ລິ້ງ ສຳຫລັບເຂົ້າຫາ

ມຽນມາປະກາດ ພາວະສຸກເສີນ ໃນເຂດພາກເໜືອ ຂອງ ປະເທດ


ພວກທະຫານມຽນມາ ຢ່າງຕາມຖະໜົນ ໃກ້ກັບເມືອງ Laukkai.

ມຽນມາໄດ້​ປະກາດ​ພາວະ​ສຸກ​ເສີນ ​ແລະນຳໃຊ້ກົດໄອ​ຍະ​ການ
​ເສິກ ​ເປັນ​ເວລາ​ສາມ​ເດືອນ​ ໃນເຂດພາກ​ເໜືອຂອງປະເທດ ທີ່
ມີ​ການປະ​ທະ​ກັນຢ່າງຮ້າຍແຮງ ລະຫວ່າງທະຫານ​ລັດຖະບານ
​ແລະ​ພວກ​ກະບົດ​ຊົນ​ກຸ່ມ​ນ້ອຍ.

ການ​ເຄື່ອນ​ໄຫວ​ດັ່ງ​ກ່າວ​ ຊຶ່ງໄດ້​ມີການປະກາດ​ໃນ​ຕອນ​ແລງ​
ວັນ​ອັງຄານ​ວານ​ນີ້ ຢູ່ໃນຄຳປາໄສ​ ທາງ​ໂທລະພາບ ຂອງ​ປະ
ທານາທິບໍດີ Thein Sein ມີຂຶ້ນ​ໃນ​ຂະນະ​ທີ່​ພົນລະ​ເຮືອນ​ໃນ
ເຂດ Kokang ຍັງພາກັນຫຼົບໜີ​ຈາກ​ການ​ສູ້​ລົບ ທີ່​ໄດ້​ເຮັດ​ໃຫ້​
ມີ​ທະຫານ​ເສຍ​ຊີວິດ​ຢ່າງ​ໜ້ອຍ 50 ຄົນ​ແລະ​ພວກ​ກະບົດ 26
ຄົນ ອີງຕາມ​ໂຕ​ເລກ​ຂອງລັດຖະບານ.

​ໃນ​ວັນ​ອັງຄານ​ວານ​ນີ້ ສອງ​ຄົນ​ໄດ້​ຮັບ​ບາດ​ເຈັບ ​ເວລາ​ຂະ​ບວນລົດ ສະພາກາ​ແດງຂອງ
ມຽນມາ ​ໄດ້​ຖືກ​ຍິງ​ ​ໃນ​ຂະນະ​ທີ່ຂົນພວກ​ພົນ​ລະ​ເຮືອນ​ໄປ​ສູ່່​ບ່ອນ​ປອດ​ໄພ​ໃນ​ເມືອງ
Laukkai ​ໃກ້​ກັບ​ຊາຍ​ແດນ​ຈີນ. ຍັງ​ບໍ່​ທັນເປັນ​ທີ່​ແຈ້ງຂາວເທື່ອ​ວ່າ ​ແມ່ນ​ກຸ່ມໃດເປັນ​ຜູ້​ຮັບ
ຜິດຊອບຕໍ່​ການ​ໂຈມ​ຕີດັ່ງກ່າວ ​ແຕ່​ລັດຖະບານ​ໄດ້ຖິ້ມໂທດ ໃສ່ພວກ​ກະບົດ.

ສື່​ມວນຊົນຂອງທາງການຈີນ ກະປະມານ​ວ່າ ມີປະຊາຊົນຊາວມຽນມາຫຼາຍ​ກວ່າ 30,000
ຄົນ​ ​ໄດ້​ພາກັນ​ຫຼົບ​ໜີ​ຂ້າມ​ຊາຍ​ແດນ​ເຂົ້າ​ໄປໃນ​ແຂວງ Yunnan ຂອງ​ຈີນ ​ໃນ​ອາທິດ​ທີ່​
ຜ່ານ​ມາ ​ເຮັດ​ໃຫ້ປັກ​ກິ່ງ ​ເພີ້​ມການ​ຄວບ​ຄຸມ​ເຂດຊາຍ​ແດນ​ແລະ​ຮຽກຮ້ອງ​ໃຫ້ມີຄວາມ​
ສະຫງົບ​ຢູ່​ໃນ​ຂົງ​ເຂດ.

ພວກ​ກະບົດ Kokang ຊຶ່ງ​ສ່ວນ​ໃຫຍ່​ແລ້ວ ປະ​ກອບດ້ວຍຊົນ​ກຸ່ມນ້ອຍຊາວຈີນ ກຳລັງ​
ຮຽກຮ້ອງ​ເອົາສິດ ໃນການ​ປົກຄອງ​ຕົນ​ເອງ ຢູ່ໃນ​ເຂດພາກ​ເໜືອຂອງປະເທດ ​ຄ້າ​ຍຄື​ກັນ
​ກັບ​ພວກກະບົດກຸ່ມ​ນ້ອຍອື່ນໆ​ຢູ່ໃນເຂດ​ຊາຍ​ແດນ​ຂອງ​ມຽນມາ.

ລັດຖະບານມຽນມາ ​ຊຶ່ງໄດ້​ທຳການ​ປະຕິ​ຮູບ​ມາ​ເປັນ​ລະຍະໆ​ນັບ​ຕັ້ງ​ແຕ່​ປີ 2011 ນັ້ນກຳ
ລັງພະຍາຍາມຫາທາງ ໃຫ້ມີການບັນລຸຂໍ້ຕົກລົງສັນຕິພາບ ຢູ່​ໃນທົ່ວ​ປະ​ເທດ ​ກັບ​ບັນດາ
ຊົນ​ກຸ່ມນ້ອຍ​ຕ່າງໆ ກ່ອນ​ໜ້າການ​ເລືອກຕັ້ງ​ທີ່ກຳນົດໃສ່​ທ້າຍ​ປີ​ນີ້​.

XS
SM
MD
LG