ລິ້ງ ສຳຫລັບເຂົ້າຫາ

ກໍາລັງນາໆຊາດໂຈມຕີ ນະຄອນຫລວງຂອງລີເບຍ

  • ສິງ ບູຣົມມະວົງ

ທ່ານ ກາດດາຟີ ຜູນໍາລີເບຍ , ວັນທີ 23 ມີນາ 2011

ມີສຽງລະ​ເບີດ​ແລະ​ສຽງ​ປືນຕໍ່ຕ້ານ​ເຮືອ​ບິນ​ດັງ​ກ້ອງ​ຂຶ້ນໃນ​ທົ່ວ​
ນະຄອນຫລວງລີເບຍ​ກຸງ​ຕຣີ​ໂປ​ລີ ​ໃນ​ເຊົ້າ​ວັນ​ພຸດ​ມື້​ນີ້ ບໍ່​
ເທົ່າ​ໃດ​ຊົ່ວ​ໂມງຫລັງ​ ຈາກ​ທ່ານ Moammar Gadhafi
ຜູ້​ນໍາ​ລີ​ເບຍ​ໃຫ້​ຄໍາ​ໝັ້ນ​ສັນຍາວ່າ ຈະເອົາໄຊຊະນະ​ມາໃຫ້ໄດ້
ໃນ​ການຕໍ່ສູ້​ກັບພວກ​ກະບົດ​ແລະ​ພວກ​ກໍາລັງ​ນາໆ​ຊາດນັ້ນ.

ໃນ​ການ​ອອກ​ມາ​ປາກົດ​ໂຕຕໍ່​ປະຊາຊົນຄັ້ງ​ທໍາ​ອິດ​ຂອງ​ທ່ານ​
ໃນ​ຮອບ​ນຶ່ງ​ສັບປະດາ ທ່ານ​ກາດ​ດາ​ຟີ ກ່າວ​ຕໍ່​ພວກ​ສະໜັບ
ສະໜຸນ​ທ່ານ​ຢູ່​ໃນ​ບໍ​ລິເວນ​ບ້ານ​ພັກ​ຂອງ​ທ່ານ​ທີ່​ກຸງ​ຕຣີ​ໂປ​ລີ
ວ່າ ລີເບຍ​ຕຽມ​ພ້ອມ​ແລ້ວ ເພື່ອ​ການ​ຕໍ່ສູ້ ບໍ່​ວ່າ​ມັນ​ຈະ​ກິນ​
ເວລາ​ດົນ​ນານ​ ຫລືສັ້ນປານໃດ​ກໍ​ຕາມ.

ໂທລະ​ພາບ​ແຫ່ງ​ຊາດ​ລີ​ເບຍ​ອອກ​ຂ່າວ​ທີ່​ຕົນ​ເອີ້ນ​ວ່າ
ການຖ່າຍທອດສົດ​ການກ່າວຄຳປາໄສຂອງ​ທ່ານ​ກາດ​
ດາ​ຟິຕໍ່​ຝູງ​ຊົນ​ນັ້ນ. ຜູ້​ນໍາ​ລີ​ເບຍ​ໄດ້​ປະນາມ​ການ​ໂຈມ​ຕີ​
ຂອງ​ທະຫານ​ນາໆຊາດ​ຕໍ່​ກໍາລັງ​ຂອງ​ທ່ານ​ ​ໂດຍ​ເອີ້ນ​
ຄວາມ​ພະຍາຍາມ​ໃນການຈັດ​ຕັ້ງ​ປະຕິບັດເຂດຫ້າມບິນ​
ຕາມ​ມະຕິ​ສະຫະ​ປະຊາ​ຊາດ​ ​ເໜືອ​ປະ​ເທດ​ຂອງ​ທ່ານນັ້ນ​ວ່າ ​ເປັນ​ສົງຄາມ​ຕໍ່ຕ້ານ​ສາສະໜາ​ ອິ​ສະ​ລາມ​.

