາແລະຂໍຖ່າຍຮູບນໍາ. ຂະນ້ອຍ
ຮູ້ສຶກດີໃຈທີ່ສຸດແລະຮູ້ສຶກມີບຸນຫລາຍ ທີ່ມີໂອກາດໄດ້ເປັນໂຕແທນປະຊາຄົມລາວທັງໝົດ.”
ໃນຖານະທີ່ເປັນນາງງາມລັດມີນນິໂຊຕານັ້ນ ນິດຕະຍາກໍໄດ້ເດີນທາງໄປໂຊໂຕຢູ່ໃນລັດອຶ່ນໆ
ມາກ່ອນແລ້ວເປັນຕົ້ນ ລັດ Illinois ທີ່ນະຄອນ Chicago ແລະລັດ Iowa ທີ່ນະຄອນ
Des Moines ຊຶ່ງໃນແຕ່ລະບ່ອນທີ່ນາງໄປນັ້ນ ກໍມີສະມາຊິກປະຊາຄົມລາວຈໍານວນຫລວງ
ຫລາຍໃຫ້ການຕ້ອນຮັບນາງຢ່າງອົບອຸ່ນ. ສ່ວນຢູ່ໃນລັດ ມີນນິໂຊຕາເອງນັ້ນ ນິດຕະຍາກໍໄດ້
ປະຕິບັດໜ້າທີ່ນາງງາມປະຈໍາລັດ ຢ່າງບໍ່ອິດເໝື່ອຍເກືອບວ່າໃນທຸກໆທ້າຍສັບປະດາ ຊຶ່ງເຮັດ
ໃຫ້ນາງເກືອບວ່າບໍ່ມີເວລາພັກຜ່ອນເລີຍ ເພາະໃນມື້ທໍາມະດານັ້ນ ນິດຕະຍາຕ້ອງເຮັດວຽກ
ເຕັມເວລາຢູ່ແລ້ວ. ນິດຕະຍາກ່າວກ່ຽວກັບຊີວິດຂອງນາງໃນຖານະ Miss Minnesota ວ່າ:
ວຽກເຕັມເວລາຢູ່ ມັນເຮັດໃຫ້ຂະນ້ອຍຮູ້ສຶກຄືກັນກັບວ່າ
ກໍາລັງເຮັດວຽກສອງຢ່າງເຕັມເວລາ ແຕ່ກໍບໍ່ເປັນຫຍັງ
ມັນດີຊໍ້າ ເພາະວ່າສິ່ງທີ່ຂະນ້ອຍເຮັດແມ່ນເຮັດເພື່ອຄອບ
ຄົວຂອງຂະນ້ອຍເອງ ແລະເພື່ອໂຕຂະນ້ອຍເອງ. ຊ່ວງ
ທ້າຍສັບປະດານັ້ນ ແມ່ນວຽກປະຕິບັດໜ້າທີ່ແລະພາ
ລະກິດຂອງນາງງາມມິນນີໂຊຕາ ແລ້ວຂະນ້ອຍກໍມີ
ວຽກຂອງຕົນເອງ ເປັນວຽກໃໝ່ທີ່ຂະນ້ອຍຫາເລີ່ມ
ເຮັດໄດ້ບໍ່ດົນ ຊຶ່ງມີຫລາຍສິ່ງຫລາຍຢ່າງທີ່ຕ້ອງໄດ້ຮຽນ
ຮູ້ ແຕ່ຊີວິດກໍເປັນແບບນີ້ແລ້ວ ເຮົາຕ້ອງປະຕິບັດໜ້າທີ່
ດ້ວຍຄວາມຮັບຜິດຊອບ ແລະພ້ອມດຽວກັນ ກໍໃຊ້ຊີວິດ
ຂອງເຮົາ ໃຫ້ເປັນປະໂຫຍດແລະຢ່າງມີຄວາມສຸກແລະ
ກໍຮັບມືກັບທຸກສິ່ງທຸກຢ່າງທີ່ຜ່ານເຂົ້າມາ.”
