ລິ້ງ ສຳຫລັບເຂົ້າຫາ

ການປະທ້ວງຕໍ່ຕ້ານ ຮູບເງົາທີ່ເຍາະເຍີ້ຍອິສລາມ ແຜ່ລາມໄປທົ່ວໂລກມຸສລິມ (ສະໄລດ໌)


ຊາວມຸສລິມພາກັນຮ້ອງໂຮ ປະນາມ ອາເມຣິກາ ຍ້ອນຮູບເງົາ ຂອງເອກະຊົນ ທີ່ມີຊື່ວ່າ ຄວາມໄຮ້ດຽງສາຂອງຊາວມຸສລິມ.

ຊາວມຸສລິມພາກັນຮ້ອງໂຮ ປະນາມ ອາເມຣິກາ ຍ້ອນຮູບເງົາ ຂອງເອກະຊົນ ທີ່ມີຊື່ວ່າ ຄວາມໄຮ້ດຽງສາຂອງຊາວມຸສລິມ.

ເຈົ້າ​ໜ້າ​ທີ່ໃນ​ພາກ​ຕາ​ເວັນ​ຕົກຂອງປາ​ກິ​ສຖານ ກ່າວ​ວ່າ ຜູ້​ປະ​ທ້ວງ​
ຄົນ​ນຶ່ງ​ໄດ້​ເສຍ​ຊີວິດ​ໃນ​ການ​ປະ​ທະ​ກັນ​ກັບຕໍາ​ຫລວດ ​ໃນ​ລະຫວ່າງ​
ການ​ເດີ​ນຂະ​ບວນ​ປະ​ທ້ວງຮູບ​ເງົາ ທີ່​ຕໍ່ຕ້ານມຸສລິ​ມ. ເຈົ້າ​ໜ້າ​ທີ່​ກ່າວ​
ວ່າ ຜູ້​ປະ​ທ້ວງ​ໄດ້ເສຍ​ຊີວິດ​ໃນ​ວັນ​ຈັນມື້​ນີ້ ທີ່​ເຂດເໜືອ​ຂອງ​ເມືອງ
Dir ​ໃນ​ແຂວງ Khyber Pakhtunkhwa.

ຊາວ​ມຸສລິ​ມກ່າວ​ວ່າ ​ຮູບ​ເງົາ​ເລື້ອງ The Innocence of Muslims ຫລື ຄວາມ​ໄຮ້​ດຽງສາ​ຂອງ​ຊາວ​ມຸສລິ​ມ ໝິ່ນປະໝາດ​ພະ​ເຈົ້າ Mohammed ຜູ້​ກໍ່​ຕັ້ງ​ສາສະໜາ​ອິສລາມ. ຮູບ​ເງົາ​ເລື້ອງ​ນີ້ໄດ້​ກະ​ຕຸ້ນ​ໃຫ້​ເກີດ ​ຄື້ນຟອງ​ຂອງ​ການປະ ທ້ວງ ​ຢູ່​ໃນ​ຫລາຍໆ​ປະ​ເທດ​ ຮວມ​ທັງ​ອາທິດ​ແລ້ວ​ນີ້ ​ຢູ່ລີ​ເບຍ ບ່ອນ​ທີ່ເອກ​ອັກ​ຄະ​ລັດຖະທູດ​ສະຫະລັດ ​ແລະເຈົ້າ​ໜ້າ​ທີ່​ສະຫະລັດ ​ອີກສາມ​ຄົນ​ໄດ້​ເສຍ​ຊີວິດ.

ບັນດາ​ສະຖານທູດ​ຂອງ​ເຫລົ່າ​ປະ​ເທດ​ຕາ​ເວັນ​ຕົກ​ໃນ​ທົ່​ວ​ໂລກ​ມຸສລິ​ມ ​ໄດ້​ພາກັນ​ເອົາ​ທ່າ​ທີ
ລະ​ວັງ​ໂຕ​ສູງ ​ເພື່ອກຽມຮັບ​ມື​ກັບຄວາມ​ຮຸນ​ແຮງ ທີ່​ສືບ​ເນື່ອງ​ຈາກ​ຮູບ​ເງົາ​ດັ່ງກ່າວ.

ທີ່ອັຟກາ​ນິສຖານ ພວກປະ​ທ້ວງ​ເກືອບ 1000 ຄົນ ​ໄດ້ພາກັນເດີນ​ຂະ​ບວນ​ ຢູ່​ໃນ​ເມືອງ​ຫລວງ​ກາ​ບູລ ພ້ອມ​ກັບຮ້ອງ​ອອກ​ມາ​ວ່າ “ຄວາມຕາຍ​ຈົ່ງ​ເກີດ​ຂື້ນ​ແກ່ ອາ​ເມຣິກາ” ​ໃນ​ຂະນະ​ທີ່​ເຂົາ​ເຈົ້າ​ພາກັນຈູດ​ເຜົາ​ລົດແລະ​ຕີີນລົດ​ ໃກ້ໆ​ກັບຄ້າຍ​ທະຫານສະຫະລັດ​ແຫ່ງ​ນຶ່ງ.