ໃນ​ຂະນະ​ທີ່​ກໍາລັງ​ຂອງ​ຝ່າຍ​ປະສົມ​ສືບ​ຕໍ່​ການ​ປະຕິບັດ​ງານ​ຂອງ​ເຂົາ​ເຈົ້າ​ຢູ່ນັ້ນ ກໍາລັງ​ທີ່​ນິຍົມ​ກາດ​ດາ​ຟີ​ໄດ້​ເພີ່ມ​ທະວີ​ການ​ໂຈມ​ຕີ​ຂອງ​ພວກ​ເຂົາຕໍ່​ພວກ​ຫົວ​ເມືອງ​ຕ່າງໆ​ ທີ່ຢູ່​ພາຍ​ໃຕ້​ຄວາມ​ຄອບ​ຄອງ​ຂອງ​ພວກ​ກະບົດ​ນັ້ນ.

ໃນ​ການ​ສູ້​ລົບ​ກັນ​ບັ້ນ​ຫລ້າ​ສຸດ ພວກ​ກໍາລັງ​ທີ່​ຈົງ​ຮັກ​ພັກດີ​ຕໍ່​ທ່ານ​ກາດ​ດາ​ຟີ ​ໄດ້​ແນ​ເປົ້າ​ໝາຍ​ໃສ່​ພວກ​ຫົວ​ເມືອງ​ທີ່ຢູ່​ພາຍ​ໃຕ້​ການ​ຄວບ​ຄຸມ​ຂອງ​ພວກ​ກະບົດ​ຄືເມືອງ Misrata ​ແລະ​ເມືອງ Zintan ​ດ້ວຍ​ການ​ໂຈມ​ຕີ​ແບບ​ດັກ​ຍິງຈາກ​ລົດ​ຖັງ​ແລະ​ປືນ​ໃຫຍ່.

ຮູບກຣາຟິກສະແດງບໍລິເວນ ບໍ່ນໍ້າມັນແລະບໍ່ແກ໊ສ ຂອງລີເບຍ
ຮູບກຣາຟິກສະແດງບໍລິເວນ ບໍ່ນໍ້າມັນແລະບໍ່ແກ໊ສ ຂອງລີເບຍ

ພົນ​ເຮືອ​ເອກ Samual Locklear ຜູ້​ບັນຊາ​ການ​ດ້ານ​ຍຸດ​ທະ​ສາດ​ຂອງ​ຝ່າຍ​ປະສົມ​ກ່າວ​ໃນ​ວັນ​ອັງຄານ​ວານ​ນີ້​ວ່າ ລາຍ​ງານ​ຂ່າວ​ລັບ​ຢືນຢັນ​ວ່າ ກໍາລັງ​ຂອງ​ທ່ານ​ກາດ​ດາ​ຟີ​ກໍາລັງ​ທໍາ​ການ​ໂຈມ​ຕີ​ພວກ​ພົນລະ​ເຮືອນ​ໃນ​ເມືອງ Misrata ອັນ​ເປັນ​ການ​ຝ່າຝືນ​ຕໍ່ມະຕິ​ສະພາ​ຄວາມ​ໜັ້ນ ຄົງສະຫະ​ປະຊາ​ຊາດ.

ປະທານາທິບໍດີ​ບາຣັກ​ ໂອ​ບາ​
ມາ ​ແຫ່ງ​ສະຫະລັດ​ໄດ້​ຮຽກຮ້ອງ
ໃຫ້​ພວກ​ກໍາລັງ​ທີ່ນິຍົມ​ລັດຖະ
ບານ ​ຖອນ​ອອກ​ຈາກ​ເມືອງ
Misrata ​ແລະ​ຫົວເມືອງ​ຕ່າງໆ​ ອີກ​ຈໍານວນ​ນຶ່ງ.

XS
SM
MD
LG