ລິ້ງ ສຳຫລັບເຂົ້າຫາ

ປ. ໄນຈີເຣຍ ທ. Buhari ຢ້ຽມຢາມຝຣັ່ງ ໃນວັນຈັນມື້ນີ້


ປະທານາທິບໍດີ ໄນຈີເຣຍ ທ່ານ Muhammadu Buhari ໃຫ້ການສຳພາດຕໍ່ອົງການຂ່າວຝຣັ່ງ ຢູ່ທີ່ໂຮງແຮມທີ່ທ່ານພັກ ໃນລະຫວ່າງກອງປະຊຸມໃຫຍ່ ອາຟຣິກ ຄັ້ງທີ 25.

ປະທານາທິບໍດີ ໄນຈີເຣຍ ທ່ານ Muhammadu Buhari ໃຫ້ການສຳພາດຕໍ່ອົງການຂ່າວຝຣັ່ງ ຢູ່ທີ່ໂຮງແຮມທີ່ທ່ານພັກ ໃນລະຫວ່າງກອງປະຊຸມໃຫຍ່ ອາຟຣິກ ຄັ້ງທີ 25.

ປະທານາທິບໍດີ ​ໄນ​ຈີ​ເຣຍ ທ່ານ Muhammadu Buhari ​ໄດ້​ເລີ່​ມ ການ​ຢ້ຽມຢາມ​ປ​ະ​ເທດ ຝຣັ່ງ ເປັນເວລາສາ​ມມື້​ໃນ​ວັນ​ຈັນ​ມື້​ນີ້.

ທ່ານ Femi Adesina, ທີ່​ປຶກສາ​ພິ​ເສດສຳລັບທ່ານ Buhari ​ໄດ້​ກ່າວ​ຕໍ່ຜູ້​ສື່​ຂ່າວ ແລະ ​ໂຄສະນາ​ຜ່ານ ວີ​ໂອ​ເອວ່າ ການ​ຢ້ຽ​ມຢາມ​ຂອງ​ທ່ານ​ແມ່ນເປັນການເຊື້ອເຊີນ​ຂອງ​ປະທານາທິບໍດີ ຝຣັ່ງ ທ່ານ Francois Hollande ​ແລະ ຈະປຶກສາ​ຫາລື​ໃນ​ການ​ຂະຫຍາຍ​ການ​ຮ່ວມ​ມື​ສອງ​ຝ່າ​ຍ ລະຫວ່າງ ​ໄນ​ຈີ​ເຣຍ ​ແລະ ຝຣັ່ງ ​ໃນເລື້ອງ​ການ​ປ້ອງ​ກັນ​ປະ​ເທດ, ຄວາມ​ປອດ​ໄພ, ການ​ຄ້າ ​ແລະ ການ​ລົງທຶນ.

ທ່ານ​ Adesa ກ່າວ​ວ່າ “ທ່ານ​ປະທານາທິ​ບໍດີ​ແມ່ນ​ໄດ້​ຕອບ​ຮັບ​ຕໍ່​ການເຊື້ອ​ເຊີນໂດຍ​ປະທານາທິບໍດີ Hollande ​ແຫ່ງ​ປະ​ເທດ ຝຣັ່ງ. ​ໄນ​ຈີ​ເຣຍ ​ແລະ ຝຣັ່ງ​ ໄດ້​ເປັນ​
ພັນທະ​ມິດ​ຕໍ່​ກັນ​ມາ​ໄດ້​ໄລ​ຍ​ະ​ເວລາໜຶ່ງແລ້ວ. ທ່ານ​ມີ​ບໍ​ລິດ​ສັດ ຝຣັ່ງ ຫຼາຍ​ແຫ່ງ​ດຳ​ເນີນ​ທຸລະ​ກິດ​ຢູ່​ໃນ ໄນ​ຈີ​ເຣຍ ຫຼາຍແຫ່ງ ​ແລະ ບໍລິສັດຂອງ ໄນ​ຈີ​ເຣຍ ຢູ່ໃນ ຝຣັ່ງ ກໍ​ເຊັ່ນ​ກັນ. ດັ່ງ​ນັ້ນ, ມັນ​ຈິ່ງ​ເປັນ​ໂອກາດ​ທີ່​ດີ ທີ່​ຈະ​ຂະຫຍາຍສາຍ​ພົວ​ພັນ​ແຫ່ງ​ຄວາມ​ເປັນ​ມິດຕະພາບຕໍ່​ກັນ.”

