ພັກສັນນິບາດແຫ່ງຊາດເພື່ອປະຊາທິປະໄຕຂອງມຽນມາ ກຳລັງ
ກະກຽມທີ່ຈະເຂົ້າກຳອຳນາດ ຊຶ່ງເຮັດບັນດາຊົນກຸ່ມນ້ອຍຕ່າງໆ
ຢູ່ໃນປະເທດ ມີຄວາມຫວັງຕື່ມຂຶ້ນວ່າ ຈະເປັນຊ່ວງເວລາ ທີ່ມີ
ສັນຕິພາບ ຫລາຍຂື້ນ ໃນຕໍ່ໜ້ານີ້. Steve Sandford ມີລາຍ
ງານ ຈາກລັດ Kachin ຂອງປະເທດມຽນມາ ຊຶ່ງ ກິ່ງສະຫວັນ
ຈະນຳລາຍລະອຽດ ມາສະເໜີທ່ານ.
ຢູ່ໃນລັດຕ່າງໆຂອງບັນດາຊົນກຸ່ມນ້ອຍໃນປະເທດມຽນມາ ຍັງມີຫລາຍກວ່າ 200,000
ຄົນ ບໍ່ມີບ່ອນຢູ່ອາໄສຍ້ອນສົງຄາມໃນໄລຍະ ທີ່ຜ່ານມາ ແລະຄວາມຮຸນແຮງລະຫວ່າງ
ຊົນຊາດຊົນເຜົ່າ.
ຫລາຍຄົນຢູ່ໃນບັນດາຊົນເຜົ່າ ພາກັນຕັ້ງຄວາມຫວັງຂອງເຂົາເຈົ້າໄວ້ ກັບທ່ານນາງ
Aung San Suu Kyi ຜູ້ທີ່ໄດ້ໃຫ້ຄໍາໝັ້ນສັນຍາວ່າຈະເອົານຳສັນຕິພາບ ມາສູ່ກຳລັງ
ຂອງບັນດາຊົນຊາດຊົນເຜົ່າຕ່າງໆ ແລະກອງທັບແຫ່ງຊາດຂອງມຽນມາ.
ນາງ Dah Poh ທີ່ເປັນແມ່ຄົນນຶ່ງ ຈາກລັດ Kachin ໄດ້ຫຍຸ້ງຍາກຢູ່ນຳການເບິ່ງລູກ
ສາມຄົນຂອງນາງ ຢູ່ທີ່ສູນອົບພະຍົບ Myitkyina ບ່ອນທີ່ຜູ້ປະສົບໄພສົງຄາມພາຍໃນ
ປະເທດ ພາປ່ອນບັດໃນເດືອນພະ ຈິກທີ່ຜ່ານມາ.
ບັດນີ້ ນາງນັບມື້ ທີ່ສາມີຂອງນາງ ທີ່ເປັນທະຫານຕໍ່ສູ້ເພື່ອຄວາມເປັນ ເອກກະລາດຂອງ
ລັດ Kachin ຈະສາມາດກັບມາຫາຄອບຄົວໄດ້.
ນາງ Dah Poh ກ່າວວ່າ “ຂ້ອຍມີຄວາມຫວັງວ່າ ໃນວັນໜຶ່ງ ເວລາພວກເຮົາສາມາດ
ທີ່ຈະກັບຄືນໄປສູ່ບ້ານເກີດຂອງພວກເຮົາ ຫລັງຈາກບັນຫາການເມືອງໄດ້ຮັບການ
ແກ້ໂຂແລ້ວ. ປັດຈຸບັນນີ້ ສາມີຂອງຂ້ອຍ ສາມາດກັບມາຫາພວກເຮົາໄດ້ໜຶ່ງເທຶ່ອຕໍ່ປີ
ແລະຂ້ອຍບໍ່ສາມາດອອກໄປຊອກຫາວຽກຢູ່ນອກສູນ ເພາະວ່າ ລູກຂອງຂ້ອຍຍັງ
ນ້ອຍຢູ່ ແລະຂ້ອຍຕ້ອງໄດ້ເບິ່ງແຍງພວກເຂົາ ແລະຢູ່ນຳພວກເຂົາດ້ວຍ.”
ແຕ່ວ່າ ບັນດາຜູ້ຕິຕຽນໄດ້ຕັ້ງຄຳຖາມ ກ່ຽວກັບປະສິດທິຜົນຂອງການເຈລະຈາສັນຕິພາບ
ແຫ່ງຊາດ ໂດຍກ່່າວວ່າ ມີຈຸດປະສົງແນໃສ່ເພື່ອແບ່ງແຍກຊົນຊາດຊົນເຜົ່າຕ່າງໆນັ້ນ.
