ລິ້ງ ສຳຫລັບເຂົ້າຫາ

ເກົາຫຼີເໜືອ ຫ້າມ ຊາວຕ່າງຊາດ ເຂົ້າຮ່ວມ ການແຂ່ງຂັນແລ່ນທົນ ປະຈຳປີ ນາໆຊາດ


ການແຂ່ງຂັນແລ່ນທົນ ໃນພຽງຢ້າງ ໃນວັນທີ 8 ເມສາ 2012

ການແຂ່ງຂັນແລ່ນທົນ ໃນພຽງຢ້າງ ໃນວັນທີ 8 ເມສາ 2012

ບັນດາ​ຜູ້​ຈັດ​ແຈງ​ການທ່ອງທ່ຽວ ກ່າວ​ໃນ​ວັນ​ຈັນ​ມື້​ນີ້​ວ່າ ພວກ
​ເຈົ້າ​ໜ້າ​ທີ່​ເກົາຫຼີ​ເໜືອ ​ໄດ້ຫ້າມ​ຊາວ​ຕ່າງ​ຊາດ​ ເຂົ້າ​ຮ່ວມ​ໃນ
​ການ​ແຂ່ງຂັນ​ແລ່ນ​ທົນ​ປະຈຳ​ປີ​ນາໆ​ຊາດ ​ໃນ​ເດືອນ​ເມສາ​ຕໍ່
ໜ້​ານີ້ ​ໂດຍ​ອ້າງ​ເຖິງຄວາມ​ຢ້ານ​ກົວ​ ກ່ຽວ​ກັບ​ການລະບາດ
​ຂອງ​ເຊື້ອ​ໄວຣັສອີ​ໂບລາ​ ທີ່ອັນຕະລາຍ​ເຖິງ​ຕາຍນັ້ນ.

​ເກົາຫຼີ​ເໜືອ ຊຶ່ງ​ບໍ່​ໄດ້ມີ​ກໍລະນີຄົນ​ຕິດ​ເຊື້ອ​ອີ​ໂບລາ​ຈັກ​ຄົນ ​ໄດ້​ອັດ
​ຊາຍ​ແດນ​ຂອງ​ຕົນ ​ສຳຫລັບ​ພວກ​ນັກ​ທ່ອງ​ທ່ຽວ​ຕ່າງປະ​ເທດໃນ
​ເດືອນ​ຕຸລາປີ​ແລ້ວ​ນີ້ ​ແລະ​ວາງ​ຂໍ້​ຈຳກັດ​ຮັດ​ແຄບ​ສະຖານທີ່​ກັກ​ກັນ
​ພະຍາດ​ຢ່າງ​ເຂັ້ມ​ງວດ​ຕໍ່​ຊາວ​ຕ່າງ​ຊາດ​ອື່ນໆ ​ເຊັ່ນພວກ​ນັກ​ການ
​ທູດ​ແລະ​ພວກພະນັກ ງານຊ່ອຍ​ເຫຼືອ ທີ່​ເຂົ້າ​ໄປ​ໃນປະ​ເທດ.

ທ່ານ Nick Bonner ຜູ້​ຈັດການ​ບໍລິສັດທ່ອງ​ທ່ຽວ KoryoTours ທີ່​ຕັ້ງ​ຢູ່​ປັກ​ກິ່ງ ບອກ​ພວກ​ອົງການ​ຂ່າວ​ວ່າ ທ່ານ​ໄດ້​ຮັບ​ແຈ້ງກ່ຽວ​ກັບຂໍ້​ຫ້າມ​ດັ່ງກ່າວ​ໃນ​ເຊົ້າ​ວັນ​ຈັນ​ມື້​ນີ້. ທ່ານ​ກ່າວ​ຕໍ່​ໄປ​ວ່າ ສະເພາແຕ່ບໍລິສັດ​ຂອງ​ທ່ານ​ແຫ່ງ​ດຽວ​ໄດ້​ຄາດ​ໝາຍວ່າ ຈະ​ນຳພາ​ນັກ​ທ່ອງ​ທ່ຽວ​ຕ່າງປະ​ເທດ​ຫຼາຍ​ກວ່າ 400 ຄົນ​ເຂົ້າ​ຮ່ວມ​ໃນ​ການ​ແຂ່ງ​ແລ່ນ​ທົນດັ່ງກ່າວ.

ທ່ານ Bonner ກ່າວ​ຕື່ມ​ວ່າ ທາງ​ອົງການ​ຂອງ​ທ່ານ​ໄດ້​ຮັບ​ແຈ້ງລ່ວງ​ໜ້າ ​ໃຫ້​ຄາດ​ໝາຍ​ວ່າ
​ຈະ​ໄດ້​ຮັບ​ຄຳ​ປະກາດກ່ຽວ​ກັ ບການ​ຈຳກັດ​ຮັດ​ແຄບ​ເລື້ອງ​ເຊື້ອ​ອີ​ໂບລາ​ນີ້​ ໃນ​ທ້າຍ​ເດືອນ​ກຸມພາ​ນີ້.

XS
SM
MD
LG