ບັນດາລັດຖະບານຂອງປະເທດໃນເອເຊຍຕາເວັນອອກສຽງໃຕ້
ຍັງສືບຕໍ່ສະແດງຄວາມບໍ່ເຕັມໃຈ ທີ່ຈະຮັບເອົາເຮືອທີ່ບັນຈຸຊາວ
ແຮງງານເຄື່ອນຍ້າຍ ແລະ ຊາວອົບພະຍົບ ທີ່ຖືກປ່ອຍປະໄວ້
ໃນທະເລ ໂດຍພວກຄ້າມະນຸດ ຊຶ່ງໄດ້ເຮັດໃຫ້ ວິກິດການດ້ານ
ມະນຸດສະທຳ ຊຸດໂຊມລົງຕື່ມອີກ.
ບັນດານັກເຄື່ອນໄຫວ ກະປະມານວ່າ ມີຫຼາຍເຖິງ 8,000 ຄົນ
ໃນອັນ ທີ່ເອີ້ນກັນວ່າ ອົບພະຍົບທາງເຮືອ ແມ່ນຍັງພາກັນລ່ອງ
ລອຍຢູ່ໃນທະເລຢູ່ ແລະຫຼາຍໆຄົນປາດສະຈາກອາຫານ ແລະ
ນ້ຳທີ່ພຽງພໍ ຫຼັງຈາກປະເທດໄທ ປາບປາມຂະບວນການຄ້າມະນຸດ
ຢ່າງກວ້າງຂວາງ ທີ່ໄດ້ລົບກວນເຄືອຂ່າຍ ການຂົນສົ່ງ ຂອງພວກ
ອາຊະຍາກອນດັ່ງກ່າວ.
ປະເທດມາເລເຊຍ ອິນໂດເນເຊຍ ແລະໄທ ແມ່ນ 3 ປະເທດ ທີ່ພວກ ແຮງງານເຄື່ອນຍ້າຍ
ແລະ ອົບພະຍົບ ໄດ້ພະຍາຍາມເດີນທາງເຂົ້າໄປ ແລະປະເທດເຫຼົ່ານັ້ນກ່າວວ່າ ແຮງງານ
ເຄື່ອນຍ້າຍທີ່ໝົດຄວາມຫວັງ ບໍ່ແມ່ນຄວາມຮັບຜິດຊອບຂອງພວກຕົນ ແລະ ປະຕິເສດ
ຕໍ່ຄຳຂໍຮ້ອງ ຂອງສະຫະປະຊາຊາດ ແລະ ບັນດາກຸ່ມປົກປ້ອງສິດທິມະນຸດ.
ຮອງລັດຖະມົນຕີ ກະຊວງພາຍໃນມາເລເຊຍ ທ່ານ Wan Junaidion ກ່າວໃນວັນພະຫັດ
ມື້ນີ້ ວ່າ ປະເທດຂອງທ່ານ ຕ້ອງ “ສົ່ງຂໍ້ຄວາມອັນຖືກຕ້ອງວ່າ: ປະເທດຕົນບໍ່ຍິນດີ
ຕ້ອນຮັບພວກເຂົາເຈົ້າ.”
ສ່ວນບັນດາເຈົ້າໜ້າທີ່ມາເລເຊຍຄົນອື່ນໆ ກ່າວວ່າ ການລາດຕະເວນທາງທະເລ ແລະ
ອາກາດ ແມ່ນໄດ້ເພີ້ມຂຶ້ນອີກ ເພື່ອສະກັດກັ້ນ “ການລ່ວງລ້ຳທີ່ຜິດກົດໝາຍ.”
ເມື່ອຕົ້ນອາທິດນີ້ ມີອົບພະຍົບທາງເຮືອ ຫຼາຍກວ່າ 1,000 ຄົນ ທີ່ຖືກປ່ອຍປະໄວ້ ຢູ່ໃນ
ທະເລ ພາກັນລອຍເຂົ້າຝັ່ງ ມາເລເຊຍ. ບັນດາເຈົ້າໜ້າທີ່ກ່າວວ່າ ພວກອົບພະຍົບທາງເຮືອ ດັ່ງກ່າວ ດຽວນີ້ໄດ້ຖືກຄຸມໂຕໄວ້ ຢູ່ຕາມຄ້າຍກັກຂັງຕ່າງໆ ໃນຂະນະທີ່ ມີການກະກຽມ ທີ່ຈະສົ່ງພວກເຂົາເຈົ້າ ໄປບ່ອນອື່ນ.
ອົບພະຍົບ ເກືອບ 600 ຄົນ ຍັງໄດ້ຮັບການຊ່ອຍເຫຼືອ ໃນວັນອາທິດຜ່ານມາ ໂດຍ
ກອງທັບເຮືອ ອິນໂດເນເຊຍ. ບັນດາເຈົ້າໜ້າທີ່ ອິນໂດເນເຊຍ ກ່າວວ່າ ອົບພະຍົບທາງເຮືອ ດັ່ງກ່າວ ດຽວນີ້ ໄດ້ຮັບອາຫານ ແລະ ທີ່ພັກອາໄສ ຢູ່ໃນຂົງເຂດ Aceh ເໜືອ ໃນຂະນະທີ່ ລັດຖະບານ ປຶກສາຫາລື ກັບອົງການສະຫະປະຊາຊາດ ແລະ ອົງການສາກົນອື່ນໆ.
ສ່ວນພວກເຮືອທີ່ບັນຈຸຫຼາຍຮ້ອຍຄົນ ໄດ້ຖືກກອງທັບເຮືອຂອງ ມາເລເຊຍ ແລະ
ອິນໂດເນເຊຍ ເຂົ້າສະກັດກັ້ນໄວ້ ແລະໄດ້ເອົາອາຫານແລະນ້ຳ ສຸກເສີນ ໃຫ້ແກ່ພວກ
ເຂົາເຈົ້າ ຫຼັງຈາກນັ້ນ ໄດ້ສົ່ງພວກເຮືອດັ່ງກ່າວ ອອກໄປຈາກປະເທດພວກຕົນ.
Southeast Asian governments continue to express unwillingness to take in boat loads of migrants and refugees abandoned at sea by people smugglers, worsening an already dire humanitarian crisis.
Activists estimate as many as 8,000 so-called boat people remain adrift, many without adequate food or water, after a Thai crackdown on a vast people-smuggling ring disrupted the criminal transportation networks.
Malaysia, Indonesia, and Thailand - three countries where the migrants and refugees have tried to reach - say the desperate migrants are not their responsibility, rejecting appeals by the U.N. and rights groups.
Malaysian Deputy Home Minister Wan Junaidion Thursdaysaid his country must "send the right message: that they are not welcome here." Other Malaysian officials said sea and air patrols were being ramped up to prevent "illegal intrusion."
Earlier this week, over 1,000 abandoned boat people swam ashore in Malaysia. Officials say they are now being held in detention camps while preparations are being made to send them elsewhere.
Nearly 600 migrants were also rescuedon Sundayby the Indonesian navy. Officials say those boat people are now being given food and shelter in the north Aceh region while the government consults with the U.N. and other international bodies.
Other boats carrying hundreds of people have been intercepted by the Malaysian and Indonesian navies, which after providing the migrants with emergency food and water supplies, turned them away.