ລິ້ງ ສຳຫລັບເຂົ້າຫາ

ປະຊາຊົນໃນທົ່ວໂລກ ພາກັນສະຫລອງວັນປີໃໝ່

  • ສິງ ບູຣົມມະວົງ

ການຈູດບັ້ງໄຟດອກ ສະຫຼອງວັນປີໃໝ່ ທີ່ Harbour Bridge ແລະໂຮງລະຄອນ Opera House ຂອງນະຄອນຊິດນີ ປະເທດອອສເຕຣເລຍ, ຕອນເດິກວັນທີ 1 ມັງກອນ 2012.

ໄດ້​ມີ​ການ​ສະຫລອງ​ວັນ​ປີ​ໃໝ່​ດ້ວຍ​ການ​ຈູດ​ບັ້ງ​ໄຟ​ດອກ​ໃນ​ທົ່ວ​ໂລກ. ທີ່​ກຸງ​ລອນ​ດອນ ປະເທດ ອັງກິດທີ່​ຈະ​ເປັນ​ເຈົ້າພາບ​ຈັດການ​ແຂ່ງຂັນ​ກີລາ​ໂອ​ລິ​ມປິກປະ​ຈໍາປີ 2012 ນັ້ນ ການສະຫລອງ​ໄດ້​ເລີ້ມ​ດ້ວຍ​ການສະ​ແດງ​ຈູດ​ບັ້ງ​ໄຟ​ດອກ ພ້ອມກັບປ່ອຍເທບບັນທຶກສຽງ​ຊ່ວງ​ເວລາ​ທີ່​ນະຄອນຫລວງ​ຂອງ​ອັງກິດ​ໄດ້​ຮຽນຮູ້ວ່າ ​ຕົນ​ຈະ​ເປັນ​ເຈົ້າພາບ​ຈັດການ​ແຂ່ງຂັນ​ກີລາ​ໂອ​ລິ​ມປິກ​ໃນ​ປີ​ນີ້.

ການຈູດບັ້ງໄຟດອກ ສະຫລອງປີໃໝ່ ທີ່ລອນດອນ ປະເທດອັງກິດ, ທ່ຽງຄືນວັນທີ 31 ທັນວາ 2011.

ການຈູດບັ້ງໄຟດອກ ສະຫລອງປີໃໝ່ ທີ່ລອນດອນ ປະເທດອັງກິດ, ທ່ຽງຄືນວັນທີ 31 ທັນວາ 2011.

ປະຊາຊົນ​ຫລາຍ​ແສນ​ຄົນ​ພາກັນ​ໂຮມ​ຊຸມນຸມ​ກັນ​ຕາມ​ແຄມ​ແມ່​ນໍ້າ Thames ​ເພື່ອ​ຊົມ​ການ​ຈູດ​ບັ້ງ​ໄຟ​ດອກ​ຢາງ​ຫລູຫລາ.

ທີ່​ກຸງ Berlin ນະຄອນຫລວງ​ເຢຍຣະມັນ ​ໄດ້​ສະ​ແດງ​ການ​ຈູດ​ບັ້ງ​ໄຟ​ດອກ​ຢ່າງ​ສະຫງ່າ​ງາມ​ໃນ​ທ້ອງຟ້າ​ໃນ​ຍາມ​ກາງຄືນ​ທີ່ Brandenburg Gate.

ໃນອີກຟາກນຶ່ງຂອງ​ມະຫາ​ສະມຸດ​ອັດ​ລັງ​ຕິກ
​ທີ່​ນະຄອນ Rio de Janeiro ປະ​ເທດ​ບຣາ
ຊີ​ລ ປະຊາຊົນ​ພາກັນ​ໄປ​ຊຸມນຸມ​ທີ່ຊາຍ​ຫາດ
Copacabana ເພື່ອ​ຊົມ​ແສງ​ສີ​ບັ້ງ​ໄຟ​ດອກ​ຢູ່​ຕາມ​ທ້ອງຟ້າ​ເພືອລໍຖ້າ​ຕ້ອນຮັບ​ວັນ​ປີ​ໃໝ່.

ນັກຮ້ອງຊື່ດັງ Lady Gaga ແລະເຈົ້າຄອງກໍາແພງນະຄອນນິວຢອກ ທ່ານ Michael Bloomberg ຖ່າຍຮູບຮ່ວມກັນກ່ອນຈະກົດປຸ່ມໃຫ້ ໜ່ວຍແກ້ວຄ່ອຍໆໄຫລລົງ ຂະນະນັບຖອຍຫລັງໄປຫາປີໃໝ່ ທີ່ຈະຕຸ ລັດ Times Square, ກ່ອນທ່ຽງຄືນວັນທີ 31 ທັນວາ 2011. REUTERS/Eduardo Munoz

ນັກຮ້ອງຊື່ດັງ Lady Gaga ແລະເຈົ້າຄອງກໍາແພງນະຄອນນິວຢອກ ທ່ານ Michael Bloomberg ຖ່າຍຮູບຮ່ວມກັນກ່ອນຈະກົດປຸ່ມໃຫ້ ໜ່ວຍແກ້ວຄ່ອຍໆໄຫລລົງ ຂະນະນັບຖອຍຫລັງໄປຫາປີໃໝ່ ທີ່ຈະຕຸ ລັດ Times Square, ກ່ອນທ່ຽງຄືນວັນທີ 31 ທັນວາ 2011. REUTERS/Eduardo Munoz

