ລິ້ງ ສຳຫລັບເຂົ້າຫາ

ມີ 22 ຄົນ ເສຍຊີວິດ ຍ້ອນການໂຈມຕີ ຂະນະທີ່ ນັກການທູດ​ ສືບຕໍ່ ຫາທາງແກ້ໄຂ ບັນຫາຊີເຣຍ


ກຸ່ມສິ້ງຊອມ​ສິດທິ​ມະນຸດ​ໃນ​ຊີ​ເຣຍກ່າວ​ວ່າ ການ​ໂຈມ​ຕີ​ດ້ວຍ​ລະ
​ເບີດ​ລົດ​ບັນທຸກ​ໃນ​ພາກ​ຕ​າ​ເວັນ​ອອກສຽງ​ເໜືອ​ຂອງ​ປະ​ເທດ​ດັ່ງ
ກ່າວ​ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ​ 22 ຄົນໃນ​ຄວາມ​ຮຸນ​ແຮງ
​ຮອບ​ຫລ້າ​ສຸດ ທີ່​ມີ​ຂຶ້ນທ່າມກາງ​ ການດຳ​ເນີນ​ຄວາມ​ພະຍາຍາມ
​ທາງ​ດ້ານ​ການ​ທູດ​ຮອບ​ໃໝ່ ​ເພື່ອ​ແກ້​ໄຂ​ບັນຫາ​ຊີ​ເຣຍ.

ລະ​ເບີດໄດ້​ແຕກ​ຂຶ້ນຢູ່​ໃກ້ໆ​ກັບ​ສູນ​ກາງ​ສາທາລະນະ​ສຸກແລະ​ຕະ
ຫລາດ​ຂາຍ​ຜັກ ທີ່​ເມືອງ Tal Tamer ​ແຂວງ Hasakeh ທີ່​ຄວບ
​ຄຸມ​ໂດຍ​ກຳລັງຊາວ​ເຄີ​ດ ອີງຕາມ​ລາຍ​ງານ ​ຂອງ​ກຸ່ມ​ປົກ​ປ້ອງ​ສິດ
ທິ​ມະນຸດ​ໃນ​ຊີ​ເຣຍ.

​ກຸ່ມ​ດັ່ງກ່າວ​ ຊຶ່ງ​ມີ​ຕາໜ່າງການ​ຕິດຕໍ່ທາງ​ພາກພື້ນດິນ​ ຢູ່​ໃນ​ທົ່ວ​ປະ​ເທດ​ຊີ​ເຣຍ ກ່າວວ່າ ນອກ​ນັ້ນ ຍັງ​ມີ​ຜູ້​ໄດ້​ຮັບ​ບາດ​ເຈັບ​ຫລາຍ​ສິບ​ຄົນ​ ​ໃນ​ການ​ໂຈ​ມຕີ ຊຶ່ງ​ມີ​ຂຶ້ນ​ໃນ ຕອນ​ແລງ​ວັນ​ພະຫັດ​ວານ​ນີ້​ ​ແລະ​ກ່າວ​ຕື່ມ​ວ່າ ຈຳນວນ​ຜູ້​ເສຍ​ຊີວິດ​ມີ​ທ່າ​ທາງ​ວ່າຈະ​ເພີ້ມຂຶ້ນຕື່ມ​.

ແຜນທີ່ແຂວງ Hasakeh ປະເທດຊີເຣຍ

ແຜນທີ່ແຂວງ Hasakeh ປະເທດຊີເຣຍ

ເມືອງ Tal Tamer ​ແມ່ນ​ຄວບ​ຄຸມ​ໂດຍ​ກຳລັງ YPG ຂອງ​ຊາວ
​ເຄີ​ດຊຶ່ງ​ໄດ້​ທຳ​ການ​ສູ້​ລົບ​ກັບ​ກຸ່ມ​ລັດ​ອິສລາມ​ຫົວ​ຮຸນ​ແຮງ​ຈັດ​ໃນ
​ເຂດ​ດັ່ງກ່າວ ​ມາ​ໄດ້​ຫລາຍເດືອນ​ແລ້ວ ​ໂດຍ​ໄດ້​ຮັບຄວາມ​ຊ່ອຍ​
ເຫລືອ​ຈາກ​ການ​ໂຈມ​ຕີ​ທາງ​ອາກາດ​ຂອງ​ສະຫະລັດ.

