ສະບາຍດີທຸກໆທ່ານ ວັນນະສອນ ຕ້ອງຂໍອະໄພກັບສຽງແຫບໆ ເປັນຫວັດຍັງບໍ່ທັນຫາຍຂາດເທື່ອ ຟ່າໄດ້ເຈັບໄດ້ໄຂ້ ຊ່ວງນີ້ໃນນະຄອນຫຼວງ ວໍຊີງຕັນ ນີ້ ແມ່ນຈະມີຝົນຕົກ ແລະໜາວແດ່ແລ້ວ ເຂົ້າກັບບັນຍາກາດ ໄບໄມ້ປ່ຽນສີ ສວຍງາມ ຢາກຈະໃຫ້ທ່ານຜູ້ຟັງໄດ້ມາຮັບຟັງເພງທີ່
ສຸດຍອດອະມະຕະ ຊຶ່ງ VOA ຫາກໍໄດ້ຮັບ ເພງໃໝ່ສຸດນີ້ຈາກອອສເຕຣເລຍ ພ້ອມດຽວກັນນີ້ວັນນະສອນຂໍຈັດໃຫ້ ເອື້ອຍ ຄຳ ພັນທະວົງ ຜູ້ຟັງທີ່ມັກຮັກຜົນງານເພງຂອງອຸດອນ ວົງສີ ຢ່າງຂະໜານແທ້ ຂຽນຈົດໝາຍເຂົ້າມາ ຂໍຟັງເພງຂອງອຸດອນ ວົງສີ ໃນຊຸດເກົ່າໆ ແຕ່ວັນນະສອນ ວ່າ ຈັງໃດກໍໄດ້ຊຸດໃໝ່ມາແລ້ວ ຈະມາຈັດເພງເກົ່າໆໃຫ້ຟັງ ກໍຄົງຈະບໍ່ໄດ້ແລ້ວລະ...
ຂໍຈັດມອບໃຫ້ ເອື້ອຍ ຄຳ ພັນທະວົງ ພ້ອມທັງທ່ານຜູ້ຟັງທຸກໆທ່ານ ຂໍເຊີນໄປຟັງຜົນງານເພງຫວານໆ ທີ່ປະພັນໂດຍ ວິລຽມ ດິດທະວົງ ສິນລະປິນຣຸ່ນອາວຸໂສ ທີ່ປະຈຸບັນນີ້ອາໄສ
ຢູ່ປະເທດຝຣັ່ງ ຊຶ່ງເປັນນ້ອງຂອງ Legendary ສິນລະປິນຜູ້ສຳຄັນຄົນນຶ່ງຂອງລາວ ວໍຣເດດ ດິດທະວົງ ...ຊຶ່ງເພງນີ້ ມີເນື້ອໄນໃຈຄວາມວ່າ ລືມເສຍເຖີດຄວາມຫຼັງ ດັ່ງຊື່
ຂອງເພງນີ້ພໍດິບພໍດີ.
ສ່ວນເພງຕໍ່ໄປນີ້ ເປັນເພງຫວານຈາກສິນລະປິນສາວລາວຈາກຝຣັ່ງ ຈັດໃຫ້ຕາມຄຳຂໍ
ຂອງອ້າຍໃຫຍ່ ສິນລະປິນທ່ານນຶ່ງຈາກອອສະເຕຣເລຍ ທີ່ມີຜົນງານອອກມາສູ່ພວກເຮົາ ແລະໂອກາດໜ້າ ຄັ້ງໃໝ່ວັນນະສອນ ຈະນຳຜົນ ງານເພງຂອງຜູ້ກ່ຽວມາສະເໜີໃຫ້ແຟນ
ເພງລາຍການສຽງເພງຈາກແດນໄກຂໍເຊີນໄປຟັງເພງ ຫຼວງພຣະບາງເມື່ອຍາມແລງ ທີ່ຂັບ
ຮ້ອງໂດຍ ມາລີຈັນສຸກ ແລະເປັນຜົນງານການປະພັນເພງໂດຍ ເຈົ້າຄຳຜາຍ ກຸນລະວຸດ
ຂໍເຊີນໄປຟັງເພງ ຫຼວງພຣະບາງເມື່ອຍາມແລງ ພ້ອມໆກັນເລີຍ.
ສ່ວນເພງທີສາມເພື່ອປິດທ້າຍລາຍການນີ້ ວັນນະສອນຂໍຈັດເພງທີ່ມີຄວາມໝາຍດີອີກ
ເພງນຶ່ງຂອງອ້າຍອຸດອນ ວົງສີ ຊຶ່ງເພງນີ້ໄດ້ບັນລະຍາຍເຖິງຄວາມເປັນມະນຸດ ປຸທຸຊົນທຳ
ມະດາ ຊຶ່ງມີ ຮັກ ໂທດ ໂກດ ຫຼົງ ທີ່ອາຈານສ.ແສງ ສິຣິວັນໄດ້ແຕ່ໄວ້ເປັນຢ່າງດີ ...ຊຶ່ງພວກ
ເຮົາ ເຈົ້າ ຂ້ອຍ ກໍສາມາດຮຽນຮູ້ຈາກບົດເພງນີ້ ຢ່າໄດ້ຫຼົງລະເລີງກັບຊີວິດ...ມີບັນຫາໃຫ້ແກ້ ແລະຜ່ານຜ່າອຸບປະສັກ ຢ່າໄດ້ທໍ້ຖອຍໃຫ້ຕັ້ງໃຈກະທຳໃນສິ່ງທີ່ດີງາມແລະຖືກຕ້ອງ ເພາະ
ຊີວິດຄົນເຮົານີ້ ຊ່າງສັ້ນເຫຼືອເກີນ ພໍຮູ້ເມື່ອ ກໍອາດສາຍໄດ້ ເພາະນັ້ນວັນນະສອນ ຂໍຝາກ
ຂໍ້ຄິດເລັກໆນ້ອຍໆໄວ້ໃຫ້ເຮົາ ເຈົ້າ ຂ້ອຍ ໄດ້ນຳເອົາໄປຄິດແລະຖາມຕົວທ່ານເອງວ່າ ທັງຊີວິດນີ້ໄດ້ເຮັດຫຍັງແດ່ແລ້ວແລະໃຊ້ມັນໃຫ້ຄຸ້ມຄ່າຂອງການທີ່ເກີດມາເປັນຄົນແລ້ວບໍ່ ຂໍເຊີນໄປຟັງເພງ ຊີວິດຄົນ ພ້ອມໆກັນເລີຍ ແລະຂໍກ່າວຄຳວ່າ ກູດໄນທ໌ ແລະນອນຫຼັບ
ຝັນຫວານ.