ເບິ່ງວີດີໂອຂອງທາງການປະກວດ Miss USA 2012 ກ່ຽວກັບນິດຕະຍາ ເລົ່າເຖິງຊີວິດ
ຄວາມເປັນມາຂອງນາງ ແລະຄອບຄົວ:
ນັ້ນແຫລະຄືຄຸນນະສົມບັດທີ່ໜ້າຍົກຍ້ອງ
ຂອງນິດຕະຍາ ປານມາໄລທອງ ສາວງາມ
ເຊື້ອສາຍແດນລ້ານຊ້າງ ແລະດອກຈໍາປາ
ຄົນນີ້ ຄືການມີຄວາມຮັບຜິດຊອບສູງຕໍ່
ຄອບຄົວ ແລະຍອມຮັບເອົາພາລະທີ່ຕ້ອງ
ແບກຫາບດ້ວຍຄວາມເຕັມໃຈ ແລະສູ້ຊົນ.
ພາລະນັ້ນກໍຄືການຫາລ້ຽງຄອບຄົວ ທີ່ມີ
10 ຄົນນັ້ນ ຊ່ວຍອ້າຍເຂີຍ ຈົນບໍ່ໄດ້ເຂົ້າ
ຮຽນຕໍ່ທີ່ມະຫາວິທະຍາໄລ ຍ້ອນບໍ່ມີເງິນ
ນັ້ນເອງ ແຕ່ນິດຕະຍາກໍບໍ່ໄດ້ຈົ່ມວ່າ ມີແຕ່
ຕັ້ງໜ້າຕັ້ງຕາເຮັດວຽກ ຈົນສາມາດຊື້
ເຮືອນຫລັງໃຫ່ຍຮ່ວມກັບອ້າຍເຂີຍ ໃຫ້
ຄອບຄົວໄດ້ມາຢູ່ຮ່ວມກັນຢ່າງສະບາຍ
ແລ້ວນິດຕະຍາຈຶ່ງຫັນໄປສຸມຄວາມພະຍາ
ຍາມ ໃສ່ການຊອກຫາທືນສຶກສາຕໍ່ໃນ
ມະຫາວິທະຍາໄລ ຊຶ່ງນັ້ນກໍແມ່ນເປັນ
ເຫດຜົນທີ່ພາໃຫ້ນາງເຂົ້າສູ່ການປະກວດ
Miss Minnesota. ຈາກຖານະທີ່ເປັນ
ລູກອົບພະຍົບທີ່ທຸກຍາກ ບໍ່ມີເຮືອນຢູ່ອາໃສເປັນຂອງຕົນເອງມາ 20 ປາຍປີ ຈົນສາມາດຊື້ເຮືອນຫລັງງາມຢູ່ໃນເວລານີ້ ແລະບັດນີ້ ຊໍ້າຍັງໄດ້ຄອງຕໍາແໜ່ງ ນາງງາມລັດ Minnesota ເຊື້ອສາຍເອເຊຍ ແລະເຊື້ອສາຍລາວຄົນທໍາອິດດ້ວຍແລ້ວ ນິດຕະຍາຖືວ່າ ຕົນເອງໄດ້ບັນລຸ
ຄວາມຝັນຂອງຊາວອາເມຣິກັນ ຫລື the American dream ຫລືຍັງ?
ໃນວັນທີ່ 3 ເດືອນໜ້ານີ້ ນິດຕະ
ຍາກໍຈະໄດ້ຂື້ນເວທີ່ແຂ່ງກັບນາງ
ງາມອີກ 50 ຄົນ ຄືຈາກອີກ 49
ລັດ ແລະນະຄອນຫລວງວໍຊິງຕັນ
ດີຊີ ກັບ Puerto Rico ເພື່ອ
ຍາດເອົາມົງກຸດ Miss USA
2012 ຊຶ່ງຜູ້ຊະນະ ກໍຈະໄດ້ເຂົ້າ
ປະກວດ ນາງງາມຈັກກະວານ
ຫລື Miss Universe ໃນຂັ້ນຕໍ່
ໄປ. ເວລານີ້ ນິດຕະຍາ ກໍກໍາລັງ
ໄປໄດ້ເກັບໂຕກັບນາງງາມຄົນ
ອື່ນໆຢູ່ທີ່ Las Vegas ລັດ
Nevada ກ່ອນຈະຂື້ນເວທີປະ
ກວດໃນວັນທີ 3 ມີຖຸນານັ້ນ ຊຶ່ງ
ໃນລະຍະສອງອາທິດເຄິ່ງນີ້ ນິດຕະຍາ ກັບນາງງາມທັງຫລາຍ ກໍຈະຮ່ວມກັນຝຶກແອບຂື້ນ
ເວທີ ແລະປະກອບກິດຈະການຕ່າງໆຮ່ວມກັນ ເປັນຕົ້ນວ່າປາກົດໂຕຕໍ່ໜ້າຊື່ມວນຊົນ ໃຫ້
ສໍາພາດຂ່າວ ແລະອື່ນໆ. ນິດຕະຍາ ຮູ້ສຶກວ່າ ມີຄວາມຫວັງຫລາຍປານໃດ?
