ລິ້ງ ສຳຫລັບເຂົ້າຫາ

ນັກບິນອະວະກາດ Scott Kelly ສູງຂຶ້ນຕື່ມ 5 ຊັງຕີແມັດ ຂະນະທີ່ ຢູ່ເທິງອະວະກາດ


ນັກເຫາະຈັກກະວານ Mikhail Kornienko (ຊ້າຍ) ນັກເຫາະຈັກກະວານ Sergey Volkov (ກາງ) ແຫ່ງອົງການ Roscosmos ແລະ ຜູ້ບັນຊາການ​ Scott Kelly ແຫ່ງອົງການ NASA ກຳລັງນັ່ງພັກຜ່ອນ ຢູ່ນອກຍານ Soyuz TMA-18M ບໍ່ດົນຫລັງຈາກໄດ້ກັບຄືນມາສູ່ໂລກ.

ນັກເຫາະຈັກກະວານ Mikhail Kornienko (ຊ້າຍ) ນັກເຫາະຈັກກະວານ Sergey Volkov (ກາງ) ແຫ່ງອົງການ Roscosmos ແລະ ຜູ້ບັນຊາການ​ Scott Kelly ແຫ່ງອົງການ NASA ກຳລັງນັ່ງພັກຜ່ອນ ຢູ່ນອກຍານ Soyuz TMA-18M ບໍ່ດົນຫລັງຈາກໄດ້ກັບຄືນມາສູ່ໂລກ.

ນັກ​ບິນ​ອະວະກາດ Scott Kelly ທີ່​ກັບ​ຄືນ​ມາສູ່​ໂລກ​ມະນຸດ​ເຮົາ​
ໃນ​ວັນ​ທີ​ 1 ມີນາ ຫຼັງ​ຈາກ​ໄດ້​ປະຕິບັດ​ງານ ​ຢູ່​ເທິງ​ສະ​ຖາ​ນີອະວະ
ກາດ​ນາໆ​ຊາດ ​ເປັນ​ເວລາເກືອບ​ນຶ່ງ​ປີ ເວລາ​ນີ້ຜູ້ກ່ຽວ​ສູງ ​5 ຊັງ​ຕີ
​ແມັດ​ກວ່າທ່ານ Mark Kelly ​ອ້າຍ​ທີ່​ເປັນຝາ​ແຝດ​ກັບ​ລາວ.

ນັ້ນ​ແມ່ນ ​ການຄົ້ນພົບ​ໃນ​ຂັ້ນຕົ້ນ ຂອງ​ຜົນ​ກະທົບ​ທີ່​ມີ​ຕໍ່ຮ່າງກາ​ຍ
​ໃນ​ການ​ອາ​ໄສ​ຢູ່​ໃນ​ບ່ອນ​ທີ່​ບໍ່ມີ​ແຮງ​ດຶງ​ດູດ​ຂອງໂລກຫຼືມີ​ແຮງ​ດຶງ
ດູດຂອງ​ໂລກ​ເທົ່າ​ກັບ​ສູນ.

ສາດສະດາຈານດ້ານ​ຈິດຕະ​ແພດ Brinda Rana ຫົວໜ້າ​ຄະ
ນະ​ສືບສວນ​ ຈາກ​ໂຮງຮຽນການ​ແພດ ຂອງ​ມະຫາວິທະ​ຍາ​ໄລ​
ຄາ​ລີ​ຟໍ​ເນຍທີ່ນະຄອນ​ແຊນ​ດີ​ອາ​ໂກ​ຊຶ່ງ​ຈະ​ເຂົ້າຮ່ວມ​ໃນ​ການ​ສຶກສາຄົ້ນຄວ້າກ່ຽວ​ກັບສອງ
ອ້າຍນ້ອງຝາ​ແຝດ Kelly ກ່າວ​ວ່າ ການ​ສຶກສາ​ຂອງ​ພວກ​ເຮົາ​ ຈະ​ສະໜອງ​ຂໍ້​ມູນ​ທີ່​ສຳຄັນ
ກ່ຽວ​ກັບ​ວ່າ ສະພາບ​ແວດ​ລ້ອມຂອງ​ອະວະກາດ ມີ​ຜົນ​ກະທົບ​ແນວ​ໃດ​ຕໍ່​ຮ່າງກາຍ​ມະນຸດ​
ຂອງ​ເຮົາໃນ​ລະດັບ​ໂມ​ໂລ​ກຸນ ເ​ພື່ອ​ໃຫ້​ທາງ​ອົງການ​ອະວະກາດ​ສະຫະລັດຫຼື NASA ​ສາ
ມາດ​ລະບຸ​ໄດ້ກ່ຽວ​ກັບສິ່ງ​ທີ່​ມີ​ຄວາມ​ສ່ຽງ​ແລະ​ມາດ​ຕະການ​ປ້ອງ​ກັນ​ທີ່​ເປັນ​ໄປ​ໄດ້ຕໍ່​ບັນຫາ​
ສຸຂະພາບ​ ​ໃນ​ການ​ເດີນທາງ​ເປັນ​ເວລາ​ດົນ​ນານ​ຢູ່​ໃນ​ອະວະກາດ ​ເຊັ່ນ​ການ​ເດີນທາງ​ໄປ​
ປະຕິບັດ​ງານ​ຢູ່​ເທິງ​ດາວ​ພະ​ອັງຄານ​ເປັນຕົ້ນ.

ພວກ​ນັກ​ບິນ​ອະວະກາດ ມັກ​ຈະ​ສູງ​ຂຶ້ນກວ່າ​ເກົ່າ​ຢູ່​ເທິງ​ອະວະກາດຍ້ອນ​ວ່າຂໍ້​ຢູ່ໃນ​ກະດູກ
​ສັນຫຼັງຂອງ​ມະນຸດ ​ໄດ້​ຖືກ​ກົດ​ດັນ​ ຍ້ອນ​ຄວາມ​ດຶງ​ດູດ​ຂອງ​ໂລກ.

ການ​ປະຕິບັດ​ງານ​ ຂອງ​ທ່ານ Kelly ສ່ວນ​ນຶ່ງ​ແລ້ວ ​ແມ່ນ​ເປັນໂອ​ກາດ ​ໃຫ້​ອົງການອະວະ
ກາດ​ສະຫະລັດ ​ໄດ້​ສຶກສາ​ເບິ່ງ​ວ່າ ນັກ​ບິນ​ອະວະກາດ​ ຈະ​ມີ​ປະສົບ​ການ​ແບບ​ໃດ​ໃນ​ການ​ໄປ​ປະຕິບັດ​ງານ​ເທິງ​ດາວ​ພະ​ອັງ​ຄານ​ ຊຶ່ງ​ອາດ​ຈະ​ໃຊ້​ເວລາ​ປະມານນຶ່ງ​ປີນັ້ນ.

XS
SM
MD
LG