ສະບາຍດີແຟນລາຍການສຽງເພງຈາກແດນໄກທຸກໆທ່ານ ວັນນະສອນ ຂໍເລີ້ມດ້ວຍ
ເພງຫວານໆ ປຣິດສະໜາໃຈ ເປັນເພງປ໊ອບທີ່ຖືກໃຈໄວລຸ້ນເປັນທີ່ສຸດ ເພາະເພງນີ້
ໄດ້ສິນລະປິນຄຸນນະພາບຢ່າງ ສິດທິພອນ ສຸວັນນະສຸກ ມາຂັບກ່ອມທ່ານຜູ້ຟັງ...ແລະປະພັນໂດຍກ໊ອກ ສຸຣິຍະເດດ ສິນລະປິນລາວ - ການາດາ ລຸ້ນອ້າຍ ວັນນະສອນ ຫວັງວ່າ ອີກບໍ່ດົນ ທ່ານຜູ້ຟັງກໍຄົງໄດ້ຈັບຈອງເປັນເຈົ້າຂອງແລ້ວ ເວລານີ້ສິດທິພອນ ບອກມາວ່າ
ກໍໃກ້ຈະເສັດແລ້ວ ຄົງອີກບໍ່ນານເກີນລໍ…ອົດໃຈລໍຖ້າບຶດນຶ່ງ ຂໍເຊີນຮັບຟັງຈາກລາຍການຂອງ VOA ໄປກ່ອນ. ຂໍຈັດມອບໃຫ້ແຟນລາຍການທຸກໆທ່ານ ໂດຍສະເພາະທ່ານຜູ້ຟັງ ທີ່ຄອຍຕິດຕາມຮັບຟັງ ລາຍການສຽງເພງຈາກແດນໄກຂອງ VOA
ສ່ວນເພງຕໍ່ໄປນີ້ ເປັນເພງທີ່ໄດ້ຮັບຄວາມນິຍົມຂອງຫຼາຍໆທ່ານ ເປັນຜົນງານຂອງກິກ
ຈາກວົງ Dozo ສິນລະປິນໄວລຸ້ນຈາກ ສປປ ລາວ ແລະວັນນະສອນ ວ່າ ແນ່ນອນທີ່ສຸດຈະຕ້ອງຖືກໃຈໄວລຸ້ນເປັນທີ່ສຸດ ເພາະເພງນີ້ ແມ່ນຖືກດົນໃຈທຸກຄົນທີ່ໄດ້ຟັງ ເພາະວ່າ ເມື່ອໃດໄດ້ຟັງເພງນີ້ຈະເຮັດທ່ານ ເຂົ້າໃຈ ຊຶ່ງຊ່າງບັງເອີນ ເປັນຊື່ຂອງເພງນີ້ພໍດີ. ຂໍເຊີນໄປຟັງ ພ້ອມກັນເລີຍ...
ຂໍ້ຄວາມຕໍ່ໄປນີ້ ຂຽນເຂົ້າມາຜ່ານທາງ Facebook ຈາກທ່ານ ກ່ອງປະກັນ ຣາຊພົນ ຜູ້ຟັງຈາກ ຝຣັງ ທີ່ທາງລາຍການຊີວິດຊາວລາວຂອງ VOA ໄດ້ສຳພາດເລື້ອງລາວຂອງ
ທ່ານມາແລ້ວ ໃນຫວ່າງບໍ່ດົນມານີ້ ແລະທ່ານ ກ່ອງປະກັນ ຣາຊພົນ ກໍເປັນຜູ້ຟັງຄົນນຶ່ງທີ່
ຄອຍຕິດຕາມຮັບຟັງລາຍການອງ VOA ມາຕະຫຼອດ ແລະຄັ້ງນີ້ ຍັງຂຽນເຂົ້າມາທັກທາຍ
ທາງເຮົາອີກ ເພາະສະນັ້ນ ວັນນະສອນ ຈຶ່ງຂໍຈັດເພງໃຫ້ຟັງເລີຍ ເພື່ອວ່າຈະໄດ້ລຳລຶກເຖິງ
ອະດີດ... ແລະວັນນະສອນວ່າ ເພງນີ້ ຄົງເຮັດໃຫ້ທ່ານກ່ອງປະກັນ ຣາຊພົນມີຄວາມຮູ້ສຶກ
ແບບນັ້ນແທ້. ຂໍເຊີນໄປຮັບຟັງເພງ ນາງ ເພງອຳມະຕະ ຍອດນິຍົມຂອງສິນລະປິນລຸ້ນ
ອາວຸໂສ ສີລາວົງ ແກ້ວ ທີ່ຖືວ່າເປັນຄູເພງ ຜູ້ນຶ່ງ ກໍວ່າໄດ້.
ພົບກັນໃໝ່ໃນສັບປະດາໜ້າ ຂໍໃຫ້ທຸກໆທ່ານນອນຫຼັບຝັນດີ ແລະພົບກັນໃຫມ່
ໃນສັປດາຫນ້າ.