ກຳລັງ​ YPG ​ແມ່ນ​ນຶ່ງ ​ໃນ​ບັນດາ​ກຸ່ມ​ຕໍ່ຕ້ານ​ລັດຖະບານ ​ທີ່​ໜ້າ
​ເກງ​ຂາມ​ທີ່​ສຸດທີ່​ໄດ້​ຮັບ​ການໜຸນ​ຫລັງ​ຈາກ​ປະ​ເທດ​ຕາ​ເວັນ​ຕົກ​
ຊຶ່ງ​ໄດ້​ປາກົດ​ໂຕໃຫ້​ເຫັນ​ໃນ​ການສູ້​ລົບ​ຕໍ່ຕ້ານ​ປະທານາທິບໍດີ​ຊີ
​ເຣຍ ທ່ານ Bashar al-Assad.

ພວກ​ຕໍ່ຕ້ານ​ລັດຖະບານ ​ໃນ​ຊີ​ເຣຍ ​ທີ່​ແຕກ​ແຍກ ​ເປັນ​ກຸ່ມ​ເລັກ​
ກຸ່ມ​ນ້ອຍ​ໃນ​ວັນ​ພະຫັດ​ວານ​ນີ້ໄດ້​ເອົາ​ບາດກ້າວ​ທີ່ຈະ​ເຕົ້າ​ໂຮມ
​ກັນ​ເວລາ​ພວກ​ຕໍ່ຕ້ານ​ລັດຖະບານ​ຫຼາຍໆ​ກຸ່ມໄດ້​ຕົກລົງ​ຮັບ​ເອົາ
​ຂອບ​ຂອງ​ການ​ເຈລະຈາ​ກັບ​ລັດຖະບານ​ທ່ານ Assad.

ຈາກຊ້າຍ ທ່ານ Hind Kabawat ສະມາຊິກກຳມະການ ທີ່ຈະເຈລະຈາ ກັບອຳນາດການປົກຄອງຊີເຣຍ ທ່ານ Abdulaziz bin Saqr ປະທານສະພາການຄົ້ນຄວ້າ ຈາກເຂດອ່າວເປີເຊຍ ແລະທ່ານ Louay Safi ໂຄສົກຂອງກຸ່ມແນວໂຮມ ສະພາແຫ່ງຊາດຊີເຣຍ ໃນຕອນສະຫລຸບ ກອງປະຊຸມທີ່ນະຄອນ Riyadh.

ຈາກຊ້າຍ ທ່ານ Hind Kabawat ສະມາຊິກກຳມະການ ທີ່ຈະເຈລະຈາ ກັບອຳນາດການປົກຄອງຊີເຣຍ ທ່ານ Abdulaziz bin Saqr ປະທານສະພາການຄົ້ນຄວ້າ ຈາກເຂດອ່າວເປີເຊຍ ແລະທ່ານ Louay Safi ໂຄສົກຂອງກຸ່ມແນວໂຮມ ສະພາແຫ່ງຊາດຊີເຣຍ ໃນຕອນສະຫລຸບ ກອງປະຊຸມທີ່ນະຄອນ Riyadh.

ມີ​ຜູ້ຕາງໜ້າ​ຂອງ​ກຸ່ມການ​ເມືອງແລະ​ກຳລັງ​ປະກອບ​ອາວຸດ​ໃນ​ຊີ​ເຣຍ 100 ກວ່າ​ທ່ານໄດ້​
ສະຫລຸບ​ການ​ປະຊຸມ ​ແບບ​ທີ່​ບໍ່​ເຄີຍ​ມີ​ມາ​ກ່ອນ ​ຢູ່​ນະຄອນຣິຢາດ​ ​ໃນ ​ຊາ​ອຸດີ ​ອາຣາ​ເບຍ​
ດ້ວຍ​ແຜນການ​ທີ່​ຈະ​ດຳ​ເນີ​ນການ​ຕໍ່​ໄປໃນ​ຄວາມ​ພະຍາຍາມ​ເພື່ອເປີດ​ການ​ເຈລະຈາ​.

ກຸ່ມດັ່ງກ່າວນີ້ ​ຍັງຈຳ​ເປັນ​ທີ່​ຈະ​ຕ້ອງ​ໄດ້​ແຕ່ງຕັ້ງຜູ້ຕາງໜ້າ​ຂອງ​ຕົນ​ສຳລັບ​ການ​ເຈລະຈາ.

XS
SM
MD
LG