ລິ້ງ ສຳຫລັບເຂົ້າຫາ

ປະຊາຊົນ ໃນທົ່ວໂລກ ພາກັນສະຫຼອງ ຕ້ອນຮັບ ປີໃໝ່ 2014 (ສະໄລດ໌/ວີດີໂອ)


ປະຊາຊົນຕາມ​ຫົວ​ເມືອງ​ໃຫຍ່ໆ ​ໃນ​ທົ່ວ​ໂລກ ​ໄດ້​ເລີ້ມ​ສະ​ເຫຼີ​ມ
ສະຫຼອງ​ວັນ​ປີ​ໃໝ່ 2014 ດ້ວຍ​ການ​ຈູດ​ບັ້ງ​ໄຟ​ດອກ​ ແລະການ​
ສະ​ແດງ​ດົນຕີຕ່າງໆ.

ພວກ​ຫາ​ຄວາມ​ສະໜຸກ​ສະໜາ​ນມ່ວນ​ຊື່ນ​ໃນ​ນະຄອນ​ນີວຢອກ
ປະມານ 1 ລ້ານ​ຄົນ​ທີ່ພາກັນ​ອົດທົນ​ຕໍ່ສະພາບ​ດິນ​ຟ້າ​ອາກາດ​
ທີ່​ໜາວ​ເຢັນ​ແລະ​ພາຍ​ໃຕ້​ການ​ຮັກສາ​ຄວາມປອດ​ໄພທີ່​ໜາ​
ແໜ້ນພາກັນ​ລໍຖ້າ​ເປັນ​ເວລາ​ຫຼາຍ​ຊົ່ວ​ໂມງ​ຢູ່​ທີ່​ຈັດ​ຕຸ​ລັດ Times
Square ເພື່ອ​ເບິ່ງ​ລູກ​ບານ​ແກ້ວ​ທີ່​ເຫຼື້ອມ​ໃສ​ ຫຼື Waterford
ຢ່ອນ​ລົງ​ມາ​ໃນ​ເວລາ​ທ່ຽງ​ຄືນ.

​ເຈົ້າ​ຄອງ​ກຳ​ແພງ​ນະຄອນ​ນີວຢອກ​ຄົນ​ປັດຈຸບັນ ຫຼື​ເຈົ້າ​ຄອງ​ກຳ​ແພງ​ນະຄອນ​ຄົນ​ທີ່​ໄດ້​ຖືກ​
ເລືອກ​ຕັ້ງ​ໃໝ່ ​ບໍ່​ໄດ້​ໄປ​ມີໜ້າ ​ເພື່ອ​ກົດ​ປຸ່ມ​ໃຫ້​ລູກ​ບານ​ຢ່ອນ​ລົງ​ມາ. ພິທີ​ທີ່​ມີ​ກຽດດັ່ງກ່າວ
ໄດ້ຖືກມອບໝາຍ​ໃຫ້ແກ່​ທ່ານ​ນາງ Sonia Sotomayor ຜູ້​ພິພາກສາ​ສານສູງ​ສຸດຊຶ່ງ​ເປັນ
ຄົນມາ​ຈາກ​ນີວຢອກ​ເອງ.

ທີ່​ເມືອງ Nashville ລັດ Tennessee ​ໄດ້​ມີ​ການສະ​ແດງ​ດົນຕີ​ຄັ້ງ​ໃຫຍ່​ ໃນ​ເວລາ​ທ່ຽງ​
ຄືນ. ໃນ​ຂະນະ​ດຽວ​ກັນ​ທີ່​ເມືອງ Vincennes ລັດ Indiana ​ໄດ້​ມີ​ການ​ຢ່ອນ​ໝາກ​ໂມ 14
ໜ່ວຍ​ລົງ​ມາ ເພື່ອ​ສະຫຼອງ​ວັນ​ປີ​ໃໝ່ 2014 ນັ້ນ. ຈາກຫ້ວງ​ອະວະກາດ ພວກ​ລູກ​ເຮືອ​ໃນ
ສະຖານີ​ອະວະກາດ​ນາໆຊາດ ທີ່​ປ​ະກອບ​ດ້ວຍ​ນັກ​ອະວະກາດອະ​ເມຣິກັນ 2 ຄົນ ​ແລະ​
ນັກ​ອະວະກາດ​ຍີ່ປຸ່ນ​ຄົນ​ນຶ່ງໄດ້ສົ່ງ​ພອນ​ປີ​ໃໝ່​ ມາ​ຍັງ​ຈະ​ຕຸລັດ Times Square ​ແລະມາ​
ຍັງ​ປະຊາຊົນ​ໃນ​ທົ່ວ​ໂລກ ​ໂດຍ​ຜ່ານ​ວີ​ດີ​ໂອ​ ຂອງ​ອົງການ​ NASA.

