ລິ້ງ ສຳຫລັບເຂົ້າຫາ

ເນປາລ ແລະ ອິນເດຍ ຖືກ ຝົນມໍ​ລະສຸມ ປະຈຳ​ປີ ປະທະ ຢ່າງໜັກໜ່ວງ ມີຫຼາຍຮ້ອຍຄົນ ເສຍຊີວິດ (ວີ​ດີ​ໂອ)


ພວກຜູ້ຊາຍ ຫຼາຍຄົນກຳລັງ ຍ່າງຜ່ານ້ຳຖ້ວມທາງ ໃນຂະນະ ທີ່ຝົນກຳລັງ ຕົກລົງຢ່າງຕໍ່ເນື່ອງ ຢູ່ເມືອງ Jammu ປະເທດ India, ວັນທີ 16 ສິງຫາ 2014.

ຝົນຕົກ​ຢ່າງ​ໜັກ​ໜ່ວງ ​ໄດ້​ເຮັດ​ໃຫ້​ເກີດນ້ຳຖ້ວມ​ກະທັນຫັນ
​ແລະດິນ​ເຈື່ອນຢ່າງຫລວງຫຼາຍ ທີ່​ໄດ້​ສົ່ງ​ຜົນໃຫ້ ຫຼາຍກວ່າ
75 ຄົນເສຍ​ຊີວິດ​ໃນ​ອິນ​ເດຍ ​ແລະ ​ເນ​ປາລ ​ໃນ​ໄລຍະ 2-3
​ມື້​ທີ່​ຜ່ານ​ມານີ້.

ລັດຖະມົນຕີ​ກະຊວງ​ພາຍ​ໃນ​ ຂອງ​ເນ​ປາລ ກ່າວ​ໃນ​ວັນ​ເສົາ
​ວານ​ນີ້ ​ວ່າ ຢ່າ​ງນ້ອຍ 53 ຄົນ​ໄດ້​ເສຍ​ຊີວິດ ​ຢູ່​ຂົງ​ເຂດ​ທາງ
ພາກ​ຕາ​ເວັນ​ຕົກ ​ແລະ ອີກ 75 ຄົນ ​ຫາຍ​ສາບ​ສູນ.

​ເຈົ້າໜ້າ​ທີ່​ກ່າວ​ວ່າ ນ້ຳຖ້ວມ​ຫົນທາງຫຼາຍໆ​ເສັ້ນ ​ແລະດິນ​ທີ່
​ເຈື່ອນ​ລົງ​ມານັ້ນ ​ໄດ້​ກີດຂວາງ​ພວກພະນັກງານກູ້​ໄພ ບໍ່​ໃຫ້​
ສາມາດເຂົ້າ​ໄປ​ເຖິງ ​ປະຊາຊົນ​ຢູ່​ໝູ່​ບ້ານ​ຕ່າງໆ ​ທີ່ຫ່າງ​ໄກ​ສອກຫຼີກ. ພວກ​ເຂົາ​ກ່າວ​ວ່າ
​ເຊື່ອ​ກັນ​ວ່າ ຫຼາຍພັນ​ຄົນ ​ໄດ້​ສູນ​ເສຍ​ບ້ານ​ເຮືອນ​ຂອງ​ຕົນ.

​ຢູ່​ປະ​ເທດ​ເພື່ອນ​ບ້ານອິນ​ເດຍນັ້ນ​ ບັນດາເຈົ້າໜ້າ​ທີ່ອິນ​ເດຍ ກ່າວ​ວ່າ ຝົນທີ່ຕົກ​ຢ່າງ​ໜັກ​
ໜ່ວງນັ້ນ ​ໄດ້​ພາໃຫ້​ມີ ຢ່າງ​ນ້ອຍ 24 ຄົນ​ເສຍ​ຊີວິດ ຢູ່​ລັດ Uttarakhand ຕັ້ງ​ແຕ່​ວັນ​ສຸກ
​ທີ່​ຜ່ານ​ມາ.

ລະດູ​ມໍ​ລະສຸມ​ປະຈຳ​ປີ ຂອງ​ເອ​ເຊຍ​ໃຕ້ ຊຶ່ງ​ເລີ້ມ​ຈາກ​ເດືອນມິຖຸນາ ຫາ ກັນຍາ ​ແມ່ນ​ໄດ້​
ເອົາ​ຊີວິດ​ຫູາຍໆຄົນໄປ ​ເປັນ​ປະຈຳ.

​ໃນ​ທ້າຍ​ເດືອນກໍລະ​ກົດຜ່ານ​ມາ​ນີ້ ຝົນ​ທີ່​ຕົກ​ໜັກ​ໃນ​ພາກ​ຕາ​ເວັນ​ຕົກ ຂອງ​ອິນ​ເດຍ ​ໄດ້​
ສົ່ງ​ຜົນ​ໃຫ້​ຈ້າຍພູໜ່ວຍ​ນຶ່ງ ​ເຈື່ອນ​ລົງ​ມາ​ໃສ່​ໝູ່​ບ້ານ​ທັງຫຼາຍ ທີ່ຢູ່​ທາງ​ລຸ່ມ ​ເອົາ​ຊີວິດ​ຄົນ​ໄປ
ຫຼາຍກວ່າ 100 ຊີວິດ.

XS
SM
MD
LG