ລິ້ງ ສຳຫລັບເຂົ້າຫາ

ໜ່ວຍ​ປ່ອນບັດ ​ໄດ້​ເປີດ​ແລ້ວ ​ໃນ​ທົ່ວ​ແຄວ້ນ Scotland ເພື່ອ​ ລົງ​ປະຊາ​ມະຕິ (ສະໄລດ໌/ວີດີໂອ)


ໜ່ວຍ​ປ່ອນບັດທັງຫຼາຍ​ໄດ້​ເປີດ​ແລ້ວ ​ໃນ​ທົ່ວ​ແຄວ້ນ Scotland
ສຳ​ຫລັບ​ການ​ລົງ​ປະຊາ​ມະຕິ​ອັນ​ຄັ້ງປະຫວັດສາດທີ່​ຈະ​ຕັດສິນ​ວ່າ
ແຄວ້ນ ດັ່ງກ່າວ ​ຄວນຈະ​ແຍກໂຕ​ອອກ​ຈາກ​ອັງກິດ ​ແລະ​ກາຍ
​ເປັນ​ປະ​ເທດເອກະລາດຫຼືບໍ່.

ບັນດາ​ຜູ້​ມີ​ສິດ​ປ່ອນບັດ ຈະພາກັນໄປ​ລົງຄະແນນສຽງ​ “​ເຫັນດີ”
ຫຼື “ບໍ່​ເຫັນດີ” ຢູ່​ຕາມ​ໜ່ວຍປ່ອນບັດຕ່າງໆ ປະມານ 2,600
ບ່ອນ ​ທີ່​ໄດ້​ເປີດແລ້ວ ​ໃນວັນ​ພະຫັດ​ມື້​ນີ້ ​ໃນ​ທົ່ວ​ແຄວ້ນ Scotland.

ເປັນທີ່ຄາດກັນວ່າ ຈະມີປະຊາຊົນຈຳນວນຫຼວງຫຼາຍ ພາກັນ​
ໄປລົງປະຊາ​ມະຕິ ໃນມື້ນີ້ໃນເມື່ອວ່າ ມີຫຼາຍກວ່າ 95 ​ເປີ​ເຊັນ
​ຂອງ​ພວກ​ມີສິດປ່ອນບັດ ໄດ້ພາກັນຈົດທະບຽນແລ້ວນັ້ນ.

ການ​ຢັ່ງຫາງສຽງ ເມື່ອ​ບໍ່​ດົນ​ຜ່ານ​ມານີ້ ຜົນຂອງການລົງປະຊາມະຕິ ຈະ​ໃກ້​ຄຽງກັນ
ໃນຂະນະທີ່ ຂະບວນການສະໜັບສະໜຸນ ເພື່ອຄວາມເປັນເອກະລາດ ໄດ້ເພີ້​ມຂຶ້ນ
ກາຍ 48 ​ເປີ​ເຊັນ ​ໃນ​ລະຍະສອງສາມອາທິດ​ທີ່​ຜ່ານ​ມານີ້.

ສ່ວນ​ຝ່າ​ຍຕ້ານການ​ແຍກ​ ໂຕອອກເປັນເອກະລາດ ​ໄດ້​ໂຕ້​ຖຽງ​ວ່າ ການ​ອອກ​ສຽງ
“​ເຫັນດີ​” ນັ້ນ ຈະ​ສ້າງ​ຄວາມ​ເສ​ຍຫາຍ ​ຕໍ່​ເສດຖະກິດ​ຂອງ Scotland ​ແລະ ຈະ​ລົບ
​ກວນ​ຊີວິດ​ການ​ເປັນ​ຢູ່​ສຳ​ຫລັບ​ທຸກໆ​ຄົນ ຖ້າ​ຫາກການເປັນສະຫະພັນ ເປັນ​ເວລາ 307
ປີຂອງ Scotland ກັບ​ອັງກິດ ພັງທະລາຍລົງ.

XS
SM
MD
LG