ລິ້ງ ສຳຫລັບເຂົ້າຫາ

ທ່ານນາງ Michelle Obama ເວົ້າເຖິງ ຄວາມໂຫດຮ້າຍ ແລະໜ້າຢ້ານກົວ ແກ່ແມ່ຍິງ ຢູ່ການໂຄສະນາຫາສຽງ


ສະຕີໝາຍເລກນຶ່ງ ທ່ານນາງ Michelle Obama ກ່າວ ລະຫວ່າງການໂຄສະນາຫາສຽງ ແກ່ຜູ້ສະໝັກເປັນປະທານາທິບໍດີ ພັກເດໂມແຄຣັດ ທ່ານນາງ Hillary Clinton ທີ່ເມືອງ Manchester ລັດ New Hampshire.

ສະຕີ​ໝາຍ​ເລກ​ນຶ່ງ​ທ່ານ​ນາງ Michelle Obama ກ່າ​ວກ່ຽວ​ກັບ​ບັນດາແມ່ຍິງ ​ແລະ​ຮ່າງ ກາຍ​ຂອງ​ເຂົາ​ເຈົ້າ ທີ່ໄດ້​ປາກົດໃຫ້ເຫັນຈາກ​ຜູ້​ສະໝັກ​ປະທານາທິບໍດີ​ຄົນ​ນຶ່ງວ່າ “ໂຫດ ຮ້າຍ, ເປັນຕາຢ້ານ​ ​ແລະ ມັນ​ເຈັບ​ປວດ.”

ທ່ານ​ນາງ Michelle Obama ບໍ່​ໄດ້​ກ່າວ​ເຖິງ​ຊື່​ຂອງ​ທ່ານ Donald Trump ໃນລະຫວ່າງ​ການ​ກ່າວຄຳປາໄສໂຄສະນາ​ຫາ​ສຽງ​ສຳລັບ​ທ່ານ​ນາງ Hillary Clinton ຢ່າງ​ມີ​ຄວາມ​ຮູ້ ສຶກ​ເຈັບ​ປວດໃນ​ວັນ​ພະຫັດ​ວານ​ນີ້​ໃນ​ນະຄອນ New Hampshire. ​ແຕ່ວ່າ​ທ່ານ​ນາງ​ໄດ້​ອ້າງ​ເຖິງ​ການ​ກ່າວ​ຫາ​ໃໝ່ໆ​ຢ່າງ​ຈະ​ແຈ້ງ​ຈາກ ພວກແມ່ຍິງ​ສີ່​ຄົນ ຜູ້​ທີ່​ກ່າວ​ວ່າ ທ່ານ Trump ​ໄດ້​ຈັບບາຍ ​ແລະ​ບັງ​ຄັບ​ຈູບ​ເຂົາ​ເຈົ້າ.

ບັນດາສະຕີໜຸ່ມ ພາກັນຟັງການກ່າວຂອງທ່ານນາງ Michelle Obama ລະຫວ່າງການໂຄສະນາຫາສຽງແກ່ ທ່ານນາງ Hillary Clinton ທີ່ເມືອງ Mancheste ລັດ New.Hampshire.
ບັນດາສະຕີໜຸ່ມ ພາກັນຟັງການກ່າວຂອງທ່ານນາງ Michelle Obama ລະຫວ່າງການໂຄສະນາຫາສຽງແກ່ ທ່ານນາງ Hillary Clinton ທີ່ເມືອງ Mancheste ລັດ New.Hampshire.

ທ່ານ​ນາງ Obama ກ່າວ​ວ່າ “ນີ້​ບໍ່ແມ່ນເລື່ອງ​ປົກກະຕິ​ ນີ້​ບໍ່​ແມ່ນ​ການ​ເມືອງ​ທີ່​ປົກກະ​ຕິ. ນີ້​ເປັນ​ການບໍ່​ໃຫ້​ຄວາມ​ນັບຖື. ມັນຮັບບໍ່​ໄດ້. ​ແລະ​ມັນ​ບໍ່​ກ່ຽວເລີຍ​ວ່າ​ພັກ​ການ​ເມືອງ​ໃດ​ທີ່​ທ່ານ​ສັງກັດ​ຢູ່ບໍ່ວ່າຈະເປັນພັກ ​ເດ​ໂມແຄຣັດ ຣີພັບ​ບລິ​ກັນ ​ຫຼື ເອກ​ກະລາດ ບໍ່​ມີ​ແມ່ຍິງ​ຄົນ​ໃດ​ທີ່​ຈະ​ຕ້ອງ​ຖືກ​ເຮັດ​ໃຫ້ແບບນີ້. ພວກ​ເຮົາ​ໝົດ​ທຸກ​ຄົນ​ບໍ່​ສົມຄວນ​ໄດ້​ຮັບ​ການ​ທຳ​ຮ້າຍແບບ​ນີ້ ​ແລະ​ ຕ້ອງ​ຢຸດ​ເຊົາ​ດຽວນີ້.”

