ລິ້ງ ສຳຫລັບເຂົ້າຫາ

ອາຈານໃຫຍ່ ມຸສລິມ ຖືກເລືອກ ໃຫ້ເປັນຜູ້ນໍາພາ ກຸ່ມຝ່າຍຄ້ານ ຊີເຣຍ


ອາຈານ ມຸສລິມ Maath al-Khatib ຖືກເລືອກເປັນຜູ້ນໍາພາບັນດາກຸ່ມ ທີ່ແບ່ງແຍກຕ້ານ ປະທານາທິບໍດີ Bashar al-Assad.
ກຸ່ມ​ຝ່າຍ​ຄ້ານ​ ຊີ​ເຣຍ ​ໄດ້​ເລືອກ​ເອົາ ອາ​ຈານ Maath al-Khatib ​
ເປັນ​ຜູ້​ນໍາພາ​ການ​ເຕົ້າ​ໂຮມ​ບັນດາ​ກຸ່ມທີ່​ແບ່ງ​ແຍກຕ່າງໆ ​ເພື່ອຂັບ​
ໄຫລ່ ປະທານາທິບໍດີ Bashar al-Assadອອກ​ຈາກ​ຕໍ່າ​ແໜ່​ງ.


ທ່ານ Khatib ເປັນ​ອະດີດ ອາຈານ​ໃຫຍ່​ຂອງ ວັດ​ສາສໜາ​ມຸດ ​ສະລິ​ມ ໃນ​ນະຄອນ​ຫລວງ Dammascus ​ແລະ​ໄດ້ຖືກ​ຕິດ​ຄຸກ​ມາ​ ຫລາຍ​ເທື່ອ ຍ້ອນ​ຕິຕຽນການ​ປົກຄອງ​ຂອງ ທ່ານ Assad ກ່ອນໄດ້​ໜີ​ອອກໄປຈາກ ຊີ​ເຣຍ ​ໃນ​ປີ​ນີ້.

ບັນດາ​ສະມາຊິກ​ຝ່າຍ​ຄ້ານ ​ໄດ້​ພາກັນ​ປ່ອນ​ບັດ​ໃນ​ວັນ​ອາທິດ​ວານ​ນີ້ ທີ່ ​ເມືອງ Doha ເພື່ອ​ເລືອກ​ເອົາ ນັກທຸລະກິດ​ຄົນນຶ່ງ ທ່ານ Riad Seif ​ກັບ ນັກ​ເຄື່ອນ​ໄຫ​ວ​ແມ່ຍິງ ທີ່​ມີ​ຊຶ່ສຽງຄົນ​ນ່ຶງ​ຄື​ ທ່ານ​ນາງ Suhair al-Alttasi ​ເປັນ​ຜູ້​ຮອງ ປະທານາທິບໍດີ.

ບັນດາ​ຜູ້​ນໍາ​ຕໍ່​ຕ້ານ ທ່ານ Assad ​ໄດ້​ພາກັນ​ດີ້ນ​ລົນ​ເພື່ອ​ໃຫ້​ບັນລຸ​ການໃຫ້​ມີ​ການເຕົ້າ​ໂຮມ​ກັນ ພາຍ​ໃຕ້​ການບີບ​ບັງ​ຂັບ​ຈາກ ບັນດານັກ​ການ​ທູດ​ສະຫະລັດ ​ແລະເຈົ້າ​ໜ້າ​ທີ່​ຈາ​ກ​ Qatar​.

ກະຊວງ​ປ້ອງ​ກັນ​ປະ​ເທດ ສະຫະລັດ ຖະ​ແຫລ​ງ​ໃນ​ຕອນ​ແລງ​ຂອງ​ວັນ​ອາທິດ​ວານ​ນີ້​ວ່າຕົນ
ພ້ອມ​ແລ້ວທີ່​ຈະ​ໃຫ້ການ​ຊຸກຍູ້ ​ການເຕົ້າ​ໂຮມ ຂອງກຸ່ມຝ່າຍ​ຄ້ານນີ້ ​ໃນ​ຂະນະ​ທີ່​ເຂົາ​ເຈົ້າ​ປະຕິບັດ​ງານ "​ມຸ້ງ​ໜ້າໄປ​ສູ່ການອາ​ວະສາ​ນຂອງການ​ປົກ​ຄອງ​ທີ່​ນອງ​ເລືອດຂອງ Assad” ແລະເພື່ອ​ສັນຕິພາບ ​ແລະ​ປະຊາທິປະ​ໃຕ ​ໃນ​ຊີ​ເຣຍຢູ່​ນັ້ນ.

ການ​ຕົກລົງ​ກັນ​ໃນ​ວັນ​ອາທິດ​ວານ​ນີ້ ​ໄດ້​ເກີດ​ຂື້ນ​ຫລັງ​ຈາກທີ່​ກຸ່ມຝ່າຍ​ຄ້ານສຳຄັນທີ່​ເອີ້ນ​ວ່າ ສະພາ​ແຫ່ງ​ຊາດ​ຊີ​ເຣຍ ຖືກ​ຮັບຮອງ​ ​ຍ້ອນ​ຖືກ​ກົດ​ດັນ​ໂດຍກຸ່ມ​ອາຣັບ ​ແລະ​ຝ່າຍ​ຕາ​ເວັນ​ຕົກໃຫ້​ເຫັນ​ດີ​ນຳໂຄງ​ຮ່າງໃໝ່​ເຖິງ​ແມ່ນ​ຈະ​ມີ​ພວກ​ບໍ່​ປະສົງ​ຢາກ​ຮ່ວມຢູ່ໃນ​ຖັ້ນ​ແຖວກໍ​ຕາມ.

ບັນດາ​ຊະ​ມາ​ຊິກ​ຝ່າຍ​ຄ້ານ​ກ່າວ​ວ່າ ​ເຂົາ​ເຈົ້າ​ຈະ​ບໍ່​ຮ່ວມ​ເຈລະຈາ​ກັບລັດຖະບານ​ທ່ານ​ Assad.
XS
SM
MD
LG