ສະບາຍດີທຸກໆທ່ານ ແລະກັບວັນນະສອນ ເຊັ່ນເຄີຍໃນຄໍ່າຄືນຂອງວັນອາທິດ ພ້ອມກັບເພງ ຂັບລໍາລາວຂະນານແທ້ ໃນລາຍການສຽງເພງຈາກແດນໄກ ເພງທໍາອິດນີ້ ຂໍມອບໃຫ້ບັນດາພໍ່ທັງຫຼາຍ ເນື່ອງໃນວັນພໍ່ສາກົນທີ່ຈັດຫຼອງກັນ ໃນວັນອາທິດທີ່ແລ້ວ ແຕ່ເນຶ່ອງຈາກວ່າ ເພງ “ພໍ່” ທີ່ວັນນະສອນ ໄດ້ຈັດໃຫ້ໄປນັ້ນ ເປັນເພງສາກົນ ກໍເລີຍນໍາເພງລາວທີ່ກ່ຽວກັບພໍ່ ທີ່ຫາກໍຈັດທໍາຂຶ້ນໃໝ່ ເພື່ອພໍ່ໂດຍສະເພາະ ເພາະວ່າ ນັກຮ້ອງສາວ ຕຸກຕາ ພູມິວົງ ບອກມາວ່າ ຕັ້ງໃຈໃຫ້ອອກທັນວັນພໍ່ ຊຶ່ງອາຈານ ຄໍາຫຼ້າ ໜໍ່ແກ້ວທີ່ເປັນທັງນັກຮ້ອງ ນັກປະພັນ ໄດ້ເປັນຜູ້ແຕ່ງເພງນີ້ຂຶ້ນມາ ວັນນະສອນເຊຶ່ອວ່າ ເນື້ອໃນໃຈຄວາມດີຫຼາຍ ຖືກໃຈຜູ້ເປັນພໍ່ແລະຜູ້ເປັນລູກຢ່າງແນ່ນອນ ຂໍເຊີນຮັບຟັງໄດ້.
ເພງ “ພໍ່” ໂດຍ ຕຸກຕາ ພູມິວົງ
ສຸດຍອດເລີຍ ເພາະວ່າເປັນ
ຈັ່ງຫວະແນວ ຂັບຊໍາເໜືອທີ່
ນໍາມາປະຍຸກໃຫ້ເຂົ້າກັບສະໄໝ
ຊຶ່ງໄດ້ນັກຮ້ອງສາວສຽງໃສຈາກ
ສປປ ລາວ ຄໍາປານີ ວົງທອງຄໍາ
ຮ້ອງຮ່ວມກັບ ໄມ ພິຣົມພອນ
ສິນລະປິນ ຊື່ດັງຈາກປະເທດໄທ
ພໍໄດ້ຟັງແລ້ວ ບໍ່ຜິດຫວັງແນ່ນອນ
ຂໍຈັດມອບໃຫ້ໜຸ່ມທີ່ໝາຍຕາໄວ້
ກັບສາວງາມແຂວງຫົວພັນ
ໃນບົດເພງ “ສາວງາມແຫ່ງ
ແຂວງຫົວພັນ.”
ກົດ Quicktime ຂ້າງລຸ່ມນີ້ ເພື່ອເບິ່ງ Music Video
ຂໍຂອບໃຈ Official MV ใจสาวหัวพัน : ไมค์ ภิรมย์พร #18 ທີ່ໄດ້ນໍາລົງໃນ Youtube ໃຫ້ໄດ້ຊົມກັນ
ເພງສຸດທ້າຍນີ້ ກໍຕ້ອງກໍຕ້ອງຍົກໂປ້ແຖມກ້ອຍ ເພາວ່າ ນໍາຂັບງື່ມແບບດັ້ງເດີມມາປະຍຸກ
ທີ່ ແສງເດືອນ ຈັນທະວິໄຊ ທີ່ມີນໍ້າສຽງດີ ຮ້ອງຄູ່ກັບ ຈັນໂທ ໂສພາ ຊຶ່ງທັງສອງ ສິນລະປິນນີ້
ຖືວ່າເປັນ ໝໍລໍາຄູ່ຂັວນແຂວງວຽງຈັນ ບໍ່ເຊື່ອກໍຕ້ອງເຊື່ອແລ້ວລະ ຂໍເຊີນພິສຸດນໍ້າສຽງ
ຂອງທັງສອງທ່ານນີ້ ໄດ້ເລີຍ ໃນບົດເພງ“ຢາກເປັນເຂີຍວຽງຈັນ.”
ຂໍຂອບໃຈ ທ່ານທີ່ໄດ້ນໍາເອົາ Quicktime ຂອງ ໝໍລໍາຄູ່ຂັວນແຂວງວຽງຈັນ ລົງໃນ Youtubeໃຫ້ໄດ້ຊົມກັນ