ສະຕີ​ໝາຍ​ເລກ​ນຶ່ງ​ກ່າວ​ວ່າ ທ່ານ​ນາງບໍ່​ພຽງ​ແຕ່​ມີ​ຄວາມ​ເປັນ​ຫ່ວງ​ວ່າ “ຜູ້​ມີ​ອຳນາດ​ຄົນ​ນຶ່ງ” ​ໃຊ້​ພາສາ​ທີ່​ຫຍາບ​ຄາຍ​ “ກ່າວຢ່າງເສລີ ແລະ ຢ່າງເປີດເຜີຍ​ກ່ຽວ​ກັບ​ການ​ປະພຶດ​ທາງ​ເພດ” ທີ່​ເປັ​ນຜົນ​ກະທົບ​ຕໍ່​ເດັກນ້ອບ​ແມ່ຍິງ ​ແລະເດັກ ນ້ອຍ​ຜູ້​ຊາຍ. ທ່ານ​ນາງ​ກ່າວ​ວ່າ ​ໂລກ​ທັງ​ໝົດພາກັນ​ເບິ່ງສະຫະລັດວ່າ ​ເປັນ​ແບບຢ່າງ​ແກ່​ສິດທິແມ່ຍິງ ​ແລະ​ກາ​ນສຶກສາ.”

ຜູ້ສະໝັກປະທານາທິບໍດີ ພັກຣີພັບບລິກກັນ ທ່ານ Donald Trump ກ່າວຢູ່ການໂຄສະນະຫາສຽງ ທີ່ລັດ Florida.
ຜູ້ສະໝັກປະທານາທິບໍດີ ພັກຣີພັບບລິກກັນ ທ່ານ Donald Trump ກ່າວຢູ່ການໂຄສະນະຫາສຽງ ທີ່ລັດ Florida.

“​ແຕ່​ຖ້າ​ຫາກ​ວ່າ​ເຮົາ​ມີ​ປະທານາທິບໍດີ ຜູ້​ທີ່​ບໍ່​ໃຫ້​ກຽດ​ແກ່​ແມ່ຍິງ​ຢູ່​ເປັນ​ປະຈຳ ຜູ້​ທີ່ເວົ້າ​ກ່ຽວ​ກັບ​ທາງ​ເພດ ທຳ​ຮ້າຍ​ແມ່ຍິງ ​ແລະ​ພວກ​ເຮົາ​ຈະສາມາດ​ຮັກສາອຳນາດ ສິນລະ​ທຳຢູ່​ໃນ​ໂລກໄດ້ຢ່າງ​ໃດ? ພວກ​ເຮົາ​ຈະ​ສາມາດ​ດຳ​ເນີນ​ການ​ເປັນ​ຜູ້ນຳ​ພາຄວາມເສລີພາບ ​ແລະ​ຄວາມ​ທ່ຽງທຳ ​ແລະ​ກຽດ​ສັກ​ສີ​ຂອງ​ມະນຸດໄດ້​ຢ່າງ​ໃດ?

ບັນດາຜູ້ສະໜັບສະໜູນ ຜູ້ຖືກສະເໜີເປັນປະທານາທິບໍດີ ທ່ານ Donald Trump ພາກັນເລົ່າຄວາມຈົງຮັກພັກດີຕໍ່ປະເທດຊາດ.
ບັນດາຜູ້ສະໜັບສະໜູນ ຜູ້ຖືກສະເໜີເປັນປະທານາທິບໍດີ ທ່ານ Donald Trump ພາກັນເລົ່າຄວາມຈົງຮັກພັກດີຕໍ່ປະເທດຊາດ.

ທ່ານ Trump ພຽງ​ແຕ່​ບັງຄັບ​ປ້ອງ​ກັນຕົນ​ເອງ ຕ້ານ​ການ​ກ່າວ​ຫາຈາກ​ແມ່ຍິງ​ຢູ່່​ໜັງສືພິມ the New York Time, the Palm Beach (Florida) Post ​ແລະນິຕິ​ຍະ​ສານ People ທີ່​ກ່າວ​ວ່າ​ທ່ານ​ໄດ້​ຈັບບາຍ​ເຂົາ​ເຈົ້າ. ທ່ານເອີ້ນເລື່ອງ​ຂອງ​ເຂົາ​ເຈົ້າວ່າ “​ເປັນ​ເລື່ອງ​ທີ່​ບໍ​ມີ​ມູນຄວາມ​ຈິງ​ທັງ​ໝົດ.”

“ການ​ອ້າງ​ທັງ​ໝົດເຫລົ່າ​ນີ້​ເປັນ​ການເສກ​ສັນປັ້ນ​ແຕ່ງ. ມັນ​ເປັນ​ເລື່ອງທີ່​ບໍ່​ມີ​ຄວາມ​ຈິງ​ແລະ​ຂີ້​ຕົວະ” ທ່ານ Trump ກ່າວ​ຕໍ່​ບັນດາ​ນັກ​ຂ່າວ​ທີ່​ລັດ Florida ​ໃນ​ວັນ​ພະຫັດ​ວານ​ນີ້​. “​ເຫດການ​ເຫລົ່າ​ນີ້​ບໍ່​ເຄີຍ​ເກີດ​ຂຶ້ນ ​ແລະ​ຄົນ​ຜູ້​ທີ່​ໄດ້ເວົ້າມັນເຂົ້າ​ໃຈ​ຢ່າງ​ເຕັມທີ່.

ອ່ານຂ່າວນີ້ເພີ້ິມເປັນພາສາອັງກິດ

XS
SM
MD
LG