ທີ່​ອິນ​ໂດ​ເນ​ເຊຍ ພວກ​ປະ​ທ້ວງ​ພາກັນ​ແກ່ວ​ງລະ​ເບີດ​ນໍ້າມັນ​ນ້ອຍໆ ຂະນະ​ທີ່​ປະ​ທະ​ກັນ​ກັບ​ຕໍາຫລວດ ຢູ່​ນອກ​ສະຖານທູດ​ສະຫະລັດ​ໃນ​ນະຄອນ ຫລວງ​ຈາ​ກາ​ຕາ. ມີ​ການ​ປະ​ທ້ວງ​ຕໍ່ຕ້ານ​ຮູບ​ເງົາ​ດັ່ງກ່າວ​ເຊ່ນ​ກັນ​ຢູ່​ເມືອງ Medan ຂອງ​ອິນ​ໂດ​ເນ​ເຊຍ.

ສະຫະລັດ ກ່າວ​ວ່າ ຕົນ​ຈະ​ປິດ​ສະຖານທູດ​ທີ່ບາງກອກ ​ໃນ​ວັນ​ອັງ​ຄານມື້​ອື່ນ​ນີ້ ​ເພາະວ່າ​ໄດ້
ມີ​ການວາງ​ແຜນ​ການປະ​ທ້ວງ​ຄັ້ງ​ໃຫຍ່​ຕ້າ​ນຮູບ​ເງົາດັ່ງກ່າວ. ຄໍາ​ຖະ​ແຫລ​ງ​ຢູ່​ໜ້າເວັບໄຊ້ທ໌ຂອງ
ສະຖານທູດ ​ໄດ້​ຮຽກຮ້ອງ​ໃຫ້​ພົນລະ​ເມືອງອາ​ເມຣິກັນ ​ໃນ​ປະ​ເທດ​ໄທ “ຈົ່ງ​ພາກັນລະມັດ ລະວັງ” ໂດຍ​ສະ​ເພາະ​ຢູ່​ບ່ອນ​ທີ່​ມີ​ຄົນ​ໜາ​ແໜ້ນ.

ຄວາມຜິດພາດຂອງ ເຊີເວີ

Oops, as you can see, this is not what we wanted to show you! This URL has been sent to our support web team to the can look into it immediately. Our apologies.

Please use Search above to see if you can find it elsewhere



ໃນ​ວັນ​ອາທິດວານ​ນີ້ ຊາວ​ປາ​ກິ​ສຖານຫລາຍ​ຮ້ອຍ​ຄົນ ທີ່ພາກັນ​ປະ​ທ້ວງຕໍ່ຮູ​ບ​ເງົາ​ເລື້ອງນີ້ ​ໄດ້​ປະ​ທະ​ກັນ​ກັບຕໍາຫລວດ ​ຂະນະ​ທີ່​ເຂົາ​ເຈົ້າ​ພະຍາຍາມ​ເດີນ​ຂະ​ບວນ​ໄປ​ຍັງກົງ​ສູນຂອງສະຫະ
ລັດ ​ໃນ​ເມືອງ Karachi​ ທາງ​ພາກໃຕ້​ຂອງ ປາ​ກິ​ສຖານ. ​ແລະ​ຢູ່​ທີ່ເມືອງ Lahore ປະມານ 5000 ຄົນກໍໄດ້ພາກັນເດີນ​ ຂະ​ບວນປະ​ທ້ວງ. ນອກ​ນັ້ນ​ແລ້ວ ຍັງ​ມີການ​ປະ​ທ້ວງ​ຢ່າງ​ສະຫງົບ ຢູ່​ໃນ​ອີກ ຫລາຍ​ຫົວ​ເມືອງ​ ​ໃນປາ​ກິ​ສຖານ.

ນັກ​ເຄື່ອນ​ໄຫວກກຸ່ມນ້ອຍ​ກຸ່​ມນຶ່ງ ພາກັນ​ກັນເຜົາ​ທຸງຊາດອາ​ເມຣິກາ ຢູ່​ນອກ​ສະຖານທູດ
ສະຫະລັດ ​ໃນນະຄອນຫລວງອັງກາຣາຂອງ​ເທິ​ກີ ​ໃນ​ວັນ​ອາທິດ​ວານ​ນີ້.

ຜູ້​ຊາຍ​ທີ່​ຖືກ​ກ່າວ​ຫາວ່າ ​ຢູ່​ເບື້ອງຫລັງການ​ສ້າງ​ຮູບ​ເງົາ​ສ່ວນ​ໂຕ​ເລື້ອງ​ນີ້ ​ໄດ້​ຖືກ​ສອບ​ຖາມ​ປາກ​ຄໍາ​ໃນ​ວັນ​ເສົາທີ່​ຜ່ານ​ມາ​ ​ໂດຍ​ເຈົ້າ​ໜ້າ​ທີ່ສະຫະລັດ ຢູ່ທີ່​ລັດຄາ​ລີ​ຟໍ​ເນຍ.
XS
SM
MD
LG