ລິ້ງ ສຳຫລັບເຂົ້າຫາ

ສປຊ ຮຽກຮ້ອງໃຫ້ ພວກທະຫານໃນມາລີ ໂອນອໍານາດໂດຍໄວ

  • ສິງ ບູຣົມມະວົງ

ທ່ານ Dioncounda Traore (ກາງ) ປະທານາທິບໍດີຊົ່ວຄາວຂອງມາລີ ເດີນທາງໄປຮອດນະຄອນຫລວງ ບາມາໂກ ເມື່ອວັນທີ 7 ເມສາ 2012.

ທ່ານ Dioncounda Traore (ກາງ) ປະທານາທິບໍດີຊົ່ວຄາວຂອງມາລີ ເດີນທາງໄປຮອດນະຄອນຫລວງ ບາມາໂກ ເມື່ອວັນທີ 7 ເມສາ 2012.

ທ່ານ​ພັນ​ກິ​ມູນ ​ເລຂາທິການ​ໃຫຍ່​ສະຫະ​ປະຊາ​ຊາດ​ຮຽກຮ້ອງ​ໃຫ້​ພວກທະຫານທີ່​ກໍ່​ລັດຖະ
ປະຫານ​ໃນ​ປະ​ເທດ​ມາລີ ຈົ່ງ​ປະຕິບັດ​ຕາມ​ຂໍ້​ຕົກລົງ​ທີ່​ຕົນ​ໄດ້​ລົງ​ນາມກັບ​ພວກ​ຜູ້​ນໍາ​ປະ
ເທດ​ໃນ​ທະວີບອາ​ຟຣິກາ​ຕາ​ເວັນ​ຕົກ​ຢ່າງ​ໄວ ​ເພື່ອ​ໂອນ​ອໍານາດ​ຄືນ​ໃຫ້​ພວກ​ຜູ້​ນໍາ​ພົນລະ
ເຮືອນ​ນັ້ນ.

ຖະ​ແຫຼ​ງການ​ສະບັບ​ນຶ່ງ​ຂອງ​ສະຫະ​ປະຊາ​ຊາດ​ທີ່​ເປີດ​ເຜີຍ​ອອກ​ໃນ​ແລງວັນ​ເສົາ​ວານ​ນີ້​ກ່າວ
ວ່າ ທ່ານ​ພັນ​ກິ​ມູນ ​ໄດ້​ຮຽກຮ້ອງ​ໃຫ້​ພວກ​ຜູ້​ນໍາ​ທະ ຫານ​ໃຊ້​ຄວາມ​ຍັບ​ຍັ້ງ​ໃນ​ການ​ເຄື່ອນ
ໄຫວ​ໃດໆ ​ທີ່​ຈະ​ບ່ອນ​ທໍາລາຍ​ເນື້ອ​ໃນຕ່າງໆ​ຂອງ​ຂໍ້​ຕົກລົງ​ກັບ​ບັນດາ​ 15 ສະມາຊິກ​ຂອງ
ປະຊາ​ຄົມເສດຖະກິດຂອງ​ກຸ່ມ​ປະ​ເທດອາ​ຟຣິກາ​ຕາ​ເວັນ​ຕົກ ຫຼື ECOWAS ນັ້ນ.

ປະທານາທິບໍດີ​ຊົ່ວຄາວ​ຂອງ​ມາລີ ເດີນທາງ​ໄປ​ຮອດ​ນະຄອນຫຼວງບາ​ມາ​ໂກ ​ໃນ​ວັນ​ເສົາ
ວານ​ນີ້. ທ່ານ Dioncounda Traore ອະດີດ​ປະທານ​ສະພາ​ແຫ່ງ​ຊາດ​ມາລີ ທີ່​ໄດ້ໄປລີ້
ໄພ​ໃນ​ຕ່າງປະ​ເທດ​ເປັນ​ການຊົ່ວຄາວ​ໃນ​ປະ​ເທດ​ເພື່ອ​ບ້ານ Burkina Faso ຈະ​ດໍາລົງ​ຕໍາ
ແໜ່​ງ ປະທານາທິບໍດີ​ຊົ່ວ​ຄາວ ພ້ອມ​ກັບ​ລັດຖະບານໄລຍະ​ຂ້າມ​ຜ່ານ ​ໄປຈົນ​ຮອດ​ເວລາ​
ມີ​ການ​ຈັດ​ຕັ້ງ​ການ​ເລືອກ​ຕັ້ງ​ຂຶ້ນ​ໃໝ່.

ນາຍຮ້ອຍ​ເອກ Amadou Sanogo ຜູ້​ນໍາ​ການ​ກໍ່​ລັດຖະປະຫານ ໄດ້​ກ່າວ​ວ່າ ຄະນະ​ຜູ້​
ນໍາ​ທະຫານ​ຈະ​ພາກັນ​ລາ​ອອກ​ ເພື່ອ​ໃຫ້​ຈັດ​ຕັ້ງລັດຖະບານ​ສາມັກຄີ​ຊາດ​ຊົ່ວຄາວ​ຂຶ້ນ ​ເພື່ອ
ແລກ​ກັບ​ການ​ນິລະ​ໂທດ​ກໍາ ​ແລະ​ການ​ຍົກ​ເລີກ​ການ​ລົງ​ໂທດ​ດ້ານການ​ຄ້າ​ແລະ​ອື່ນໆ ​ທີ່
ກຸ່ມ ECOWASໄດ້ປະກາດ​ໃຊ້​ກັບປະ​ເທດ​ມາລີ ທີ່​ບໍ່​ມີ​ທາງ​ອອກ​ສູ່​ທະ​ເລ​ນັ້ນ.

ຂໍ້​ຕົກລົງເພື່ອ​ຍຸດຕິ​ການ​ກໍ່​ລັດຖະປະຫານທີ່​ມີຂຶ້ນ​ໃນວັນ​ທີ 22 ມີນາ​ຜ່ານ​ມາ ​ແມ່ນ​ໄດ້​ບັນ
ລຸກັນໃນ​ແລງ​ວັນ​ສຸກ​ຜ່ານ​ມາ​ນີ້.

XS
SM
MD
LG