ດາລາ​ນັກ​ຮ້ອງ​ທີ່​ມີ​ຊື່ສຽງ Lady Gaga ​ແລະ Placido Domingo ກໍ​ຮວມຢູ່​ໃນ​ບັນດາ​
ປະຊາຊົນ​ທີ່​ພາກັນ​ໄປ​ຮ່ວມ​ວັນ​ເທດສະການ​ດັ່ງກ່າວ​ທີ່​ນະຄອນ​ນີວຢອກ ​ບ່ອນ​ທີ່​ລາຍ​ງານ​
ຂ່າວ ​ເວົ້າ​ວ່າ ມີ​ປະຊາຊົນ​ປະມານ 1 ລ້ານ​ຄົນ​ພາກັນ​ໄປ​ລໍຖ້າ​ຊົມ​ລູກ​ບານ​ຢ່ອນ​ລົງ​ມາ​ທ່ີ
​ຈະ​ຕຸລັດ Times Square ນັ້ນ.

ພວກ​ປະ​ເທດ​ໃນ​ພາກ​ພື້ນ​ຕາ​ເວັນ
​ອອກສຽງ​ໃຕ້ ​ຊຶ່ງ​ເປັນ​ພວກ​ປະ
​ເທດ​ທໍາອິດ​ທີ່​ສະ​ແດງການ​ຕ້ອນ
ຮັບ​ວັນ​ປີ​ໃໝ່ ​ໂດຍ​ພາກັນ​ຈູດ​ບັ້ງ​
ໄຟ​ດອກ ​ແສງ Laser ພ້ອມ​ທັງ
​ການຈັດ​ງານກິນ​ລ້ຽງ​ກັນ​ຕາມ​
ຖະໜົນ​ຫົນທາງ​ແລະການສະ​ແດງ​ຕ່າງໆ​ຢູ່​ໃນ​ກາງ​ແຈ້ງ.
ນະຄອນ Sydney ປະ​ເທດອອສ​ເຕຣ​ເລຍ ​ແລະ​ຮອງ​ກົງ​ໄດ້​ສະ​ແດງ​ການ​ຈູດ​ບັ້ງ​ໄຟ​ດອກ​
ດ້ວຍສີສັນ​ອັນຫລູຫລາ​ແລະງົດ​ງາມ​ຢູ່​ຕາມ​ທ່າ​ເຮືອຂອງ​ເຂົາ​ເຈົ້າ. ພວກຫົວ​ເມືອງ​ໃຫຍ່​ຂອງ​
ຈີນ ​ເຊ່ນ​ກຸງ​ປັກ​ກິ​ງ​ແລະ​ເມືອງ​ຊຽງ​ໄຮ້​ໄດ້​ເປັນ​ເຈົ້າພາບ​ຈັດການ​ສະ​ແດງ​ທີ່​ມີ​ແສງ​ສີ​ຢ່າງ​
ງົດ​ງາມ​ໃນ​ຈັດ​ຕຸ​ລັດ​ແຫ່ງ​ຕ່າງໆ​ໃນໃຈ​ການ​ເມືອງ.

ບັນຍາກາດ​ບໍ່​ຕື່ນ​ເຕັ້ນ​ປານ​ໃດ​ໃນ​ກຸງ​ໂຕ​ກຽວ ບ່ອນ​ທີ່​ການສະ​ເຫຼີມ​ສະຫຼອງ​ແມ່ນ​ບົດ
ບັງ​ໄປ​ດ້ວບຄວາມ​ຊົງ​ຈໍາ​ຕ່າງໆ​ຂອງ​ໄພ​ແຜ່ນດິນ​ໄຫວ​ແລະ​ໄພ​ຄື້ນຟອງ​ສຸ​ນາ​ມິ​ໃນ​
ເດືອນ​ມັງກອນ​ນີ້.

ໃນ​ການ​ສົ່ງ​ສານ​ອວຍພອນ​ປີ​ໃໝ່​ຕໍ່​ປະຊາຊົນ​ຍີ່ປຸ່ນ ​ເຈົ້າ​ຈັກກະພັດ Akihito ຊົງ​ສະ​ແດງ​
ຄວາມ​ຫວັງ​ວ່າ ທຸກໆ​ຄົນ​ຈະ​ຮ່ວມ​ໄມ້​ຮ່ວມ​ມື​ກັນສ້າງສາ​ສັງຄົມ​ຍີ່ປຸ່ນ​ຄືນ​ໃໝ່​ຫລັງ​ຈາກ​
ໄດ້​ຮັບ​ໄພພິບັດ​ທໍາ​ມະ​ຊາດ​ໃນ​ປີ 2011 ນັ້ນ.

ການສະຫລອງປີໃໝ່ ທີ່ຈະຕຸລັດ Times Square ທີ່ນິວຢອກ, ທ່ຽງຄືນວັນທີ 31 ທັນວາ 2011.

ການສະຫລອງປີໃໝ່ ທີ່ຈະຕຸລັດ Times Square ທີ່ນິວຢອກ, ທ່ຽງຄືນວັນທີ 31 ທັນວາ 2011.

XS
SM
MD
LG