ລິ້ງ ສຳຫລັບເຂົ້າຫາ

ຕຳຫຼວດ ລັດ ມີເນໂຊຕ້າ ໄດ້ຍິງ ຊາຍຜິວດຳ ຄົນໜຶ່ງຕາຍ ຢູ່ໃນລົດ


ຜູ້ພິທັກກົດໝາຍ ຈາກເມືອງ Hennepin ຂອງລັດ Minnesota ເຂົ້າຮ່ວມ ໃນການປຶກສາຫາລື ໂຕະມົນ ກ່ຽວກັບຊ່ອງທາງ ເພື່ອຫລຸດຜ່ອນ ຄວາມຮ້າຍແຮງຈາກປືນ ໃນລະຫວ່າງ ການໄປຢ້ຽມຢາມ ນະຄອນ Minneapolis.

ຜູ້ພິທັກກົດໝາຍ ຈາກເມືອງ Hennepin ຂອງລັດ Minnesota ເຂົ້າຮ່ວມ ໃນການປຶກສາຫາລື ໂຕະມົນ ກ່ຽວກັບຊ່ອງທາງ ເພື່ອຫລຸດຜ່ອນ ຄວາມຮ້າຍແຮງຈາກປືນ ໃນລະຫວ່າງ ການໄປຢ້ຽມຢາມ ນະຄອນ Minneapolis.

ຜູ້ຊາຍຄົນໜຶ່ງໄດ້ຖືກຍິງຕາຍຢູ່ໃນລົດຂອງລາວໂດຍເຈົ້າໜ້າທີ່ຕຳຫຼວດ ໃນ ຕອນຄ່ຳຂອງວັນພຸດວານນີ້ທີ່ລັດ Minnesota ທາງພາຕາເວັນຕົກ ຕອນກາງ ຂອງ ສະຫະລັດ.

ພວກໝູ່​ເພື່ອນ ແລະ ຄອບຄົວຂອງຜູ້ເຄາະຮ້າຍ ໄດ້ກ່າວຕໍ່ສື່ມວນຊົນໃນທ້ອງ ຖິ່ນວ່າ ຜູ້ຊາຍຄົນນັ້ນມີຊື່ວ່າ Philando Castile ເປັນຄົນຜິວດຳມີອາຍຸ 32 ປີ ​ພະນັກງານຢູ່ໂຮງຮຽນຫຼວງແຫ່ງໜຶ່ງ ຜູ້ທີ່ຖືກແຈ້ງ ວ່າ ໄດ້ເສຍຊີວິດພຽງບໍ່ເທົ່າ ໃດນາທີ ຫຼັງຈາກໄດ້​ໄ​ປຮອດໂຮງໝໍ. ບັນ ດາເຈົ້າໜ້າທີ່ບໍ່ໄດ້ຢືນຢັນວ່າ ຜູ້ກ່ຽວ ​ແມ່ນ​ໃຜ​ແທ້.

ແມ່ຍິງ ແລະ ເດັກນ້ອຍອາຍຸ 7 ປີຄົນໜຶ່ງກໍໄດ້ຢູ່ໃນລົດນຳກັນ ແລະ ໄດ້ຖືກ ຕຳຫຼວດຄວບຄຸມຕົວໄປ.

ວິດີໂອຕອນໜຶ່ງທີ່ໄດ້ຖືກນຳໄປລົງ ໃນສື່ສັງຄົມອອນໄລໂດຍແຟນ ຂອງຜູ້ ເຄາະຮ້າຍ ແມ່ນຍັງບໍ່ໄດ້ຮັບ​ການຢືນຢັນ ໂດຍຕຳຫຼວດວ່າ ເປັນເຫດການ ດຽວກັນບໍ່. ຜູ້ຊາຍທີ່ຢູ່ໃນວິດີໂອນັ້ນ ໄດ້ຖືກຍິງແລ້ວ ແລະ ກໍມີເລືອດໄຫຼ ອອກມາ, ໂຕຂອງຜູ້ເຄາະຮ້າຍກໍໄດ້ນອນຫງາຍ ຢູ່ເທິງບ່ອນນັ່ງຂອງຄົນຂັບ ໃນເວລາທີ່ການຖ່າຍວິດີໂອໄດ້ເລີ່ມຂຶ້ນ. ສຽງຂອງແມ່ຍິງທີ່ໄດ້ຍິນຈາກວິດີໂອ ກ່າວວ່າ ຜູ້ຖືກເຄາະຮ້າຍໄດ້ບອກຕຳຫຼວດວ່າລາວພົກປືນສັ້ນກະບອກໜຶ່ງ ແລະ ກໍມີໃບອະນຸຍາດດ້ວຍ ແລະ ຕຳຫຼວດກໍໄດ້ບອກໃຫ້ ລາວຢຸດຍື້ມືໄປ ເອົາກະເປົາເງິນຂອງລາວ. ໃນເວລາທີ່ຜູ້ຊາຍຄົນດັ່ງກ່າວໄດ້ຍົກມືຂຶ້ນລາວ ກໍຖືກຍິງ “ສີ່ ຫຼື ຫ້າເທື່ອ” ອີງຕາມການບອກ​ເລົ່າຂອງແມ່ຍິງຄົນນັ້ນ.

ກົມຕຳຫຼວດ ​ເມືອງ St. Anthony ໃນລັດ Minnesota ເຊິ່ງ​ເປັນ​ຜູ້​ຮັບຜິດ ຊອບ ຊຸມຊົນ Falcon Heights ບ່ອນທີ່ມີການຍິງກັນເກີດຂຶ້ນນັ້ນ, ໄດ້ເປີດ ເຜີຍ ຖະແຫຼງການສະບັບໜຶ່ງ ກ່າວວ່າ ເຈົ້າໜ້າທີ່ກ່ຽວ ຂ້ອງກັບເຫດການ ແມ່ນໄດ້ຖືກສັ່ງພັກວຽກຕາມ “ມາດຕະຖານ”, ແຕ່ບໍ່ໄດ້ອະທິບາຍຢ່າງລະອຽດ ກ່ຽວກັບເຫດການດັ່ງກ່າວ. ຫົວໜ້າຕຳຫຼວດ ຮັກສາການທ່ານ Jon Mangseth ໄດ້ອ່ານຖະແຫຼງການສັ້ນໆ​ຕໍ່​ພວກ ນັກຂ່າວໃນຕອນເຊົ້າຂອງວັນພະຫັດມື້ນີ້ ແລະບໍ່ໄດ້ຕອບຄຳຖາມ​ໃດໆ.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG