ລິ້ງ ສຳຫລັບເຂົ້າຫາ

ສປຊ ສະແດງ ຄວາມເປັນຫ່ວງ ນໍາສະຖານະການ ໃນມາລີ

  • ສິງ ບູຣົມມະວົງ

ປະຊາຊົນໃນນະຄອນຫຼວງ Bamako ຂອງມາລີ ຖືປ້າຍບອກຂ່າວ ກ່ຽວກັບບ່ອນບໍລິຈາກການຊ່ອຍເຫຼີອແກ່ ພວກປະຊາຄົມຕ່າງໆທີ່ ໄດ້ຮັບຜົນກະທົບຈາກຄວາມວຸ້ນວາຍໃນພາກເໜືອຂອງປະເທດ. ວັນທີ 10 ເມສາ 2012.

ສະພາ​ຄວາມ​ໝັ້ນຄົງ​ສະຫະ​ປະຊາ​ຊາດ​ ໄດ້​ສະ​ແດງ​ຄວາມ​ເປັນ​ຫ່ວງອອກ​ມາ​ຢ່າງ​ເລິກ
ເຊິ່ງນໍາ​ການ​ຂົ່ມຂູ່​ຂອງ​ພວກ​ກໍ່​ການ​ຮ້າຍ ​ທີ່​ເພີ່ມ​ທະວີ​ຂຶ້ນ​ໃນ​ພາກ​ເໜືອ​ຂອງ​ມາລີ ​ໂດຍ
ກ່າວ​ວ່າ ພວກ​ກໍາລັງ​ຂອງ​ເຄືອ​ຂ່າຍອານ​ກາ​ອິດາ ​ໃນ​ເຂດມຸສລິ​ມ Maghreb ​ແລະ
ພວກ​ຫົວ​ຮຸນ​ແຮງ​ຈັດ ແມ່ນ​ຮວມຢູ່​ໃນ​ກຸ່ມ​ກະບົດ​ທີ່ໄດ້​ເຂົ້າ​ຄອບ​ຄອງ​ພື້ນ​ທີ່​ສ່ວນ​ຫຼາຍ
ໃນພາກ​ເໜືອ​ຂອງ​ປະ​ເທດ​ນັ້ນ.

ໃນ​ຖະ​ແຫຼ​ງການ​ສະບັບ​ນຶ່ງ​ ທີ່​ເປີດ​ເຜີຍ​ອອກ​ໃນ​ແລງ​ວັນ​ຈັນ​ວານ​ນີ້ ສະພາ​ຄວາມ​ໝັ້ນ
ຄົງ ​ຮຽກຮ້ອງ​ໃຫ້​ຍຸດຕິ​ຄວາມ​ເປັນ​ປໍ​ລະ​ປັກ​ກັນ​ທັງ​ໝົດ​ໃນພາກ​ເໜືອ​ໂດ​ຍພວກ​ກຸ່ມ​ກະ
ບົດ ​ແລະ​ກ່າວ​ວ່າ ຕົນ​ຍັງ​ມີ​ຄວາມ​ເປັນຫ່ວງ​ເປັນ​ໄຍກ່ຽວ​ກັບ​ສະຖານະ​ການ​ດ້ານ​ມະ
ນຸດສະ​ທໍາ​ທີ່​ກໍາລັງ​ຊຸດ​ໂຊມລົງນັບ​ມື້​ທີ່​ມາລີ​ນັ້ນ.

ໃນ​ຂະນະ​ດຽວ​ກັນ ສະຫະລັດ​ໄດ້​ກ່າວ​ຍ້ອງຍໍ​ປະຊາ​ຄົມ​ເສດຖະກິດຂອງ​ບັນດາ​ປະ​
ເທດ​ໃນ​ທະວີບອາ​ຟຣິກາ​ຕາ​ເວັນ​ຕົກ ຫຼື ECOWAS ທີ່​ໄກ່​ເກ່ຍ​ໃຫ້​ມີ​ຂໍ້​ຕົກ​ລົງກັນກັບ
ພວກ​ຜູ້​ນໍາ​ທະຫານ​ທີ່​ກໍ່​ລັດຖະປະຫານ​ຂຶ້ນ ​ແລະ​ຟື້ນ​ຟູປະ​ເທດໃຫ້​ຢູ່​ພາຍ​ໃຕ້ການ​ປົກ
ຄອງ​ຂອງ​ພົນລະ​ເຮືອນ​ນັ້ນ.