ການ​ຢ້ຽມຢາມ​ເກີດ​ຂຶ້ນ​ໃນ​ເວລາ​ທີ່ ​ໄນ​ຈີ​ເຣຍ ​ແລະ ປະ​ເທດ​ພັນທະ​ມິດ​ທີ່​ເວົ້າ​ພາສາ​ ຝຣັ່ງ ຫຼາຍ​ທີ່​ສຸດ​ໃນ​ພາກ​ພື້ນ​ ກຳລັງ​ທຳ​ການ​ຕໍ່ສູ້​ທີ່​ດຸ​ເດືອດ​ຕໍ່ພວກ​ຫົວ​ຮຸນ​ແຮງ ອິສລາ​ມ
ກຸ່ມ ໂບ​ໂກ ຮາຣາມ.

ທ່ານ Adesina ​ໄດ້​ກ່າວ​ວ່າ ປະທານາທິບໍດີ Buhari ຈະ​ຂໍຮ້ອງ​ໃຫ້ ຝຣັ່ງ ສະໜັບສະໜູນ​ໃນ​ເລື້ອງການ​ປ້ອງ​ກັນ​ປະ​ເທດ ​ແລະ ຄວາມ​ປອດ​ໄພ.

ທ່ານ Adenisa ​ໄດ້​ກ່າວ​ວ່າ “ທ່ານ​ປະທ​ານາ​ທິບໍດີ ຈະ​ຮ້ອງ​ຂໍ​ໂດຍ​ສະ​ເພາະເຈາະ​ຈົງ​ຕໍ່ ລັດ​ຖະບານ ຝຣັ່ງ ​ເພື່ອ​ຊ່ວຍ​ເຫຼືອ ​ໄນ​ຈີ​ເຣຍ ​ໃນ​ຂົງ​ເຂດ​ຂອງ​ການ​ສືບລັດຖະການລັບ ​ແລະ ອຸປະກອນ, ​ການ​ສືບ​ລັບເພື່ອ​ໃຊ້​ໃນ​ການ​ກອບ​ກູ້​ເອົາເດັກ​ຍິງ Chibok ທີ່​ໄດ້​ຖືກ​ລັກ​ພາ​ຕົວ ​ແລະ ​ເພື່ອ​ເອົາ​ຊະນະ​ສົງຄາມ​ຕໍ່​ພວກ​ຕໍ່ຕ້ານ​ລັດຖະບານ.”

ທ່ານ​ໄດ້​ກ່າວ​ວ່າ ​ເຖິງແມ່ນ​ວ່າ ​ໄນ​ຈີ​ເຣຍ ຈະ​ບໍ່​ແມ່ນ​ປະ​ເທດ​ທີ່​ເວົ້າ​ພາສາ ຝຣັ່ງ, ລັດຖະບານ ຝຣັ່ງ​ ​ແມ່ນມີ​ຄວາມ​ຍິນ​ດີ​ທີ່​ຈະ​ຊ່ວຍ​ເຫຼືອ ​ໄນ​ຈີ​ເຣຍ ​ເພາະວ່າ ຝຣັ່ງ ຮູ້​ວ່າຖ້າ ​ໄນ​ຈີ​ເຣຍ ມີ​ຄວາມ​ສະຫງົບ​ສຸກ, ທັງ​ໝົດ​ໃນ​ທະວີບ ​ອາ​ຟຣິກາ ກໍ​ຈະ​ມີ​ຄວາມ​ສະຫງົບ​ເຊັ່ນ​ກັນ, ລວມທັງ​ປະ​ເທດ ອາ​ຟຣິກາ ທີ່​ເວົ້າ​ພາສາ ຝຣັ່ງ.

ພວກ​ຫົວ​ຮຸນ​ແຮງ ອິສລາມ ກຸ່ມ ​ໂບ​ໂກ ຮາ​ຣາມ ​ໄດ້ລັກພາ​ໂຕ​ເດັກ​ຍິງ​ຫຼາຍ​ກວ່າ 270 ຄົນ​ຈາກ​ໂຮງຮຽນ​ກິນນອນ Chibok ​ໃນ​ພາກ​ເໜືອ​ຂອງ ​ໄນ​ຈີ​ເຣຍ ​ໃນ​ເດືອນ ​ເມສາ 2014.

XS
SM
MD
LG