ທີ່​ເມືອງ Pasadena ລັດ California ປະຊາຊົນ​ພາກັນ​ສະ​ເຫຼີ​ມສະຫຼອງ​ປີ​ໃໝ່​ໃນ​ເວລາ
ທ່ຽງ​ຄືນ ດ້ວຍ​ການ​ພັກ​ນອນ​ແຮມ​ຄືນ​ຢູ່​ຕາມ​ແຄມ​ຖະໜົນ ​ທີ່​ຈະ​ມີ​ການ​ເດີນສວນສະໜາມ
ປະຈຳ​ປີ Rose Parade. ການ​ເດີນ​ສວນສະໜາມ​ດັ່ງກ່າວ​ມີ​ຂຶ້ນ​ກ່ອນ​ການ​ແຂ່ງຂັນ​ກີລາ
ຊີງ​ຂັນ Rose Bowl ອັນ​ເປັນ​ການ​ແຂ່ງຂັນ​ກີລາ football ອັນ​ນຶ່ງ​ຂອງ​ການ​ແຂ່ງຂັນ​ກີລາ
Football ລະດັບ​ມະຫາວິທະຍາ​ໄລ ​ຫລັງ​ຈາກ​ລະດູ​ກີລາ football ລະດັບ​ມະຫາວິທະ
ຍາ​ໄລ​ສິ້ນສຸດ​ລົງ ຊຶ່ງ​ແຂ່ງຂັນ​ກັນ​ ໃນ​ວັນ​ປີ​ໃໝ່​ທຸກໆ​ປີ​ນັ້ນ.

ການສະຫລອງປີໃໝ່ ທີ່ ດູບາຍ ລອນດອນ ມອສໂຄ ກໍາແພງເມືອງຈີນ ຮົງກົງ ໂຕກຽວ ຈາກາຕາ ຊິດນີ ແລະໂອ໊ກກະເລິນ:


ໃນ​ແຫ່ງ​ອື່ນໆ​ອີກ ພວກ​ຝູງ​ຊົນ​ພາກັນ​ໂຮມ​ຊຸມນຸມ​ກັນໃນ​ຫົວ​ເມືອງ​ໃຫຍ່ໆ​ໃນ​ທົ່ວ​ໂລກ ​ເພື່ອ
ສະ​ເຫຼີ​ມສະຫຼອງ​ວັນ​ປີ​ໃໝ່ 2014 ຮວມທັງ​ໃນ​ກຸງ​ມອສກູ , Dubai ​ແລະ​ທີ່​ກຸງ​ລອນ​ດອນ.
ພວກ​ທີ່​ໄປ​ຮ່ວມງານ​ກິນ​ລ້ຽງ​ໃນ​ກຸງ​ລອນ​ດອນ ​ພາກັນ​ກິນ​ເຂົ້າໜົມ​ຫວານທີ່​ມີ​ລົດ​ຊາດໝາກ
ກ້ວຍ​ໃນ​ຂະນະ​ທີ່​ພວກ​ເຂົາ​ເຈົ້າ​ພາກັນເບິ່ງ​ການ​ຈູດ​ບັ້ງ​ໄຟ​ດອກ​ທີ່​ຈະຕຸ​ລັດ Trafalgar.

ທີ່​ປະ​ເທດ Dubai ​ໄດ້​ມີ​ການສະ​ແດງ​ຈູດ​ບັ້ງ​ໄຟ​ດອກ​ໃຫຍ່ທີ່​ສຸດ​ຂອງ​ໂລກ ​ໂດຍ​ໄດ້​ຈູດ​ບັ້ງ​
ໄຟ​ດອກ 4 ​ແສນ​ລູກ​ ທີ່​ມີ​ວັດຖຸ​ປະສົງ​ແນ​ໃສ່​ ເພື່ອ​ໃຫ້​ເປັນ​ສະຖິຕິ​ໃໝ່ຂອງ​ໂລກ. Kuwait ​
ໄດ້​ທຳລາຍ​ສະຖິຕິ​ ໃນ​ປີ​ແລ້ວ​ນີ້ ​ໂດຍ​ໄດ້​ຈູດບັ້ງ​ໄຟ​ດອກ 77 ພັນ​ລູກ​.

ການ​ຈູດ​ບັ້ງ​ໄຟ​ດອກ​ໄດ້​ລະ​ເບີດ​ຈາກ Sky Tower ຂອງ​ເມືອງ Auckland ​ໃນ​ຂະນະທີ່​ຜູ້​
ຄົນ​ພາກັນ​ເຕັ້ນ​ລຳ ​ຕາມ​ຖະໜົນ​ຫົນທາງ​ສາຍ​ຕ່າງໆ ​ໃນ​ເມືອງ​ທີ່ໃຫຍ່​ທີ່​ສຸດ​ຂອງ​ປະ​ເທດ
New Zealand. ທີ່ນະຄອນ​ຊິດ​ນີ້ ປະ​ເທດ​ອອສ​ເຕຣ​ເລຍ ປະຊາຊົນ​ໃນ​ຈຳນວນ​ຫຼາຍ
ກວ່າ 1 ລ້ານ​ຄົນ ​ພາກັນ​ຊົມ​ການ​ຈູດ​ບັ້ງ​ໄຟ​ດອກ​ເປັນ​ຄັ້ງ​ທຳ​ອິດ​ໃນ​ຮອບ​ຫຼາຍ​ກວ່າ​ນຶ່ງ​ທົດ​
ສະວັດຈາກ​ພວກເຮືອ​ໃບ​ລົມ ​ຢູ່​ຕໍ່ໜ້າ​ໂຮງລະຄອນ​ແຄມ​ນ້ຳ​ ທີ່​ມີ​ຊື່​ສຽງ​ກ້ອງ​ໂລກ​ນັ້ນ. ທີ່​
ຮ່ອງ​ກົງ​ ແສງສີຈາກ​ການ​ຈູດ​ບັ້ງ​ໄຟ​ດອກ​ ໄດ້​ພຸ່ງ​ຂຶ້ນກຸ້ມ​ພວກ​ຕຶກ​ດາດ​ຟ້າ.

XS
SM
MD
LG