ລິ້ງ ສຳຫລັບເຂົ້າຫາ

ພວກກະບົດ ຊີເຣຍ ໜີອອກໄປຈາກເຂດແດນ ຂອງພວກເຂົາເພີ່ມຂຶ້ນ


ໝູ່ບ້ານ Al-Qaboun ໃນເຂດນອກນະຄອນຫຼວງ neighborhood in rural Damascus is shelled, July 15, 2013.

ພວກກະບົດ ຊີເຣຍ ຢ່າງໜ້ອຍ 1,500 ຄົນ ພ້ອມຄອບຄົວຂອງພວກເຂົາໄດ້ໜີອອກ ຈາກເມືອງທີ່ຖືກຍຶດຄອງດົນນານອີກແຫ່ງໜຶ່ງ ບໍ່ໄກຈາກນະຄອນຫຼວງ ດາມາສກັສ ໃນວັນອາທິດວານນີ້, ໃນຂະນະທີ່ກອງທັບຂອງປະທານາທິບໍດີ Bashar al-Assad
ແລະ ພັນທະມິດຂອງພວກເຂົາເຈົ້າໄດ້ເລັ່ງການປະຕິບັດງານ ເພື່ອຍຶດການຄວບຄຸມນະ
ຄອນຫຼວງຂອງປະເທດຢ່າງເຕັມສ່ວນ ລວມທັງບໍລິເວນທີ່ຢູ່ອ້ອມຂ້າງເປັນຄັ້ງທຳອິດ ໃນຮອບເກືອບຫ້າປີ.

ສື່ມວນຊົນລັດຖະບານ ແລະ ຜູ້ເຫັນເຫດການເວົ້າວ່າ ການອົບພະຍົບໄດ້ເລີ່ມຂຶ້ນໃນ ຕອນເຊົ້າມືດ, ບໍ່ເຖິງໜຶ່ງມື້ ຫຼັງຈາກກອງກຳລັງຂອງລັດຖະບານໄດ້ຍຶດເອົາເມືອງ
Qaboun, ແລະ ພຽງບໍ່ເທົ່າໃດມື້ ຫຼັງຈາກພວກນັກຮົບກະບົດຫຼາຍຮ້ອຍຄົນທີ່ຖືກປິດ
ລ້ອມ ພ້ອມຄອບຄົວ ໄດ້ໜີອອກໄປຈາກ ສອງເມືອງທີ່ຢູ່ໃກ້ຄຽງ.

ຂໍ້ຕົກລົງຂອງລັດຖະບານເພື່ອອຳນວຍຄວາມສະດວກໃຫ້ແກ່ການອົບພະຍົບອອກຈາກ
ເມືອງ Qaboun ໄດ້ຖືກປະກາດອອກໃນຕອນແລງວັນເສົາທີ່ຜ່ານມາ. ພວກເຂົາເຈົ້າ
ໄດ້ປະຕິບັດຄືນ ຂໍ້ຕົກລົງທີ່ມີກ່ອນໜ້ານີ້ ພາຍໃຕ້ອັນທີ່ພວກກະບົດໄດ້ຖືກອະນຸຍາດໃຫ້
ເດີນທາງໄປເຂດແດນທີ່ຖືກຄວບຄຸມໂດຍພວກກະບົດຢ່າງປອດໄພ ໃກ້ກັບເຂດຊາຍ
ແດນ ເທີກີ ເພື່ອແລກປ່ຽນກັບການສິ້ນສຸດການໂຈມຕີຍິງປືນໃຫຍ່ ແລະ ການໂຈມຕີ
ທາງອາກາດໂດຍເຮືອບິນຮົບ ຊີເຣຍ ແລະ ພັນທະມິດ ຣັດເຊຍ.

ກອງກຳລັງລັດຖະບານໄດ້ທຳການກົດດັນເພື່ອຍຶດຄືນເມືອງຕ່າງໆໃນພາກເໜືອ ແລະ ຕາເວັນອອກຂອງນະຄອນຫຼວງ ດາມາສກັສ ເປັນເວລາຫຼາຍເດືອນ, ແລະ ບັນດານັກວິ
ເຄາະກ່າວວ່າ ພວກເຂົາເຈົ້າໄດ້ປະສົບຄວາມສຳເລັດ ຫຼັງຈາກໄດ້ຄົ້ນພົບ ແລະ ທຳລາຍ
ອຸມົງໃຕ້ດິນທີ່ເຊື່ອມຕໍ່ພຽງແຕ່ສາມໝູ່ບ້ານເທົ່ານັ້ນ.

ໃນຂະນະທີ່ສົງຄາມກາງເມືອງໄດ້ທຳລາຍເມືອງຕ່າງໆທີ່ຕັ້ງຢູ່ໃກ້ກັບນະຄອນຫຼວງນັ້ນ, ກອງກຳລັງ ຊີເຣຍ ນຳໜ້າໂດຍຊາວ ເຄີດ ກໍໄດ້ທຳການໂຈມຕີກົດດັນຕ່າງຫາກຕ້ານ
ພວກຫົວຮຸນແຮງລັດອິສລາມ ບໍ່ໄກຈາກເມືອງຫຼວງ Raqqa ທີ່ຖືກຕັ້ງຂຶ້ນເອງໂດຍພວກ
IS.

ບັນດານັກສັງເກດການຈາກອົງການສິ້ງຊອມສິດທິມະນຸດ ຊີເຣຍ ໄດ້ລາຍງານການຕໍ່ສູ້
ລະຫວ່າງ ກອງກຳລັງປະຊາທິປະໄຕ ຊີເຣຍ ທີ່ໄດ້ຮັບການໜູນຫຼັງໂດຍ ສະຫະລັດ ແລະ ພວກນັກຮົບ IS ທີ່ພະຍາຍາມປ້ອງກັນຕົວເມືອງທີ່ໝັ້ນຂອງພວກເຂົາ ເປັນມື້ທີສາມຕິດ
ຕໍ່ກັນ.

ອ່ານຂ່າວນີ້ຕື່ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG