ລິ້ງ ສຳຫລັບເຂົ້າຫາ

ກອງປະຊຸມ ອົງການເນໂຕ ຈະເພັ່ງເລັງໃສ່ ກຳລັງອັຟກາ​ນິສຖານ ກຸ່ມລັດອິສລາມ ແລະ​ສະກັດ​ກັ້ນ ຣັດ​ເຊຍ​


ຫລັງ​ຈາກ​ການ​ປະກາດ​ຂອງ​ສະຫະລັດ ທີ່​ຈະຮັກສາ​ກອງ​ກຳລັງທະຫານ​ຈຳນວນ 8 ພັນ 4 ຮ້ອຍ​ຄົນ ໄວ້ໃນ​ອັຟກາ​ນິສຖານຕໍ່​ໄປ ພວກ​ຜູ້ນຳອົງການ​ເນ​ໂຕ ຈະ​ພົບປະ​ກັນ ​ທີ່​ນະຄອນ Warsaw ​ໃນ​ວັນ​ສຸກມື້​ອື່ນແລະ​ວັນ​ເສົາ​ທີ່​ຈະ​ມາ​ເຖິງ​ນີ້ ​ເພື່ອ​ສົນທະນາ​ກັນ​ກ່ຽວ​ກັບບັນຫາ​ທີ່ສຳຄັນຕ່າງໆດ້ານ​ຄວາມ​ປອດ​ໄພ 3 ​ເລື້ອງດ້ວຍ​ກັນ ນັ້ນກໍ​ຄື ການ​ສືບ​ຕໍ່​ໃຫ້​ຄວາມ​ສະໜັບ​ສະ​ໜູນ​ແກ່​ກຳລັງອັຟກາ​ນິສຖານ ການ​ເອົາ​ຊະນະພວກຫົວ​ຮຸນ​ແຮງ​ກຸ່ມລັດ​ອິສລາມ​ ທາງ​ພາກ​ໃຕ້​ຂອງ​ອົງການ​ເນ​ໂຕ ​ແລະ​ການ​ສະກັດ​ກັ້ນການຮຸກ​ຮານ​ຂອງຣັດ​ເຊຍ​ຕໍ່ ພາກ​ຕາ​ເວັນ​ອອກ ຂອງ​ປະ​ເທດພັນທະ​ມິດ.

“​ເວົ້າ​ກັນ​ແບບແຈ້ງໆ​ແລ້ວ ພັນທະ​ມິດ​ ບໍ່​ມີ​ທາງເລືອກ. ພວກ​ເຂົາ​ເຈົ້າ​ທັງ​ຍ່າງ​ທັງ​ຍ້ຳນຳ. ຄື​ວ່າ​ທ່ານ​ຈະ​ບໍ່​ຈັດ​ບູລິ​ມມະ​ສິດ​ຂອງ​ການ​ຂົ່ມຂູ່ ທ່ານ​ຈະ​ບໍລິຫານ​ຈັດການ​ທັງໆ​ໝົດທຸກ​ເລື້ອງ​ລາວ,” ທ່ານ Anthony Cordesman ຈາກ​ສູນ​ກາງ​ຍຸດ​ທະ​ສາດ​ແລະ​ການ​ສຶກສາ​ນາໆ​ຊາດ ​ໄດ້ບອກ VOA ກ່ອນ​ໜ້າ​ກອງ​ປະຊຸມ​ສຸດ​ຍອດ ​ເຊັ່ນ​ນັ້ນ.

ດ້ວຍ​ການ​ທີ່​ຈຳ​ນວນ​ຂອງ​ກອງ​ກຳລັງ​ທະຫານສະຫະລັດ ບໍ່​ມີ​ຄວາມແນ່ນອນ ພວກ​ນັກວິ​ໄຈ​ກ່າວ​ວ່າ ພວກ​ຜູ້ນຳອົງການ​ເນ​ໂຕ ຈຶ່ງ​ຈຳເປັນຕ້ອງ​ມີ​ຍຸດ​ທະ​ສາດ​ເພື່ອ​ຊ່ອຍ​ອັຟກາ​ນິສຖານ​ແກ້​ໄຂ​ບັນຫາ ​ຮວມທັງ ການ​ເສດຖະກິດ​ທີ່​ຝືດ​ເຄືອງ ​ຄວາມ​ບໍ່​ສາມ​າດ​ໃນ​ການ​ເປີດການ​ເຈລະຈາ​ສັນຕິພາບ ກັບ​ກຸ່ມ Taliban ​ແລະ​ຈຳນວນ​ຂອງ​ຜູ້​ຄົນ​ບາດ​ເຈັບ​ທີ່​ມີ​ຂຶ້ນ​ຫຼັງ​ຈາກ​ລະດູ​ການ​ທີ່​ມີ​ການ​ສູ້​ລົບ​ກັນ​ຢ່າງ​ດຸ​ເດືອດ​ນັ້ນ.