ຄົນດຽວ ໃນຈໍານວນນາງງາມ 51
ຄົນຊຶ່ງເປັນເລື້ອງທີ່ໜ້າອັດສະຈັນ
ແຕ່ວ່າ ແທ້ໆແລ້ວມັນກໍຂຶ້ນຢູ່ກັບ
ໂຕເຮົາເອງວ່າ ເຮົາຢາກເຮັດແນວ
ເພາະວ່າພວກນາງງາມທັງ 51 ຄົນນັ້ນ ກໍແມ່ນມີຈຸດໝາຍຫລືເຫດຜົນອັນດຽວກັນ ແລະມັນກໍເປັນການປະກວດຄວາມງາມ ຊຶ່ງມີ 3 ພາກ ຄືພາກສໍາພາດ ພາກປະກວດຊຸດອາບນໍ້າ ແລະພາກປະກວດຊຸດລາຕີ ຊື່ງນາງງາມຄົນອື່ນໆນັ້ນກໍໄດ້ຊະນະເລີດໃນລັດຂອງເຂົາເຈົ້າມາແລ້ວ ດັ່ງນັ້ນ ແນ່ນອນພວກເຂົາເຈົ້າກໍແມ່ນງາມຫລາຍໝົດທຸກຄົນ. ສະນັ້ນ ສິ່ງທີ່ຈະເຮັດໃຫ້ເຮົາເດ່ນກ່ວາ ກໍຄືພາກສໍາພາດ ແລະຂະນ້ອຍກໍຫວັງວ່າຂະນ້ອຍຈະສາມາດສະແດງບຸກ ຄະລິກລັກສະນະຂອງຂະນ້ອຍ ໃຫ້ຄະນະກໍາມະການເຫັນ ຈະບໍ່ຕື່ນເຕ້ນແລະສາມາດຕອບຄໍາຖາມຂອງເຂົາເຈົ້າໄດ້ ແຕ່ມັນກໍຈະຍາກຫລາຍຫັ້ນແຫລະ ມີແຕ່ຄົນງາມໆ ແລະຫລາຍໆຄົນກໍມີປະລິນຍາ ມີພື້ນຖານດີ ສະຫລູບແລ້ວ ແຕ່ລະຄົນກໍແມ່ນມີພອນສະຫວັນແລະບຸກຄະລິກລັກ ໍສະ ນະຂອງໂຕເອງທີ່ແຕກຕ່າງໄປ ມັນກໍສຸດແລ້ວແຕ່ຄະນະກໍາມະການວ່າ ຈະເລືອກໃຜ. ແລະຖ້າຫາກວ່າ ຂະນ້ອຍບໍ່ແມ່ນຜູ້ທີ່ເຂົາເຈົ້າເລືອກເອົາໃນປີນີ້ແລ້ວ ຂະນ້ອຍກໍບໍ່ເສຍໃຈຫລືຈິງຈັງກັບມັນຫລາຍ ຂະນ້ອຍພູມໃຈຫລາຍແລ້ວກັບຄວາມສໍາເລັດທີ່ໄດ້ຮັບມາ ຮອດຈຸດນີ້ ແລະກໍຈະເດີນໜ້າຕໍ່ໄປກັບຊີວິດ. ຂະນ້ອຍຕ້ອງໄປຮຽນໜັງສືຕໍ່ໃຫ້ໄດ້ປະລິນຍາ ຂະນ້ອຍສົນໃຈຢາກຮຽນເລື້ອງການເງິນແລະການຕະຫລາດ. ຂະນ້ອຍໄດ້ທຶນການສຶກສາ ຈາກລາງວັນນາງງາມລັດມິນນີໂຊຕານັ້ນ. ສະນັ້ນ ຂະນ້ອຍກໍຕ້ອງໄປຮຽນຕໍ່.”
