ລິ້ງ ສຳຫລັບເຂົ້າຫາ

ສຫລ ປະນາມ ການທັບມ້າງ ສະຖານທີ່ ເກົ່າແກ່ ຊາວມຸສລິມ

  • ດຣ. ສິມມາລາ

ໃນວັນທີ 1 ພຶດສະພາ, 2012 ຊາຍຜູ້ນຶ່ງເຮັດວຽກຢູ່ວັດ Timburktu ທີ່ເປັນປະຫວັດສາດ ຢູ່ປະເທດ ມາລີ.

ສະຫະລັດອາ​ເມ​ຣິກາ ໄດ້ຮ່ວມກັບປະຊາຄົມສາກົນຫລາຍອົງການກ່າວປະນາມການ ທັບມ້າງສະຖານທີ່ເກົ່າແກ່ຂອງຊາວມຸສລິມ ໂດຍກຸ່ມຫົວຮຸນແຮງອິສລາມ ຢູ່ໃນເມືອງ
Timbuktu ຢູ່ທາງພາກເໜືອຂອງປະເທດມາລີ.

ກະຊວງການຕ່າງປະເທດສະຫະລັດກ່າວໃນວັນພຸດມື້ນີ້ວ່າ ຕົນເອງ ມີຄວາມໂກດເຄືອງ ທີ່ເຫັນພວກຫົວຮຸນແຮງຈັດ ໄດ້ທໍາລາຍສະຖານມໍລະດົກໂລກທີ່ຫາຍາກ ໂດຍໄດ້ເອີ້ນ
ການກະທໍາດັ່ງກ່າວນັ້ນ ເປັນການໝິ່ນປະໝາດຕໍ່ມູນເຊື້ອຂອງຊາວອາຟຣິກາໝົດທຸກຄົນ.

ພວກຫົວຮຸນແຮງ ທີ່ລວມມີກຸ່ມ Ansar Dine ທີ່ມີການພົວພັນກັບເຄືອຂ່າຍ al-Qaida
ໃນເດືອນແລ້ວນີ້ ໄດ້ເລີ້ມທໍາລາຍສະຖານ​ທີ່​ສັກກາລະ​ບູຊາຂອງຊາວ​ມຸສລິ​ມ ທີ່ສ້າງຂຶ້ນ
ໃນສັດຕະວັດທີ 15 ແລະ 16. ສະຖານ​ທີ່ເຫລົ່ານັ້ນ ແມ່ນບັນຈຸກະດູກຂອງນັກບຸນຊາວ
ມຸດສະລິມ. ພວກຫົວຮຸນແຮງເວົ້າວ່າ ສະຖານທີ່ດັ່ງກ່າວ ພາໃຫ້ເຊື່ອງົມງາຍ.

ພວກ​ແບ່ງ​ແຍກ​ດິນ​ແດນ Tuareg ​ແລະກຸ່ມອິສລາມຫົວ​ຮຸນ​ແຮງ ໄດ້​ເຂົ້າຄວບຄຸມຕົວເມືອງ
ສຳຄັນໆ ຢູ່ໃນພາກເໜືອຂອງມາລີ ລຸນຫລັງມີການກໍ່ລັດຖະປະຫານ ໃນເດືອນມີນາຜ່ານມາ ຢູ່ພາກໃຕ້ຂອງປະເທດ. ນັບແຕ່ນັ້ນມາ ກຸ່ມອິສລາມຫົວ​ຮຸນ​ແຮງຫລາຍກຸ່ມ ໄດ້​ເຂົ້າຄວບຄຸມ
ຢ່າງເຕັມສ່ວນ ໃນຂົງເຂດດັ່ງກ່າວ.

XS
SM
MD
LG