ລິ້ງ ສຳຫລັບເຂົ້າຫາ

ປະທານາທິບໍດີ ໄນຈີເຣຍ ຢ້ຽມຢາມ ສະຫະລັດ


ປະທານາທິບໍດີ ໄນຈີເຣຍ Muhammadu Buhari ກ່າວຄຳປາໄສໃນການຖະແຫຼງຂ່າວ ຫຼັງຈາກກອງປະຊຸມໃຫຍ່ ຂອງບັນດາຜູ້ນຳລັດ ແລະ ລັດຖະບານຂອງ ຄະນະກຳມະການລຸ່ມແມ່ນ້ຳ Chad ຫຼື (LCBC) ນະຄອນຫຼວງ Abuja, Nigeria, 11 ມິຖຸນາ, 2015.

ປະທານາທິບໍດີ ໄນຈີເຣຍ Muhammadu Buhari ກ່າວຄຳປາໄສໃນການຖະແຫຼງຂ່າວ ຫຼັງຈາກກອງປະຊຸມໃຫຍ່ ຂອງບັນດາຜູ້ນຳລັດ ແລະ ລັດຖະບານຂອງ ຄະນະກຳມະການລຸ່ມແມ່ນ້ຳ Chad ຫຼື (LCBC) ນະຄອນຫຼວງ Abuja, Nigeria, 11 ມິຖຸນາ, 2015.

ປະທານາທິບໍດີ ສະຫະລັດ ທ່ານ ບາຣັກ ​ໂອ​ບາ​ມາ ​ເປັນ​ເຈົ້າພາບ ຕ້ອນຮັບ​ປະທານາທິບໍດີ ໄນ​ຈີ​ເຣຍ ທ່ານ Muhammadu Buhari ​ເພື່ອ​ປະ​ຊຸມກັນ​ໃນ​ວັນ​ຈັນ​ມື້​ນີ້ ທີ່​ທຳນຽບຂາວ ກ່ຽວ​ກັບ ບັນຫາການ​ຂົ່ມຂູ່​ຈາກ ພວກ​ຫົວ​ຮຸ​ນ​ແຮງ ​ໂບ​ໂກ ຮາຣາມ ​ຊຶ່ງ​ຄາດ​ວ່າ​ຈະ​ເປັນ​ຫົວ​ຂໍ້​ການ​ປຶກສາ​ຫາລື​ສູງ​ສຸດ ​ໃນ​ລາຍການ​ຂອງ​ກອງ​ປະຊຸມດັ່ງກ່າວ.

ຜູ້​ນຳ​ທັງ​ສອງ​ທ່ານ, ພ້ອມ​ດ້ວຍ​ຮອງ​ປະທານາທິບໍດີ ສະຫະລັດ ​ທ່ານ ໂຈ ບາຍເດັນ, ມີ​ທ່າ​ທາງວ່າ ​ຈະປຶ​ກສາ​ຫາລືກັນ ​ກັບຂໍ້​ສະ​ເໜີ​ການ​ປະຕິ​ຮູ​ບ ທາງ​ດ້ານການ​ເມືອງ ​ແລະ ​ເສດຖະກິດ​ໃນ
ໄນ​ຈີ​ເຣຍ ​ເຊິ່ງ​ແນ​ໃສ່​ຍຸຕິການ​ສໍ້​ລາດ​ບັງ​ຫຼວງ​ຢ່າງ​ກວ້າງຂວາງໃນ​ປະ​ເທດ.ການ​ເດິີນທາງ​ຢ້ຽມ​ຢາມສີ່​ມື້ ​ແມ່ນ​ຄັ້ງ​ທຳ​ອິດ​ທີ່​ທ່ານ Buhari ​ໄດ້​ມານະ​ຄອນ​ຫຼວງ
ວໍ​ຊິງ​ຕັນ ຕັ້ງ​ແຕ່​ໄດ້​ຖືກເລືອກ​ຕັ້ງ​ເປັນ​ປະທານາທິບໍດີ​ໃນ​ເດືອນ ມີນາ ​ແລະ ​ເລີ່​ມປະຕິບັດ​ໜ້າ​ທີ່ໃນເດືອນ​ ພຶດສະພາ ທີ່​ຜ່ານ​ມາ​ນີ້ ​ໃນ​ການ​ປ່ຽນ​ຜູ້​ກຳ​ອຳ​ນາດ​ຢ່າງ​ສັນຕິ​ທີ່​ຫາ​ໄດ້​ຍາກ ​
ໃນ​ປະ​ເທດ ​ໄນ​ຈີ​ເຣຍ.

ທຳ​ນຽບຂາວ​ກ່າວ​ວ່າ ການ​ຢ້ຽມຢາມ​ນີ້ແມ່ນເປັນການ​ເນັ້ນ​ຢ້ຳ “ຄຳ​ໝັ້ນ​ສັນຍາຂອງ ສະຫະລັດ ເພື່ອ​ເສີ​ມສ້າງ ​ແລະ ຂະຫຍາຍການ​ເປັນ​ພັນທະ​ມິດ​ຂອງພວກ​ເຮົາກັບ ​ລັດຖະບານ​ໃໝ່ ໄນ​ຈີ​ເຣຍ” ​ແລະ ສະໜັບສະໜູນ​ປະ​ຊາ​ຊົນ​ຂອງ​ພວກ​ເຂົາ​ເຈົ້າ.

XS
SM
MD
LG