ທ່ານ​ນາງ Victoria Nuland ​ໂຄສົກ​ປະ​ຈໍາ​ກະຊວງ​ການ​ຕ່າງປະ​ເທດສະຫະລັດ ​ກ່າວ
ໃນ​ວັນ​ຈັນ​ວານ​ນີ້​ວ່າ ຂໍ້​ຕົກລົງ​ດັ່ງກ່າວ​ເປັນ​ບາດກ້າວ​ທີ່ດີ​ຫຼາຍ​ສໍາລັບ​ມາລີ ຊຶ່ງ​ທ່ານ​
ນາງ Nuland ກ່າວ​ຕື່ມ​ວ່າ:

“ທ່ານ​ນາງ Nuland ກ່າວ​ວ່າ ພວກ​ເຮົາ​ຢາກ​ໃຫ້​ຟື້ນຟູການ​ປົກຄອງ​ ໂດຍ​ພວກ​ພົນ
ລະ​ເຮືອນ​ຄືນ​ໃໝ່ ​ເພື່ອ​ວ່າການ​ໂອ້​ລົມ​ສົນທະນາ​ກັນ ຈະສາມາດ​ເລີ້ມ​ຂຶ້ນ​ໄດ້​ໃນ​ປັດ
ຈຸບັນ​ກັບ​ພວກ​ກະບົດ Tuaregs ທີ່​ແກ້​ໄຂຄວາມ​ບໍ່ພໍ​ໃຈ​ຂອງ​ພວກ​ເຂົາ​ພາຍ​ໃນ​ມາ
ລີ​ທີ່​ເປັນ​ເອກະ​ພາບ ​ແລະ​ຄວາມພະຍາ​ມອັນ​ແທ້​ຈິງ​ກໍ​ສາມາດ​ມີ​ຂຶ້ນ​ໄດ້​ເພື່ອ​ຮັບປະ
ກັນໃນ​ການ​ປົກ ປ້ອງ​ມາລີ​ຈາກ​ກໍາລັງ​ຂອງ​ກຸ່ມ​ອານ​ກາ​ອິດາ ທີ່​ໄດ້​ພາກັນສວຍ​ໂອ
ກາດ ໃນ​ເວລາ​ນີ້.”

ທ່ານ​ນາງ Nuland ກ່າວ​ຕື່ມ​ວ່າ ສະຫະລັດ​ຈະ​ສິ້ງ​ຊອມ​ເບິ່ງ​ສະຖານະການ​ໃນ​ອີກ​
ຫຼາຍ​ມື້​ຕໍ່​ໄປ​ເພື່ອ​ເບິ່ງ​ວ່າ​ໄດ້ມີ​ຄວາມ​ຄືບ​ໜ້າ​ພໍຫຼື​ບໍ່ ​ເພື່ອສ້າງ​ຕັ້ງ​ການ​ຊ່ອຍ​ເຫຼືອ​ທີ່
ບໍ່​ພົວພັນ​ໃນດ້ານ​ມະນຸດສະ​ທໍາທີ່​ໄດ້​ຢຸດ​ສະ​ງັກລົງ​ໃນ​ເດືອນ​ຜ່ານ​ມາ​ນີ້.

ສະພາ​ຄວາມ​ໝັ້ນຄົງ​ໄດ້​ຮຽກຮ້ອງ​ໃຫ້​ທຸກ​ພັກ​ຝ່າຍ​ຈັດ​ຕັ້ງ​ປະຕິບັດ​ຕາມຂໍ້​ຕົກລົງໄລ
ຍະ​ຂ້າມ​ຜ່ານ​ໃນ​ທັນທີ ​ແລະ​ໃຫ້​ພະຍາຍາມ​ຊອກ​ຫາ​ທາງ​ແກ້​ໄຂ​ບັນຫາແບບສັນຕິ​
ໂດຍ​ຜ່ານ​ການ​ໂອ້​ລົມ​ສົນທະນາ​ກັນ​ນັ້ນ.

ຮ້ອຍ​ເອກ Amadou Sanogo ຫົວໜ້າ​ກໍ່​ລັດຖະປະຫານໄດ້​ທໍາການ​ໂອ້​ລົມ​ສົນ
ທະນາ​ກັນ​ກັບ​ທ່ານ Dioncounda Traore ອະດີດປະທານ​ສະພາ​ມາລີ ທີ່​ຈະ​
ຂຶ້ນ​ດໍາລົງ​ຕໍາ​ແໜ່​ງປະທານາທິບໍດີ​ຂອງ​ລັດຖະບານ​ຊົ່ວຄາວ​ຈົນ​ຮອດ​ເວລາ​ມີ​ການ
ເລືອກ​ຕັ້ງ​ໃໝ່​ນັ້ນ.

XS
SM
MD
LG