ລິ້ງ ສຳຫລັບເຂົ້າຫາ

ປ. ໄນຈີເຣຍ ບໍ່ສາມາດ ໃຫ້ຄຳໝັ້ນສັນຍາ ວ່າ ຈະນຳເອົາ ພວກນັກຮຽນຄືນມາໄດ້


ສະມາຊິກກຸ່ມປະທ້ວງຄົນນຶ່ງ ເຊັດນ້ຳຕາ ໃນລະຫວ່າງ ການປະທ້ວງແບບນັ່ງຢູ່ກັບທີ່ #BringBackOurGirls ຊຶ່ງເປັນຂີດໝາຍ ມື້ນຶ່ງກ່ອນວັນຄົບຮອບ 1 ປີ ທີ່ໝຸນວຽນມາເຖິງ ເປັນຄັ້ງທຳອິດ ຂອງການສັງຫານ ນັກຮຽນ 59 ຄົນ ຢູ່ທີ່ Bunu Yadi Federal Government College ໃນລັດ Yobe ໂດຍພວກ Boko Haram.

ສະມາຊິກກຸ່ມປະທ້ວງຄົນນຶ່ງ ເຊັດນ້ຳຕາ ໃນລະຫວ່າງ ການປະທ້ວງແບບນັ່ງຢູ່ກັບທີ່ #BringBackOurGirls ຊຶ່ງເປັນຂີດໝາຍ ມື້ນຶ່ງກ່ອນວັນຄົບຮອບ 1 ປີ ທີ່ໝຸນວຽນມາເຖິງ ເປັນຄັ້ງທຳອິດ ຂອງການສັງຫານ ນັກຮຽນ 59 ຄົນ ຢູ່ທີ່ Bunu Yadi Federal Government College ໃນລັດ Yobe ໂດຍພວກ Boko Haram.

ປະທານາທິບໍດີ ທີ່ຖືກເລືອກ​ໃໝ່​ ຂອງ​ໄນ​ຈີ​ເຣຍ ທ່ານ
Muhammadu Buhari ກ່າວ​ວ່າ ທ່ານ​ບໍ່​ສາມາດ​ໃຫ້​ຄຳ​ໝັ້ນ
ສັນຍາ​ວ່າ ​ບັນດາ​ເຈົ້າໜ້າ​ທີ່ຈະ​ຊອກ​ຫາ ພວກນັກ​ຮຽນຍິງ
ຈຳນວນ 219 ຄົນ ທີ່ຖືກ​ລັກພາ​ໂຕ​ໄປ ນຶ່ງ​ປີຜ່ານມາ​ນັ້ນ ​ໂດຍ
​ພວກຫົວ​ຮຸນ​ແຮງ Boko Haram ​ທີ່ບ້ານ​ C​hibok ຢູ່​ທາງ​ພາກ
ຕາ​ເວັນ​ອອກສຽງ​ເໜືອ​ຂອງປະ​ເທດ ​ໄດ້.

ໃນ​ຖະ​ແຫລ​ງການ​ສະບັບ​ນຶ່ງ ໃນ​ວັນ​ອັງຄານ​ມື້​ນີ້ ທ່ານ Buhari
ກ່າວວ່າ “ພວກ​ເຮົາ​ບໍ່​ຮູ້​ວ່າ ຈະສາມາດ​ຊ່ອຍ​ນຳ​ເອົາ ພວກ​
ເດັກ​ຍິງຈາກບ້ານ​ Chibok ຄືນ​ມາໄດ້ຫຼືບໍ່”
​ໃນ​ຂະນະ​ທີ່​
ປະ​ເທດ​ກຳລັງ​ທຳ​ພິທີ​ຂີດ​ໝາຍ ການ​ລັກພາ​ໂຕ​ໝູ່​ ພວກ​ນັກຮຽນ​ຍິງ ຄົບຮອບ​ນຶ່ງ​ປີ.

ທ່ານ Buhari ​ໄດ້​ຕຳ​ໜິຕິຕຽນ ຄວາມ​ພະຍາຍາມ ​ໃນ​ການ​ຊອກ​ຫາ​ພວກ​ເດັກ​ຍິງ ຂອງ
ລັດຖະບານປັດຈຸບັນ ​ໂດຍ​ກ່າວ​ວ່າ​ ລັດຖະບານ​ຂອງ​ທ່ານ “ຈະ​ປະຕິ​ບັດ​ແບບ​ແຕກ​ຕ່າງ​
ກັນ​ກັບ ລັດຖະບານ​ທີ່​ພວກ​ເຮົາ​ຈະ​ມາ​ແທນນັ້ນ.”

ອົງການ​ນິລະ​ໂທດ​ກຳ​ສາກົນ ກ່າວ​ວ່າ ພວກ​ຫົວ​ຮຸນ​ແຮງ ​ໄດ້​ລັກພາ​ໂຕ ພວກ​ແມ່ຍິງ
ຢ່າງ​ນ້ອຍ 2,000 ຄົນ ຢູ່ ​ໄນ​ຈີ​ເຣຍ ນັບ​ຕັ້ງ​ແຕ່​ຕົ້ນປີ 2014 ​ເປັນຕົ້ນມາ ​ແລະ ​ໄດ້ບັງຄັບ
​ໃຫ້​ພວກ​ເຂົາ​ເຈົ້າຫຼາຍຄົນ ເປັນ​ຂ້າ​ທາດ​ທາງ​ເພດ ​ແລະ ​ເປັນ​ນັກ​ລົບ​.

ພວກ​ປະ​ທ້ວງ ​ທີ່​ປິດ​ປາກ​ດ້ວຍ​ເທັປ​ສີ​ແດງ ​ພາ​ກັນ​ເດີນ​ຂະ​ບວນ ຜ່ານ​ນະຄອນຫລວງ Abuja ​ເພື່ອ​ເປັນ​ຂີດ​ໝາຍ ນຶ່ງ​ປີ​ແລ້ວ ນັບ​ຕັ້ງ​ແຕ່ນັກຮຽນ​ຍິງຫຼາຍຮ້ອຍ​ຄົນ ​ໄດ້​ຖືກ​ລັກພາ​ໂຕ​ໄປ ​ໂດຍ​ພວກຫົວ​ຮຸນ​ແຮງຈັດ​ອິສລາມ.

ພວກນັກຮຽນ​ ຈຳນວນ 273 ຄົນ ຖືກ​ລັກພາ​ໂຕ​ໄປ ​ໂດຍ​ພວກ Boko Haram ​ເມື່ອ​ວັນ​ທີ
14 ​ເມສາ 2014 ຈາກ ​ໂຮງຮຽນ​ມັດ​ທະຍົມແຫ່ງ​ນຶ່ງ​ໃນ​ລັດ Borno ​ທີ່ບໍລິຫານ​ງານ​ໂດຍ​
ລັດຖະບານ.

ພວກ​ນັກຮຽນ​ຍິງຈຳນວນ​ນຶ່ງ​ ສາມາດ​ຫລົບໜີ​ອອກ​ມາ​ໄດ້ ​ແຕ່ອີກ ຫຼາຍກວ່າ 200 ຄົນ ​
ຍັງ ຫາຍ​ສາບ​ສູນຢູ່.

XS
SM
MD
LG