ນິດຕະຍາ ລູກລາວອົບພະຍົບ ເຂົ້າມາຢູ່ໃນສະຫະລັດ ຕັ້ງແຕ່ອາຍຸໄດ້ພຽງແຕ່ປີປາຍ ແລະຕະຫລອດອາຍຸໄວລຸ້ນນັ້ນ ກໍໄດ້ໃຊ້້ຊີວິດຢູ່ກັບອ້າຍ ແລະເອື້ອຍເປັນສ່ວນໃຫຍ່ ຈຶ່ງເວົ້າພາສາລາວບໍ່ເກັ່ງ ຈົນກະທັ້ງບໍ່ເທົ່າໃດປີມານີ້ເອງ ນິດຕະຍາກັບເອື້ອຍແລະນ້ອງໆກັບພໍ່ແມ່ ຈຶ່ງໄດ້ມາຢູ່ນໍາກັນເປັນຄອວຄົວດຽວ ແຕ່ນິດຕະຍາ ກໍຖືກລ້ຽງດູຂື້ນມາແບບປູກຝັງໃຫ້ຮູ້ຊື້ງເຖິງຄ່ານິຍົມ ແລະຄວາມສໍາຄັນຂອງຄອບຄົວ ຕາມປະເພນີວັດທະນາທໍາລາວ:
“ຂະນ້ອຍໃຫຍ່ຂຶ້ນມາໃນຄອບຄົວລາວແທ້ໆ. ວັດທະນະທໍາເອເຊຍກັບວັດທະນະທໍາອາເມຣິກັນ ແມ່ນແຕກຕ່າງກັນຫລາຍ ໃນເລື້ອງຄອບຄົວນີ້. ຂະນ້ອຍໄດ້ຊື້ເຮືອນກັບອ້າຍເຂີຍປີກາຍນີ້ ແລະຄອບຄົວ ຂອງເຮົາກໍໄດ້ມາຢູ່ຮ່ວມກັນ ຊຶ່ງຕາມປະເພນີວັດທະນະທໍາຂອງເອເຊຍແລ້ວ ແມ່ນເປັນເລື້ອງທີ່ດີຫລາຍ ການທີ່ໄດ້ລ້ຽງດູເທັກແຄຣ໌ຄອບຄົວນັ້ນ. ວັດທະນະທໍາອາເມຣິກັນກໍຢາກຄືກັນ ແຕ່ວ່າຄອບຄົວບໍ່ຢູ່ນໍາກັນ ຄືບໍ່ຢູ່ນໍາກັນຕະຫລອດໄປເປັນຄອບຄົວໃຫຍ່ໆ. ມັນຕ່າງກັນຢູ່ບ່ອນໜີ້. ແຕ່ຂະນ້ອຍກໍຊື່ນຊົມນໍາວັດທະນະທໍາອາເມຣິກັນ ເພາະວ່າຊາວອາເມຣິກັນເປັນຄົນດຸໝັ່ນ ເຮັດວຽກໜັກ ເຂົາເຈົ້າເຮັດວຽກຢູ່ຕະຫລອດເວລາ ເຮັດເພື່ອໂຕເອງແລະເພື່ອຄົນອື່ນນໍາ. ຂະນ້ອຍຄິດວ່າ ແນວຄິດດ້ານເຮັດວຽກເຮັດການຢູ່ອາເມຣິກາໜີ້ ແມ່ນໜ້າອັດສະຈັນແທ້ໆ. ອາເມຣິກາເປັນດິນແດນແຫ່ງຄວາມໄຝ່ຝັນ ທີ່ເຮົາສາມາດບັນລຸໄດ້ໃນສິ່ງທີ່ປະເທດນີ້ມີສະເໜີໃຫ້. ຫລາຍສິ່ງຫລາຍຢ່າງແມ່ນດີເລີດ ບໍ່ວ່າຈະເປັນລະບົບໂຮງຮຽນ ການສຶກສາ ການແພດ ການຮັກສາສຸຂະພາບ ມີດອກເຕີ້ທີ່ເກ່ງທີ່ສຸດ ເລື້ອງການ ບັນເທິງ ເທັກໂນໂລຈີ ແລະອື່ນໆ. ປະເທດອື່ນໆກໍມີດີຄືກັນ ຂະນ້ອຍບໍ່ຢາກເປັນຄົນຕັດສິນດອກ ແຕ່ອາເມຣິກາມີຫລາຍສິ່ງຫລາຍຢ່າງ ສະເໜີໃຫ້ແທ້ໆ ແລະກໍເປັນດິນແດນແຫ່ງໂອກາດ.
