ລິ້ງ ສຳຫລັບເຂົ້າຫາ

ທ່ານ Romney ຈະບໍ່ປ່ອນບັດເອົາ ທ່ານ Trump ໃນການເລືອກຕັ້ງ ທົ່ວໄປ


ອະດີດຜູ້ສະໝັກ ປະທານາທິບໍດີ ສະຫະລັດ ທ່ານ Mitt Romney ຕິຕຽນຜູ້ສະໝັກປະທານາທິບໍດີ ພັກຣີພັບບລິກັນ ຄົນປັດຈຸບັນ ທ່ານ Donald Trump.

ອະດີດ​ຜູ້​ສະໝັກ​ເປັນ​ປະທານາທິບໍດີສະຫະລັດ ຂອງພັກຣີພັບ​ບລີກັນ ທ່ານ Mitt Roney ກ່າວ​ວ່າ ທ່ານ​ຈະ​ບໍ່​ປ່ອນ​ບັດ​ເອົາຜູ້​ທີ່​ຈະ​ຖືກ​ສະ​ເໜີຈາກຂອງ​ພັກ ທ່ານ Donald Trump ​ໃນ​ເດືອນພະຈິກ ​ທີ່ຈະ​ມາ​ເຖິງ​ນີ້ ​ໂດຍໃຫ້​ເຫດຜົນວ່າ​ຍ້ອນ​ການ​ໃຫ້​ຄວາມ​ເຫັນ​ແບບ​ຈຳ​ແນ​ກຜິວ​ພັນ ​ແລະ​ກຽດ​ຊັງ​ແມ່ຍິງ​ຂອງມະຫາ​ເສດ​ຖີ​ອະ​ສັງຫາລິມະ​ຊັບ.

ທ່ານ Romney ​ໄດ້​ກ່າວ​ຕໍ່ໂທລະພາບ CNN ​ໃນ​ວັນ​ສຸກ​ວານ​ນີ້ວ່າ “ຂ້າພະ​ເຈົ້າ​ບໍ່​ເຫັນ​ປະ​ທາ​ນາ​ທິບໍດີ​ຂອງ​ສະຫະລັດກ່າວ​ເຖິງ​ສິ່ງ​ຕ່າງໆ​ ທີ່ປ່ຽນອຸປະນິ​ໄສ​ຂອງ​ຊາວ​ອາ​ເມຣິກັນ​ຫລາຍ​ເຊັ່ນ​ຄົນ​ທີ່ຈະ​ຕິດຕາ​ມມາ. ປະທານາທິບໍດີມີ​ຜົນ​ສະ ທ້ອນ​ຕໍ່ລັກສະນະ​ໃນ​ດ້ານ​ນິ​ໄສ​ຂອງ​ປະ​ເທດ​ເຮົາ ​ແລະ​ການ​ກ່າວດູໝິ່ນ​ໃນດ້ານ​ຜີວພັນ ​ແລະການ​ບໍ່​ໃຫ້​ຄວາມ​ເຄົາລົບ​ຕໍ່​ຄວາມ​ຄິດ​ເຫັນ​ຂອງ​ຜູ້​ອື່ນ ​ແລະ​ກ່າວ ແບບຄວາ​ມກຽດ​ຊັງແມ່ຍິງ ສິ່ງທັງ​ໝົດ​ນີ້​ເປັນ​ອັນ​ຕະ ລາຍ​ພິ​ເສດຕໍ່​ໝາກຫົວໃຈ ​ແລະນິ​ໄສ​ໃຈຄໍຂອງ​ອາ​ເມຣິກາ.”

ທ່ານ Romney ທີ່​ເປັນ​ຜູ້ສະໝັກປະທານາທິບໍດີ​ໃນ​ປີ 2012 ​ແຕ່​ໄດ້​ເສຍ​ໃຫ້​ແກ່ຜູ້​ສະໝັກ​ພັກ​ເດ​ໂມ​ແຄຣັດ ທ່ານ Barack Obama ກຳລັງ​ຈັດ​ກອງ​ປະຊຸມ​ນັກຊ່ຽວຊານ ​ແລະຜູ້ກະ ຕືລື​ລົ້​ນປະຈຳ​ປີຄັ້ງທີ​ສີ່ ຫລື E2 ທີ່ບ່ອນ​ຕາກ​ອາກາດ​ສ່ວນ​ໂຕ​ຂອງ​ພັກຣີພັບ​ບລິ​ກັນ ​ທີ່​ຫົວ ຂໍ້​ສຳຄັນ​ຂອງ​ການ​ສົນທະນາ​ໃນ​ປີ​ນີ້ແມ່ນ​ຜູ້​ສະໝັກ​ຂອງ​ພັກ​ໃນ​ປັດຈຸບັນ. ມີ​ຜູ້​ເຂົ້າ​ຮ່ວມປະ ຊຸມ​ເກືອບ 300 ຄົນ ທີ່​ໄດ້ເລີ້ມ ຂຶ້ນ​ແຕ່​ວັນ​ພະຫັດຜ່ານ​ມາ ​ຢູ່ທີ່ Deer Valley ​ໃນລັດ Utah.

ໃນ​ການ​ໃຫ້​ສຳພາດ​ທາງ​ໂທລະພາບ ທ່ານ Romney ກ່າວ​ວ່າ ທ່ານ​ຈະ​ບໍ່​ປ່ອນ​ບັດ​ເອົາ​ຜູ້ສະໝັກ​ພັກ​ເດ​ໂມ​ແຄຣັດ​ເຊັ່ນ​ດຽວ​ກັນ. “ຂ້າພະເຈົ້າບໍ່ສາມາດທີ່ຈະ ປ່ອນ ບັດ ເອົາທ່ານ ນາງ Hillary Clinton. ຂ້າພະເຈົ້າບໍ່ຄິດວ່ານະໂຍບາ ຍທີ່ທ່ານ ນາງສົ່ງເສີມນັ້ນເປັນທີ່ ຖືກຕ້ອງແກ່ປະເທດຊາດ.”

ທ່ານ Romney ໄດ້ກ່າວວ່າ ທ່ານກຳລັງພິຈາລະນາກ່ຽວ​ກັບປ່ອນບັດເອົາຜູ້ສະ ໝັກຂອງ​ພັກເສລີນິຍົມ ທ່ານ Gary Johnson ຜູ້ທີ່ໜ້າສັນລະເສີນ ຊຶ່ງ​ເປັນ​ທີ່ຍອມຮັບຂອງຜູ້ນຳ ພັກຣີພັບບລິກັນ ນັ້ນ​ແທນ.

ປະທານສະພາຕໍ່າ ທ່ານ Paul Ryan ໄດ້ຖືກສອບຖາມຢູ່ໃນການເຕົ້າໂຮມ ຂອງ ທ່ານ Romney ໂດຍບັນດາສະມາຊິກພັກຣີພັບບລິກັນ ກ່ຽວກັບການ ໃຫ້ການ​ສະໜັບ​ສະ​ໜຸນ​ຕໍ່ທ່ານ Trump ຫລັງຈາກຄຳຖະແຫລງທີ່ມີການຂັດ ແຍ້ງຂອງມະຫາເສດຖິອະສັງຫາ ລິມະຊັບ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG