ລິ້ງ ສຳຫລັບເຂົ້າຫາ

ອົບພະຍົບຫຼາຍຮ້ອຍຄົນ ອາດເສຍຊີວິດໄປແລ້ວ ຍ້ອນເຮືອຂວ້ຳ ຢູ່ນອກຝັ່ງ ລີເບຍ


ອົບພະຍົບຄົນນີ້ ໄດ້ຮັບການຊ່ອຍເຫຼືອ ເວລາລາວອອກຈາກ ເຮືອຍາມຝັ່ງ ທີ່ທ່າເຮືອ Palermo ທີ່ອີຕາລີ ວັນທີ 18 ເມສາ, 2015.

ອົບພະຍົບຄົນນີ້ ໄດ້ຮັບການຊ່ອຍເຫຼືອ ເວລາລາວອອກຈາກ ເຮືອຍາມຝັ່ງ ທີ່ທ່າເຮືອ Palermo ທີ່ອີຕາລີ ວັນທີ 18 ເມສາ, 2015.

ກຳ​ປັ່ນ​ລຳ​ໜຶ່ງ​ ທີ່​ຄຶດກັນ​ວ່າ ບັນທຸກ​ພວກ​ຄົນ​ອົບ​ພະຍົບຫຼາຍ
​ເຖິງ 700 ຄົນ ​ທີ່​ກຳລັງ​ພະຍາຍາມເດີນທາງ​ໄປ​ຍັງ​ຢູ​ໂຣບ ​ໄດ້
​ປີ້ນ​ຂວ້ຳ​ໃນ​ຄືນ​ຜ່ານ​ມາ​ນີ້ ຢູ່​ນອກ​ຝັ່ງທະ​ເລ​ປະ​ເທດ​ລີ​ເບຍ.

ບັນດາ​ເຈົ້າ​ໜ້າ​ທີ່​ກ່າວ​ວ່າ ປະຊາຊົນ 28 ຄົນ​ໄດ້​ຖືກ​ຊ່ອຍ​ກູ້​ຊີ
ວິດ​ໄວ້ ​ແຕ່​ຫຼາຍ​ຮ້ອຍ​ຄົນ ຢ້ານ​ວ່າ ​ເສຍ​ຊີວິດ​ໄປ​ແລ້ວ​ຢູ່ໃນ
ທະ​ເລ ຫ່າງ​ຈາກ​ເກາະ Lampedusa ​ໃນ​ພາກ​ໃຕ້​ຂອງ​ອີ​ຕາ
​ລີ ​ໄປ​ທາງ​ທິດ​ໃຕ້ 193 ຫຼັກ​ກິ​ໂລ​ແມັດ.

​ເຊື່ອ​ກັນ​ວ່າ ກຳ​ປັ່ນ​ລຳ​ນີ້ ​ໄດ້​ປີ້ນ​ຂວ້ຳ​ເວລາ​ພວກ​ອົບ​ພະຍົບ
ພາກັນ​ຍ້າຍໄປ​ຢູ່ເບື້ອງ​ໜຶ່ງ​ຂອງ​ເຮືອ ​ເວລາ​ເຮືອ​ພານິດ​ລຳ​
ໜຶ່ງແລ່ນ​ເຂົ້າ​ມາໃກ້​.

ມີ​ລາຍ​ງານ​ຂ່າວ​ວ່າ ສົບ​ຂອງ​ພວກ​ເສຍ​ຊີວິດ​ຈຳນວນ​ໜຶ່ງ​ໄດ້​ຖືກ​ນ້ຳ​ພັດ​ເຂົ້າ​ຝັ່ງ​ ໃນ​ລີ​ເບຍ.
ພວກ ​ອົບ​ພະຍົບຫຼາຍ​ພັນ​ຄົນ ຊຶ່ງ​ສ່ວນ​ຫຼາຍ​ມາ​ຈາກ​ພວກ​ຂົງ​ເຂດ​ທີ່​ໄດ້​ຖືກສົງຄາມທຳລາຍ​ໃນ​ອາ​ຟຣິກາ ​ແລະ​ພາກ​ຕາ​ເວັນ​ອອກ​ກາງ ພາກັນ​ສ່ຽງ​ອັນຕະລາຍ ​ເດີນທາງ​ຂ້າມ​ທະ​ເລ​ເມ​ດີເຕີ​ເຣນຽນ ​ໃນຄວາມ​ຫວັງ​ວ່າ ຈະ​ໄປ​ຮອດ​ທະວີບຢູ​ໂຣບ. ກ່ອນ​ເກີດ​ເຫດການ​ຫລ້າ​ສຸດ​ນີ້ ບັນດາ​ກຸ່ມ​ສົ່ງ​ເສີມ​ດ້ານ​ມະນຸດສະທຳ ​ໄດ້​ກະ​ປະມານ​ວ່າ ມີ​ຜູ້​ຄົນ​ປະມານ 500 ຄົນ​ໄດ້​ເສຍ​ຊີວິດ​ ມາ​ຮອດ​ປັດຸ​ບັນ​ໃນ​ປີ​ນີ້ ​ຍ້ອນ​ຄວາມ​ອຶດຫິວ ຂາດ​ນ້ຳ​ດື່ມ ​ແລະຕາກ​ແດດ​ຕາກ​ຝົນ ​ຢູ່​ໃນ​ເຮືອ​ທີ່​ອັດ​ແອ ​ແລະຢູ່​ໃນ​ສະພາບ​ບໍ່​ປອດ​ໄພ.

ສັນຕະປາປາ Francis ກຳລັງ​ຮຽກຮ້ອງ​ຂໍ​ຄວາມ​ຊ່ອຍ​ເຫຼືອ​ຈາກ​ນາໆ​ຊາດ​ຕື່ມ​ອີກ ​ເພື່ອ​ຮັບ​ມື​ກັບ​ຈຳນວນ​ພວກ​ອົບ​ພະຍົບທີ່​ເພີ້​ມທະວີ​ຂຶ້ນ​ສູ່​ມື້ທີ່​ ຫຼົບໜີ​ຈາກ​ສະພາບ​ການ​ທີ່ບໍ່​ທຸ່ນ​ທ່ຽງ​ໃນ​ອາ​ຟຣິກາ​ນັ້ນ.

ຄວາມຜິດພາດຂອງ ເຊີເວີ

Oops, as you can see, this is not what we wanted to show you! This URL has been sent to our support web team to the can look into it immediately. Our apologies.

Please use Search above to see if you can find it elsewhere

XS
SM
MD
LG