ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ກຳລັງ ໄນຈີເຣຍ ຂັບໄລ່ ພວກກະບົດ ໃຫ້ແຕກຖອຍໄປ (ວີດີໂອ)


ຮູບພາບວີດີໂອ ທີ່ນາຍ Abubakar Shekau ຫົວໜ້າກຸ່ມຫົວຮຸນແຮງຈັດ ກ່າວປາໄສຢູ່ສະຖານທີ່ແຫ່ງນຶ່ງ ທີ່ບໍ່ເປີດເຜີຍໃຫ້ຮູ້ວ່າຢູ່ໃສ ວັນທີ 24 ສິງຫາ, 2014.
ຮູບພາບວີດີໂອ ທີ່ນາຍ Abubakar Shekau ຫົວໜ້າກຸ່ມຫົວຮຸນແຮງຈັດ ກ່າວປາໄສຢູ່ສະຖານທີ່ແຫ່ງນຶ່ງ ທີ່ບໍ່ເປີດເຜີຍໃຫ້ຮູ້ວ່າຢູ່ໃສ ວັນທີ 24 ສິງຫາ, 2014.

ພວກ​ຫົວ​ຮຸນ​ແຮງ​ອິສລາມ​ຫຼາຍ​ຮ້ອຍ​ຄົນ​ໄດ້​ຍອມ​ຈຳນົນ​ທີ່​ໄນ​
ຈີ​ເຣຍ ຫຼັງຈາກ​ກອງທັບ​ໄດ້​ທຳ​ການ​ໂຈມ​ຕີ​ທາງ​ອາກາດ ​ແລະ
​ພາກ​ພື້ນ​ດິນ​ຫວ່າງ​ໄວໆ​ມາ​ນີ້ ຕໍ່​ກຸ່ມ​ຫົວ​ຮຸນ​ແຮງ Boko Haram.

ກະຊວງ​ປ້ອງ​ກັນ​ປະ​ເທດ​ໄນ​ຈີ​ເຣຍ ກ່າວ​ໃນ​ວັນ​ພຸດ​ວານ​ນີ້​ວ່າ ຕົນ
​ໄດ້​ສັງຫານ​ພວກ​ກະບົດ​ຫຼາຍ​ຮ້ອຍ​ຄົນ​ໃນ​ພາກ​ຕາ​ເວັນ​ອອກສຽງ​
ເໜືອ​ຂອງ​ປະ​ເທດ ຮວມທັງ​ນາຍ Mohammed Bashir ທີ່​ກອງ
ທັບ​ໄນ​ຈີ​ເຣຍ ຢັ້ງຢືນ​ວ່າເປັນ​ຄົນດຽວກັນກັບ​ຢູ່​ໃນ​ພາບ​ວີ​ດີ​ໂອ ທີ່​
ວ່າ​ເປັນ​ນາຍ Abukabar Shekau ຜູ້ນຳ​ກຸ່ມ Bolko Haram ນັ້ນ.

ກອງທັບ​ເຄີຍ​ອ້າງ​ມາ​ແລ້ວວ່າ ນາຍ Shekau ​ໄດ້​ຖືກຂ້າຕາຍ​ໃນ​
ການ​ສູ້​ລົບ​ກັນ​ໃນ​ປີ​ແລ້ວ​ນີ້.

ກອງທັບ​ໄນ​ຈີ​ເຣຍ ກ່າວ​ວ່າ ກຸ່ມ​ດັ່ງກ່າວ​ໄດ້​ພະຍາຍາມ​ຍຶດ​ເອົາ​ເມືອງ Konduga ​ແຕ່​ໄດ້​ຖືກຂັບໄລ່​ໃຫ້ແຕກ​ຖອຍ​ໄປ ​ໂດຍ​ການ​ໂຈມ​ຕີ​ທາງ​ອາກາດ​ ແລະ​ກຳລັງ​ທາງ​ພາກ​ພື້ນ​ດິນ.

​ໃນ​ຊ່ວງ​ການ​ກໍ່ກະບົດ​ຂອງ​ກຸ່ມ Boko Haram ນັ້ນ ກຸ່ມ​ດັ່ງກ່າວ​ໄດ້​ນຳພາບ​ວີ​ດີ​ໂອ​ອອກ​
ມາ​ເຜີຍແຜ່ຫຼາຍ​ຄັ້ງແລ້ວ ທີ່​ສະ​ແດງ​ໃຫ້​ເຫັນ​ຊາຍ​ຄົນ​ນຶງທີ່​ອ້າງວ່າ​ຕົນ​ເປັນ​ຜູ້ນຳ​ຂອງ​ກຸ່ມ ຄື​ນາຍ Abukabar Shekau ​ໂດຍອອກການ​ຂົ່ມຂູ່​ແລະຄຳ​ເຍາະ​ເຍີ້​ຍຕ່າງໆຕໍ່​ພວກ​ເຈົ້າ​ໜ້າ​ທີ່​ລັດຖະບານ.

ພາບ​ວີ​ດີ​ໂອ​ອັນ​ນຶ່ງ ​ໄດ້​ສະ​ແດ​ງວ່າ ຜູ້​ກ່ຽວ​ເປັນ​ຜູ້​ຮັບຜິດຊອບ​ ໃນ​ການ​ລັກພາ​ໂຕ​ພວກ​ເດັກ​ນັກຮຽນ​ຍິງ 200 ຄົນ​ຈາກ​ບ້ານ Chibok ທີ່​ຕັ້ງ​ຢູ່​ສອກຫຼີກ​ຫ່າງ​ໄກ ຊຶ່ງ​ໄດ້​ກະ​ຕຸ້ນ​ໃຫ້​ເກີດ​ຄວາມ​ຮ້ອງ​ໂຮ​ຂຶ້ນ​ ຈາກ​ນາໆ​ຊາດ ​ແລະ​ເວລາ​ນີ້ ພວກ​ເດັກ​ນັກຮຽນ​ຍິງ​ດັ່ງກ່າວ ຍັງ​ຖືກ​ຄຸມ​ຂັງ​ໄວ້​ຢູ່.

nigeriaviolence25september14
please wait

No media source currently available

0:00 0:00:36 0:00

XS
SM
MD
LG