ລິ້ງ ສຳຫລັບເຂົ້າຫາ

ມາລີ ຈະປະກາດ ຜົນການເລືອກຕັ້ງ ປະທານາທິບໍດີ ມື້ນີ້ (ວີດີໂອ/ສະໄລດ໌)


ເປັນ​ທີ່ຄາດ​ກັນວ່າ ​ເຈົ້າ​ໜ້າ​ທີ່​ການ​ເລືອກ​ຕັ້ງ​ຂອງມາລີ ຈະ​ໄດ້​
ປະກາດ​ ຜົນການເລືອກຕັ້ງປະທານາທິບໍດີຂັ້ນຕົ້ນ ​ໃນ​ວັນ​ພະ
ຫັດມື້​ນີ້.

ການ​ປ່ອນ​ບັດເລືອກ​ຕັ້ງ ໃນ​ວັນ​ອາທິດ​ຜ່ານ​ມາ​ນີ້ ​ແມ່ນ​ເປັນ
​ບາດກ້າວ​ທໍາ​ອິດ ໄປ​ສູ່​ການຟື້ນ​ໂຕ​ຄືນ​ຂອງ​ມາລີ ຫຼັງ​ຈາກ​
ໄດ້​ເກີດ​ຄວາມ​ວຸ້ນວາຍ​ເປັນ​ເວລາ 18 ​ເດືອນ ຊຶ່ງ​ຮວມ​ເຖິງ​
ການ​ກໍ່​ລັດຖະປະຫານຂອງ​ພວກ​ທະຫານ ​ແລະ​ການຢຶດຄອງ
ຂອງ​ພວກ​ອີ​ສລາມຫົວ​ຮຸນ​ແຮງ​ໃນ​ພາກ​ເໜືອ​ຂອງປະ​ເທດ.

ຜົນ​ຂອງ​ການ​ເລືອກ​ຕັ້ງ​ ​ຊຶ່ງຄາດ​ວ່າ​ຈະ​ມີ​ການ​ປະກາດ​ໃຫ້​ຮູ້ໃນ
​ວັນ​ພຸດ​ວານ​ນີ້​ ​ແຕ່​ພວກ​ເຈົ້າໜ້າທີ່ໄດ້ກ່າວ​ວ່າ ພວກ​ເຂົາ​ເຈົ້າ​ຂໍ​ເວລາ​ອີກ​ຕື່ມ ​ເພື່ອ​ນັບ​ລື້​ມຄືນ​
ແລະ​ກວດ​ເບິ່ງ​ບັດ​ເລືອກ​ຕັ້ງ​ທີ່​ສົ່ງ​ເຂົ້າ​ມາຈາກ​ໜ່ວຍ​ປ່ອນ​ບັດຫຼາຍໆ​ແຫ່ງ​ໃນ​ທົ່ວ​ປະ​ເທດ.


ການ​ນັບ​ຄະ​ແນນ​ສຽງເປັນ​ບາງ​ສ່ວນ​ໃນ​ຕົ້ນ​ອາທິດ​ນີ້​ສະ​ແດງ​ໃຫ້​ເຫັນ​ວ່າ ອະດີດນາຍົກ
ລັດຖະມົນຕີ Ibrahim Boubacar Keita ​ແມ່ນ​ມີຄະແນນນໍາ​ໜ້າ​ຢ່າງ​ສະ​ບາຍ. ລັດຖະ
ມົນຕີຄຸ້ມ​ຄອງດິນ​ແດນ ພັນ​ເອກ Moussa Sinko Coulibaly ​ໄດ້​ກ່າວ​ວ່າ ​ຖ້າຫາກ​ວ່າ
ຂອບ​ເຂດຂອງ​ຄະ​ແນນ​ສຽງຍັງຢູ່ລະດັບ​ເດີ​ມນັ້ນແລ້ວ ມັນ​ຈະ​ບໍ່​ມີ​ຄວາມ​ຈໍາ​ເປັນ​ທີ່​ຈະ​ມີ​
ການ​ແຂ່ງຂັນ​ໃນ​ຮອບ​ຊີ້​ຂາດ​.

ພວກ​ສະໝັກ​ຄົນ​ອື່ນໆນັ້ນ​ປະຕິ​ເສດ​ຕໍ່ການ​ສະຫຼຸບດັ່ງກ່າວ. ພວກ​ຜູ້​ນໍາ​ຈາກ​ພັກຄູ່​ປໍ​ລະ​ປັກ
Soumaila Cisse ​ໄດ້​ກ່າວ​ໃນ​ວັນ​ພຸດວາ​ນນີ້ວ່າ ພວກ​ເຂົາ​ເຈົ້າ​ຄາດ​ວ່າ​ ຈະ​ມີ​ການ​ເລືອກ​
ຕັ້ງ​ຮອບ 2.

ການ​ເລືອກ​ຕັ້ງ​ໃນ​ວັນ​ອາທິດ​ຜ່ານ​ມາ​ນີ້​ແມ່ນດໍາ​ເນີນໄປດ້ວຍ​ຄວາມ​ສະຫງົບ ​ແລະ​ກໍ​ໄດ້​ມີ
​ຜູ້​ຄົນ​ອອກໄປ​ປ່ອນ​ບັດ​ເປັນ​ຈໍານວນ​ຫຼວງ​ຫຼາຍ ຊຶ່ງ​ໃນ​ບາງ​ເຂດ​ນັ້ນ​ ມີ​ລາຍງານວ່າ ມີຫຼາຍ
ກວ່າ 50 ​ເປີ​ເຊັນ ​ໄດ້ພາກັນ​ໄປ​ປ່ອນ​ບັດ.

XS
SM
MD
LG