ລິ້ງ ສຳຫລັບເຂົ້າຫາ

ການແຂ່ງຂັນ ແຕ້ມກາຕູນ ພະ​ສາ​ສະ​ດາ Mohammad ສີ້ນສຸດລົງ ໂດຍປາດສະຈາກ ຄວາມຮຸນແຮງ


ບັນດາສະມາຊິກ ຮວມທັງທ້າວ Ilyas Wadood (ຂວາ) ເວົ້າ ກັບຄົນທີ່ພາກັນປະທ້ວງ "Freedom of Speech Rally Round II."

ບັນດາສະມາຊິກ ຮວມທັງທ້າວ Ilyas Wadood (ຂວາ) ເວົ້າ ກັບຄົນທີ່ພາກັນປະທ້ວງ "Freedom of Speech Rally Round II."

ຕຳຫລວດ ​ໄດ້ແຍກ​ພວກ​ປະ​ທ້ວງ​ຕໍ່ຕ້ານສາສະໜາອິສລາມ
ຈາກ​ພວກ​ປະ​ທ້ວງ ​ເພື່ອ​ປົກປ້ອງ​ສິດທິ​ ໃນການນັບຖືສາສະ
ໜາຢູ່​ນອກ​ສູນ​ກາງ​ປະຊາ​ຄົມ​ອິສລາມ ​ແຫ່ງນຶ່ງ ໃນ​ວັນ​ສຸກ
​ວານນີ້ ທີ່​ລັດ Arizona ​ທາງ​ພາກ​ຕາ​ເວັນ​ຕົກ​ສຽງ​ໃຕ້​ຂອງ
ສະຫະລັດ. ການ​ປະ​ທ້ວງຢູ່​ທີ່ນະຄອນ Phoenix ​ແມ່ນ
ກ່າວກັນວ່າ ​ເປັນ​ການແຂ່ງຂັນແຕ້ມ​ຮູບ​ກາ​ຕູ​ນ ພະ​ສາ​ສະ​
ດາ Mohammad ແລະໄດ້​ສິ້ນສຸດ​ລົງ​ໂດຍ ປາດ​ສະ​ຈາກ​
ການ​ຈັບ​ກຸມ ​ແລະ​ຄວາມຮຸນ​ແຮງ​ໃດໆ.

ບັນດາ​ຜູ້​ຈັດ​ຕັ້ງການແຂ່ງຂັນ ຊຶ່ງເປັນພວກ​ຂີ່​ລົດ​ຈັກ ທີ່ຕຳ
​ຫລວດ​ມີ​ຄວາມ​ຢ້ານ​ກົວ​ວ່າ​ຈະ​ຕິດ​ອາວຸດນັ້ນ ​ໄດ້​ກ່າວ​ວ່າ
ການໂຮມຊຸມນຸມປະ​ທ້ວງຄັ້ງນີ້ ແມ່ນ​ເພື່ອຕອບ​ໂຕ້​ຕໍ່​ເຫດການທີ່ເກີດຂຶ້ນ​ໃນ​ຕົ້ນ​ເດືອນນີ້
ທີ່​ພວກ​ມື​ປືນ​ສອງ​ຄົນ​ເປີດ​ສາກ​ຍິງ​ໃສ່ການ​ແຂ່ງຂັນ​ທີ່​ຄ້າຍຄື​ກັນ​ ໃນລັດ Texasບ່ອນ​ທີ່​ພວກແຕ້ມ​ຮູບກາ​ຕູນພວມ ພາກັນ​ແຕ້ມ​ຮູບພະ​ສາ​ສະ​ດາ ຂອງສາສະໜາອິສລາມ ຢູ່ນັ້ນ.

ມື​ປືນ​ທັງ​ສອງ​ຄົນ​ໄດ້​ຖືກ​ຂ້າ​ຕາຍ ຫຼັງ​ຈາກມີການຍິງ​ຕໍ່ສູ້ກັນ. ຕຳຫຼວດ​ຄົນ​ນຶ່ງ​ໄດ້​ຮັບ​ບາດ
​ເຈັບ. ມື​ປືນ​ຄົນ​ນຶ່ງ​ໄດ້​ໄປ​ສູດມົນພາວະນາ​ເປັນ​ປະ​ຈຳຢູ​ທີ່ວັດ​ອິສລາມ​ໃນເຂດເໜືອຂອງ
ນະຄອນ Pheonix ບ່ອນ​ທີ່​ມີ​ການ​ປະ​ທ້ວງໄດ້ຈັດຂຶ້ນ​ໃນ​ວັນ​ສຸກ​ວານ​ນີ້.

ທ່ານ Jon Ritzheimer ​ຜູ້​ຈັດ​ການປະທ້ວງໄດ້​ປະກາດ​ໃນ​ວັນ​ສຸກ​ວານ​ນີ້ທາງໜ້າ Face-
book ວ່າ “ນີ້ແມ່ນຮອບ 2 !!”. ອະດີດ​ທະຫານ​ Marine ທ່ານນີ້ກ່າວ​ວ່າການໂຮມຊຸມນຸມ
ປະ​ທ້ວງ​ຈະ​ເປັນ​ໄປແບບ​ສັນຕິ ​ແຕ່​ທ່ານ​ໄດ້​ຮຽກຮ້ອງ​ໃຫ້​ພວກ​ປະ​ທ້ວງ​ ພາກັນຖື​ອາວຸດ​ໄປ
​ນຳ ​ໃນ​ກໍລະນີ​ທີ່ມີການໂຈມ​ຕີເກີດຂຶ້ນ.

ສະແດງຄວາມເຫັນໃຫ້ເບິ່ງ

XS
SM
MD
LG