ເຈົ້າໜ້າສຳຫຼວດເຫດລະເບີດໃນນະຄອນ Kabul, ອັຟການິສຖານ, 17 ພຶດສະພາ, 2015.

ເຈົ້າໜ້າສຳຫຼວດເຫດລະເບີດໃນນະຄອນ Kabul, ອັຟການິສຖານ, 17 ພຶດສະພາ, 2015.

ການທີ່ຣັດ​ເຊຍ ​ປະ​ກາດ​ຮວມ​ເອົາແຫຼມ Crimea ຂອງ​ຢູ​ເຄຣນ​ ພ້ອມ​ທັງ​ການ​ສືບ​ຕໍ່​ສະໜັບສະ​ໜູນພວກກຸ່ມ​ຫົວ​ແບ່ງ​ແຍກ​ດິນ​ແດນ ​ໃນ​ພາກ​ຕາ​ເວັນ​ອອກ​ຂອງ​ຢູ​ເຄຣນຈຳ​ເປັນ​ທີ່​ຈະ​ເພີ້​ມກຳລັງ​ເພື່ອ​ຄ້ຳປະກັນ​ໃຫ້ພັນທະ​ມິດ​ຂອງ​ອົງການ​ເນ​ໂຕ​ໃນ​ພາກ​ຕາ​ເວັນ​ອອກ ແລະການ​ເອົາ​ບາດກ້າວ​ເພື່ອສະກັດ​ກັ້ນການ​ຮຸກ​ຮານ​ຂອງຣັດ​ເຊຍ.

ກຸ່ມລັດອິສລາມຕຽມຕົວທີ່ຈະສັງຫານສະມາຊິກກອງກຳລັງປະສົມ

ກຸ່ມລັດອິສລາມຕຽມຕົວທີ່ຈະສັງຫານສະມາຊິກກອງກຳລັງປະສົມ

​ສ່ວນ​ໃນ​ພາກ​ໃຕ້ ກອງ​ກຳລັງ​ປະສົມ​ທີ່​ນຳພາ​ໂດຍ​ສະຫະລັດ ​ແມ່ນ​ພວມ​ຊ່ອຍ​ກຳລັງຮັກສາ​ຄວາມ​ປອດ​ໄພ ​ແລະ​ພວກ​ນັກ​ລົບ​ຊາວ​ເຄີ​ດ ​ເພື່ອຈະ​ຊະນະ​ກຸ່ມ​ລັດ​ອິສລາມ​ໃນ​ອີຣັກ ​ແລະ​ສະໜັບສະໜູນພວກ​ຕໍ່ຕ້ານ​ລັດຖະບານ​ນິຍົມ​ແນວທາງ​ປານ​ກາງ ທີ່ພວມ​ຕໍ່ສູ້​ກັບ​ກຸ່ມ​ລັດ​ອິສລາມ​ໃນ​ຊີ​ເຣຍ

ອົງການ​ເນ​ໂຕ ​ແມ່ນ​ບໍ່​ໄດ້​ໂຈມ​ຕີ​ກອງ​ກຳລັງ​ຂອງ​ກຸ່ມ​ລັດ​ອິສລາມແບບ​ເປັນ​ເຂດໆ​ໄປ ​ແຕ່ກັບ​ເປັນ​ແບບ​ວ່າ ສະມາຊິກ​ທັງຫຼາຍ ຫາກເລືອກເອົາ​ໂດຍ​ລຳພັງ ​ທີ່​ຈະ​ປະ​ກອບ​ສ່​ວນໃນ​ການ​ປະຕິບັດ​ໜ້າ​ທີ່ ​ກັບກອງ​ກຳລັງປະສົມ​ ທີ່​ນຳພາ​ໂດຍ​ສະຫະລັດ ຢູ່​ໃນ​ຂົງ​ເຂດ.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG