ລິ້ງ ສຳຫລັບເຂົ້າຫາ

​ມາລີ ​​ປະກາດ​ວ່າ ​ ​ຕົນປອດຈາກ​ພະຍາດ​ອີ​ໂບລາ ​ແລ້ວ


ບັນດາພະນັກງານແພດສະທາ ສະເປ ສານຂ້າເຊື້ອພະຍາດ ຢູ່ອ້ອມບໍລິເວນ ມັສຍິດ ໃນເມືອງ Bamako ປະເທດ Mali, ວັນທີ 14 ພະຈິກ 2014.

ປະ​ເທດ​ມາລີ ​ໄດ້​ປະກາດ​ວ່າ ​ ​ຕົນປອດຈາກ​ພະຍາດ​ອີ​ໂບລາ​ແລ້ວ.

ລັດຖະມົນຕີ​ສາທາລະນະ​ສຸກ ທ່ານ​ Ousmane Kone ​ໄດ້
ຖະ​ແຫລ​ງໃນ​ວັນ​ອາທິດ​ວານ​ນີ້​ວ່າ ບໍ່​ໄດ້​ເກີດມີອີ​ໂບລາ​ ກໍລະ​ນີ​ໃໝ່​
ໃດໆ​ພາຍໃນ 42 ມື້​ຜ່ານ​ມາ ອີງ​ຕາມ​ກຳນົດ​ເວລາ​ ຂອງອົງການ​
ອານາ​ໄມ​ໂລກ ຫຼື WHO ສຳ​ຫລັບ​ ການປະກາດ​ເຖິງການ​ສິ້ນສຸດ
ຂອງການລະບາດ ຂອງພະຍາດ​ດັ່ງກ່າວ.

ບົດ​ລາຍ​ງານ​ໃໝ່​ຂອງ WHO ກ່າວ​ວ່າ ມາລີ ໄດ້​ເຄື່ອນ​ໄຫວ​
ຢ່າງວ່ອງ​ໄວ ​ເພື່ອ​ຄວບ​ຄຸມ ການລະບາດນີ້ ​ເວລາ​ໄດ້​ມີ​ລາຍ​ງານວ່າ​ ໄດ້​ເກີດກໍລະນີ​ທຳ​ອິດ​
ໃນ​ເດືອນ ຕຸລາ​ປີ​ກາຍ​ນີ້ ແກ່ເດັກ​ຍິງ​ອາຍຸ 2 ຂວບ ຈາກ​ປະ​ເທດ​ກີ​ນີ. ບົດ​ລາຍ​ງານ ​ກ່າວ​ວ່າ ​ ການເສຍ​ຊີວິດ​ຍ້ອນ​ພະຍາດ​ອີ​ໂບລາ​ແມ່ນ​ມີທັງ​ໝົດ 6 ຄົນ ຢູ່​ໃນ​ມາລີ.

ອົງການ WHO ​ໄດ້​ລາຍ​ງານ ໃນອາທິດ​ແລ້ວ​ນີ້​ວ່າ ການລະບາດ​ຂອງ​ອີ​ໂບລາ ​ໃນ​ບັນດາ
​ປະ​ເທດ​ອື່ນໆ​ໃນ​ອາ​ຟຣິກາ​ຕາ​ເວັນ​ຕົກ ຄື​ທີ່ ກີ​ນີ ​ໄລ​ບີ​ເຣຍ ​ແລະ ຊີ​ແອຣາ ເລ​ອອນ ແມ່ນ
ໄດ້ເລີ້ມ​ລົດ​ລົງ​ແລ້ວ.

​ແຕ່​ອົງການ WHO ​ເຕືອນວ່າ ການ​ແຜ່​ລະບາດ​ນັ້ນ ​ແມ່ນ​ຍັງ​ບໍ່​ທັນ​ໝົດ​ເທື່ອ ​ແລະ ວ່າຍັງ
​ມີບ່ອນທີ່​ເຊື້ອ​ໄວຣັສ ​ແຜ່​ກະຈາ​ຍອອກ​ໄປ​ຢູ່.

XS
SM
MD
LG