ຢູ່ໃນລັດ Shan ຊຶ່ງໄດ້ມີການລົງນາມ ໃນຂໍ້ຕົກລົງຢຸດຍິງທົ່ວປະເທດ ຫວ່າງມໍ່ໆມານີ້ ບັດ
ນີ້ກຳລັງມີການສູ້ລົບ ລະຫວ່າງກຳລັງຊົນເຜົ່າດ້ວຍກັນ.
ນັກວິເຄາະກ່ຽວກັບມຽນມາ ແລະນັກປະພັນ Bertil Lintner ກ່າວວ່າ ຍຸດທະສາດນີ້ບໍ່ມີ
ຫຍັງໃໝ່ສຳລັບພວກທະຫານທີ່ໄດ້ປົກຄອງປະ ເທດມາເປັນເວລາຫລາຍທົດສະວັດ ຕໍ່
ກອງກຳລັງຂອງພວກຊົນຊາດ ຊົນເຜົ່າ.
ທ່ານ Lintner ກ່າວວ່າ “ທະຫານກຳລັງສູ້ລົບກັບສົງຄາມຕົວແທນຊະ ນິດນຶ່ງ ເຂົາເຈົ້າ
ບໍ່ຢາກໃຫ້ມີການມອງເບິ່ງວ່າເປັນການໂຈມຕີຂອງເຂົາເຈົ້າຕໍ່ກຳລັງຊົນຊາດຊົນເຜົ່າ ເພາະສະນັ້ນ ເຂົາເຈົ້າຈຶ່ງໃຊ້ກຸ່ມໜຶ່ງຂອງ ກອງທັບລັດ Shan ໂຈມຕີກຸ່ມ Palang
ແລະນີ້ກໍເປັນການຮັບໃຊ້ຜົນປະໂຫຍດ ທາງດ້ານທະຫານ ເພາະທ່ານຕ້ອງຈື່ໄວ້ວ່າ
ສິ່ງທີ່ເຂົາເຈົ້າຕ້ອງການ ແມ່ນໄຊຊະນະບັ້ນສຸດທ້າຍ. ພວກເຂົາຕ້ອງການເອົາຊະນະ
ບັນດາກຸ່ມເຫລົ່ານີ້.”
ໃນຂະນະທີ່ການຂັດແຍ້ງດຳເນີນຢູ່ນັ້ນ ຊົນຊາດຊົນເຜົ່າຫຼາຍກຸ່ມຍັງສືບຕໍ່ພາກັນຕິດ
ອາວຸດ ໂດຍມີຄວາມລະມັດລະວັງຕໍ່ລັດຖະທຳມະນູນ ສະ ບັບປີ 2008 ທີ່ເຂົ້າຂ້າງ
ພວກທະຫານຢ່າງຫຼວງຫຼາຍນັ້ນ.
ໂຄສົກຂອງກຸ່ມ TNLA ທ່ານ Tar Pa La ກ່າວວ່າ “ເຂົາເຈົ້າຄືກັບອົງການອິດສະຫຼະ
ເຂົາເຈົ້າບໍ່ໄດ້ຖືກຄວບຄຸມໂດຍສະພາ ບໍ່ໄດ້ຖືກຄວບຄຸມໂດຍລັດຖະບານ. ເຂົາເຈົ້າ
ເປັນກຸ່ມອິດສະຫຼະ. ເພາະສະນັ້ນ ນີ້ເປັນການທ້າທາຍທີ່ໃຫຍ່ສຸດ ສຳລັບພັກສັນນິ
ບາດແຫ່ງຊາດເພື່ອປະ ຊາທິປະໄຕ ຫຼື NLD.”
ສຳລັບປັດຈຸບັນນີ້ ສາຍຕາທັງໝົດແມ່ນຍັງຖືກຈ້ອງໄປທີ່ການເຄື່ອນໃນ ຂັ້ນຕໍ່ໄປຂອງ
ພັກ NLD ໂດຍຫວັງທີ່ຈະໄດ້ເຫັນຮ່ອງຮອຍກ່ຽວກັບວ່າ ເວລາໃດຫລາຍໆພັນຄົນຈຶ່ງ
ຈະສາມາດກັບສູ່ບ້ານເຮືອນໄດ້.
