ລິ້ງ ສຳຫລັບເຂົ້າຫາ

ຮູບ ໜັງສືເດີນທາງ ຂອງທ່ານນາງ Michelle Obama ຖືກນຳອອກເຜີຍແຜ່ ອອນລາຍ


ສະຕີໝາຍເລກນຶ່ງຂອງສະຫະລັດ ທ່ານນາງ Michelle Obama ກ່າວຄຳປາໄສ ທີ່ກອງປະຊຸມແຫ່ງຊາດ ຂອງ ພັກເດໂມແຄຣັດ ທີ່ນະຄອນ Philadelphia ເມື່ອວັນທີ 25 ກໍລະກົດ 2016.

ສະຕີໝາຍເລກນຶ່ງຂອງສະຫະລັດ ທ່ານນາງ Michelle Obama ກ່າວຄຳປາໄສ ທີ່ກອງປະຊຸມແຫ່ງຊາດ ຂອງ ພັກເດໂມແຄຣັດ ທີ່ນະຄອນ Philadelphia ເມື່ອວັນທີ 25 ກໍລະກົດ 2016.

ຮູບ​ພາບ​ທີ່​ກ່າວ​ກັນ​ວ່າ​ຖືກ​ສະ​ແກນ​ມາ​ຈາກ​ຮູບ​ໃນ​ໜັງສື​ເດີນທາງ​ຂອງ​ສະຕີ​ໝາຍ​ເລກ​ນຶ່ງ ທ່ານ​ນາງ Michelle Obama ​ໄດ້​ຖືກ​ພິມເຜີຍ​ແຜ່​ ໂດຍ​ເວັບ​ໄຊ ຂອງ​ພວກ​ແຮັກເກີ້ ທີ່​ມີ​ຊື່ວ່າ DC Leaks.

ການ​ພິມ​ເຜີຍ​ດັ່ງກ່າວນີ້ ຍັງ​ຮວມທັງ​ອີ​ແມ​ລສ່ວນ​ຕົວ ທີ່​ກ່າວ​ວ່າເປັນ​ຂອງພະນັກງານລະ ດັບຕ່ຳ​ຄົນ​ນຶ່ງຂອງ​ທຳນຽບຂາວ ທີ່​ເຮັດ​ວຽກໃຫ້​ກັບ​ການ​ໂຄສະນາ​ຫາ​ສຽງຂອງ​ທ່ານ​ນາງ Hillary Clinton.

​ເອກ​ກະສາ​ນທີ່​ຮົ່ວ​ໄຫຼດັ່ງກ່າວ ຍັງ​ບໍ່​ທັນ​ໄດ້​ຮັບ​ການ​ພິ​ສູດ​ເທື່ອ ​ແຕ່​ເຈົ້າໜ້າ​ທີ່​ລັດຖະບານ​ທ່ານ​ໂອ​ບາ​ມາ ກ່າວ​ໃນ​ວັນ​ພະຫັດ​ວານ​ນີ້ວ່າ ຕົນ​ຮູ້​ເລື້ອງ ກ່ຽວ​ກັບການ​ກ່າວ​ອ້າງ​ນີ້ ​ແລະ​ກຳລັງ​ກວດ​ສອບ​ເບິ່ງ​ຢູ່.

ຂໍ້​ມູນ​ດັ່ງກ່າວ​ແມ່ນ​ສ່ວນ​ນຶ່ງ​ຂອງ​ອີ​ແມ​ລ ​ແຕ່​ເດືອນ​ກຸມພາ​ປີ 2015 ​ໄປ​ຫາ​ເດືອນ​ກໍລະກົດ ​ປີ 2016​ ທີ່​ປາກົດ​ວ່າ​ ໄດ້​ຖືກ​ເຈາະ​ເອົາ​ໄປຈາກ​ບັນຊີ Gmail ຂອງ​ພວກພະນັກງານ​ລ່ວງ​ໜ້າ​ທຳນຽບຂາວ ທີ່​ຮັບຜິດຊອບ ກ່ຽວ​ກັບ​ການຈັດ​ແຈງ ໃນການ​ເດີນທາງ​ ຢ່າງ​ເປັນ​ທາງ​ການ. ສິ່ງ​ທີ່​ຮົ່ວ​ໄຫລ​ແມ່ນ​ຮວມທັງ​ໜ້າ​ຮູບ ​ແລະ​ຂໍ້​ມູນ​ຂອງ​ໜັງສື​ເດີນທາງ​ ຂອງ​ທ່ານ​ນາງ Michelle.

​ເມື່ອ​ບໍ່​ດົນ​ຜ່ານ​ມາ ​ເວັບ​ໄຊ​ດຽວ​ກັນນີ້ ກໍ​ໄດ້​ພິມ​ເຜີຍ​ແຜ່​ ອີີແມ​ລສ່ວນ​ຕົວ ຂອງ​ອະດີດ​ລັດ ຖະມົນຕີ​ການ​ຕ່າງປະ​ເທດ Colin Powell ທີ່​ສະ​ແດງ​ໃຫ້​ເຫັນ​ວ່າ ທ່ານ​ບໍ່​ມັກ​ທ່ານ​ນາງ Clinton ​ແລະ​ຜູ້​ສະໝັກ ​ທີ່​ເປັນ​ຄູ່​ແຂ່ງ​ຈາກ​ພັກຣີພັບ​ບລີ​ກັນ​ຂອງທ່ານ​ນາງ​ນັ້ນກໍ​ຄື​ທ່ານ Donald Trump. ທ່ານ Powell ​ໃຫ້ການ​ຢືນຢັນ​ວ່າ ຂໍ້​ມູນ​ທີ່​ຖືກລັກຂະ​ໂມ​ຍ​ໄປ​ ແມ່ນ ຂອງແທ້.

​ເວັບ​ໄຊ DC Leaks ກ່າວ​ວ່າ ​ເປົ້າໝາຍ​ຂອງ​ຕົນ​ ກໍ​ແມ່ນ​ເພື່ອ​ເຜີຍ​ແບ​ ການ​ໃຊ້​ອຳນາດ​ ທາງ​ການ​ເມືອງ​ໄປ​ໃນ​ທາງ​ທີ່​ບໍ່​ຖືກຕ້ອງ ​ແຕ່​ກໍ​ມີ​ການ​ກ່າວ​ຫາ​ວ່າ​ເປັນ​ບ່ອນເປີດ​ເຜີຍ​ຂອງ​ພວກ​ເຈາະ​ຂໍ້​ມູນ​ ທີ່​ມີ​ຄວາມ​ສຳພັນ​ກັບກຸ່ມ​ສືບ​ລັບຣັດ​ເຊຍ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG