ສະບາຍດີທຸກໆທ່ານ. ພົບກັນອີກຕາມເຄີຍ ພ້ອມກັບເພງມ່ວນໆ
ໃນທຸກໆຄໍ່າຄືນວັນອາທິດ ໃນລາຍການສຽງເພງຈາກແດນໄກ
ຫັວງວ່າຄົງມີຫຼາຍໆທ່ານ ເຂົ້າໄປຮັບຊົມຮັບຟັງໃນ website
ຂອງພວກເຮົາເປັນປະຈຳ ລາຍການຂອງພວກເຮົາທີ່ໄດ້ອອກ
ອາກາດໄປແລ້ວ ໂດຍສະເພາະທ່ານຜູ້ໃດພາດໂອກາດ ບໍ່ໄດ້
ຮັບຟັງຕອນທີ່ອອກອາກາດສົດໆນັ້ນ. ຈັ່ງໃດກໍ່ຕາມແຕ່ ຄ່ຳຄືນນີ້ ວັນນະສອນ ດີໃຈທີ່ໄດ້ມາຈັດເພງມ່ວນໆ ໃຫ້ທ່ານຜູ້ຟັງທີ່ຄອຍຕິດຕາມລາຍການ VOA ມາຕະຫຼອດ ເຊັ່ນຍາເອື້ອຍສີອຳພອນ ນໍຣິນ ຊ່າງຕັດເສື້ອຝືມືຊັ້ນຢ້ຽມທີ່ນະຄອນຫຼວງວຽງຈັນ ທີ່ຕັດເສື້ອປ້າຍໃຫ້ວັນນສອນ ໄດ້ສວມໃສ່ ຢ່າງລວດເລວທັນໃຈລັດຄິວຍາວຢຽດ ໃຫ້ໄດ້ທັນໃຈ ຈຶ່ງຂໍຖືໂອກາດນີ້ ຂອບພະຄຸນອີກຄັ້ງນຶ່ງ ຈຶ່ງຂໍຈັດເພງມ່ວນໆໃຫ້ຟັງຊຶ່ງຍາເອື້ອຍສີອຳພອນ ຂຽນຜ່ານທາງ FB ບອກມາວ່າ ມັກຫຼາຍ ມັກເພງ ສາວຕ່າງຖິ່ນ ທີ່ທາງເຮົາໄດ້ຈັດອອກອາກາດໄປໃນສັບປະດາທີ່ແລ້ວນີ້ ເພາະເຂົ້າກັບຊີວິດຕົວເອງ ເພາະເປັນສາວພັດຖິ່ນ ເຂົ້າມາເຮັດວຽກໃນເມືອງຫຼວງ. ສ່ວນເພງ ກຸຫຼາບປາກເຊ ທີ່ຂັບຮ້ອງໂດຍ ປຣິນຍາຄົນເຫງົາ ທີ່ວັນນະສອນໝັ້ນໃຈວ່າ ຕ້ອງຖືກໃຈເອື້ອຍສີອຳພອນ ຢ່າງແນ່ນອນ ເພາະວ່າເພງນີ້ ເຈົ້າຄຳຜາຍ ຊ່າງບັນລະຍາຍເຖິງກຸນລະສະຕີລາວ ພາກໃຕ້ ໄດ້ຢ່າງສວຍສົດງົດງາມ...ຂໍເຊີນໄປຟັງເນື້ອໃນຂອງເພງນີ້ ພ້ອມໆກັນເລີຍ ແລະໂອກາດໜ້າ ປີໃໝ່ຟ້າໃໝ່ ຄົງຈະໄດ້ມີໂອກາດ ພົບກັນອີກ ໃນສປປ ລາວ ຂໍໃຫ້ເປັນແຟນລາຍການຂອງ VOA ຕະຫຼອດໄປ.
ຜູ້ຟັງ ນ້ອງພອນວິໄລ ນາມມະວົງສາ ຈາກສະຫວັນນະເຂດ ທີ່ຄອຍຕິດຕາມຮັບຟັງ VOA ສະເໝີມາ ແລະຂຽນຜ່ານທາງ FB ມາວ່າ ປະຕິທິນທີ່ສົ່ງໄປໃຫ້ນັ້ນ ຫາກໍໄດ້ຮັບວ່າຊັ້ນ ຈົນ
ຈະໝົດປີແລ້ວ ຊຶ່ງເອື້ອຍວັນນະສອນວ່າ ມັນຕ້ອງມີຫຍັງຜິດພາດຢ່າງແນ່ນອນ ເພາະວ່າເອື້ອນເຫັນ ມີສະແຕ໋ມຈາກ Belgium ຊຶ່ງບໍ່ຮູ້ວ່າ ເປັນຫຍັງມັນຈຶ່ງຜ່ານຢູໂຣບ ຮອບໂລກ ເອື້ອຍວ່າດີແລ້ວລະ ເພາະຈະໄດ້ເກັບຊອງໄວ້ເປັນທີ່ລະລຶກ ເພາະປະຕິທິນສະບັບນີ້ ໄດ້ເດີນ
ທາງຜ່ານຫຼາຍໆປະເທດມາແລ້ວ ພ້ອມນີ້ຍັງຂຽນຂໍຟັງເພງ ສະຫວັນແດນຮັກ ທີ່ຂັບຮ້ອງ
ໂດຍ ອູ່ແກ້ວ ໄຊຊະວົງ. ຂໍມອບໃຫ້ທ່ານຜູ້ຟັງຊາວສະຫວັນນະເຂດທຸກໆຄົນ...ຂໍເຊີນໄປຮັບຟັງພ້ອມໆກັນເລີຍ.
ຜົນງານປະພັນເພງຂອງເຈົ້າຄໍາຜາຍ ທີ່ແຕ່ງໄວ້ນັ້ນກໍມີຫຼາກຫຼາຍ ແລະມີຄວາມໝາຍກິນໃຈ ແລະອີກເພງນຶ່ງເປັນທີ່ຊື່ນຊົມຂອງຜູ້ຟັງທີ່ໄດ້ຟັງແລະກໍມີຄວາມເຫັນແບບດຽວກັນວ່າ ມ່ວນຫຼາຍ ແລະມີຜູ້ຟັງທ່ານຄຳປ້ອມ ພົງສະຫວັນ ຈາກຫຼວງພະບາງ ຜູ້ຊຶ່ງເປັນຕົວຕັ້ງຕົວຕີໃນການສ້າງວັດປາກແຈກ ເມືອງປາກອູ ແຂວງຫຼວງພະບາງ ທີ່ຂຽນເຂົ້າມາຂໍຟັງຫຼວງພຣະບາງເມື່ອຍາມແລງ ຊຶ່ງເພງນີ້ເຈົ້າຄຳຜາຍ ໄດ້ສິນລະປິນສຽງຄຸນນະພາບ ຢ່າງມາລີຈັນສຸກ ຂັບຮ້ອງ ກໍຍິ່ງເຮັດໃຫ້ເພງນີ້ໜ້າຟັງຍິ່ງຂຶ້ນ. ຢ່າລືມກັບມາຟັງເພງມ່ວນໆ ພ້ອມກັນອີກໃນລາຍ
ການສຽງເພງຈາກແດນໄກຂອງ VOA ຂໍໃຫ້ທຸກໆທ່ານນອນລັບຝັນຫວານ...