ນິດຕະຍາ ປານມາໄລທອງ ກ່າວຂອບໃຈແຟນໆ ໃນຫ້ອງສົ່ງຂອງວີໂອເອ:
ສຸດທ້າຍນີ້ ຂະນ້ອຍຂໍຂອບໃຈ ທຸກໆຄົນສໍາລັບຄວາມຮັກແພງແລະການສະໜັບສະໜຸນຂອງທ່ານ. ມັນເປັນໂອກາດທີ່ໜ້າອັດສະຈັນຫລາຍສໍາລັບຂະນ້ອຍ ແລະຂະນ້ອຍຢາກຂໍຂອບໃຈທຸກໆຄົນທີ່ຕິດຕາມຂະນ້ອຍມາໂດຍຕະຫລອດ ແລະກະລຸນາຕິດຕາມເບິ່ງຂະນ້ອຍຕໍ່ໄປ ໃນວັນທີ 3 ມີຖຸນານີ້ ທາງໂທລະພາບຊ່ອງ NBC ໃນການຖ່າຍທອດສົດການປະກວດ Miss USA ແລະຢາກຂໍໃຫ້ບັນດາທ່ານຊ່ວຍລົງຄະແນນສຽງໃຫ້ຂະນ້ອຍດ້ວຍທາງອິນເຕີແນັທ ຕັ້ງແຕ່ວັນທີ 1 ເດືອນພຶດສະພາ ໄປຫາວັນທີ 2 ມີຖຸນາ ທາງ missuniverse.com ກັບ nbc.com. 16 ຄົນທໍາອິດແມ່ນຈະໄດ້ເຂົ້າຮອບ ກ່ອນຮອບຊະນະເລີດ. ຂອບໃຈຫລາຍໆ ຂະນ້ອຍ. ”
ທ່ານທີ່ມີຄອມພິວເຕີ ຫລືສາມາດ
ເຂົ້າເຖິງອິນເຕີແນັດໄດ້ ບໍ່ວ່າຢູ່
ບ້ານ ຫລືຕາມຮ້ານອິນເຕີແນັດ
ກາເຟ ຫລືຢູ່ແຫ່ງຫົນໃດໃນທົ່ວ
ໂລກກໍຕາມ ຈົ່ງສະລະເວລາເຂົ້າ
ໄປຊ່ວຍໂວດໃຫ້ ນິດຕະຍາ
ປານມາໄລທອງ ນາງງາມລັດ
Minnesota ເຊື້ອສາຍແດນລ້ານຊ້າງ ແລະດອກຈໍາປາຄົນນີ້ ເພື່ອຊ່ວຍສົ່ງເສີມໂອກາດທີ່ນາງຈະໄດ້ເຂົ້າຮອບ 15 ຄົນໃນການປະກວດ Miss USA ຊຶ່ງເຖິງວ່າຈະເປັນຂັ້ນສຸງສຸດທີ່ນາງອາດຈະໄປເຖິງກໍຕາມ ແຕ່ນິດ ຕະຍາ ກໍໄດ້ສ້າງຊື່ສຽງ ແລະສ້າງຄວາມພາກພູມໃຈໃຫ້ແກ່ຄົນລາວໃນທົ່ວໂລກແລ້ວ ຢ່າງທີ່ບໍ່ມີສາວລາວຄົນໃດເຮັດມາກ່ອນ ຊຶ່ງຄົນນຶ່ງທີ່ມີຊ່ວຍສ້າງຊື່ສຽງໃຫ້ນິດຕະຍາ ກໍຄືເກດສະໜາ ວິໄລລັກ ນັກຮ້ອງນັກສີນລະປີນ ອາເມຣິກັນ ເຊື້ອສາຍລາວ ທີ່ໄດ້ຊ່ວຍທໍາໜ້າທີ່ເປັນເອື້ອຍລ້ຽງ ໃຫ້ຄໍາປຶກສາ ແລະຊີ້ນໍາ ນິຕະຍາ ໃນທຸກໆເລື້ອງມາໂດຍຕະຫລອດ.
ແລະຢ່າລືມເຂົ້າໄປໂວດໃຫ້ນິດຕະຍາ ທີ່ເວັບໄຊ້ທ໌ຂ້າງລຸ່ມນີ້ດ້ວຍ:
http://missuniverse.com/missusa/members/profile/651314/year:2012/
ວີດີໂອ ນິດຕະຍາຕອບຄໍາຖາມຂອງຄະນະປະກວດ Miss USA 2012:
