ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ອະດີດ ທີ່ປຶກສາ ດ້ານຄວາມປອດໄພ ຂອງ ທ່ານທຣຳ ອາດລະເມີດກົດໝາຍ ສະຫະລັດ


ອະດີດທີ່ປຶກສາດ້ານຄວາມປອດໄພແຫ່ງຊາດ ຂອງທຳນຽບຂາວ ທ່ານ Michael Flynn ເດີນທາງຮອດ ທຳນຽບຂາວ. ນະຄອນຫຼວງ ວໍຊິງຕັນ. 13 ກຸມພາ, 2017.
ອະດີດທີ່ປຶກສາດ້ານຄວາມປອດໄພແຫ່ງຊາດ ຂອງທຳນຽບຂາວ ທ່ານ Michael Flynn ເດີນທາງຮອດ ທຳນຽບຂາວ. ນະຄອນຫຼວງ ວໍຊິງຕັນ. 13 ກຸມພາ, 2017.

ອະດີດທີ່​ປຶກສາ ດ້ານຄວາມປອດໄພແຫ່ງຊາດຂອງປະທານາທິບໍດີ ດໍໂນລ ທຣຳ ປາກົດ ວ່າໄດ້ລ່ວງລະເມີດກົດໝາຍລັດຖະບານກາງ ໂດຍບໍ່ໄດ້ເປີດເຜີຍ​ ເງິນທີ່ທ່ານໄດ້ຮັບຈາກ ລັດຖະບານຕ່າງປະເທດຢ່າງຖືກ ຕ້ອງ ​ໃນການພົວພັນກັບສາທາລະນະ. ຫົວໜ້າຂອງ
ຄະນະກຳມະການ ຄວບ​ຄຸມ​ຂອງສະພາຕໍ່າ ສະຫະລັດ ໄດ້ກ່າວຕໍ່ບັນດານັກຂ່າວໃນວັນ
ອັງຄານວານນີ້.

ການສະແດງຄວາມຄິດເຫັນທີ່ສອດຄ່ອງກັນອັນຫາໄດ້ຍາກ ຂອງສອງພັກການເມືອງ
ໃຫຍ່ຢູ່ລັດຖະສະພາ ໄດ້ມີຂຶ້ນຫຼັງຈາກທຳນຽບຂາວໄດ້ປະຕິເສດ ຕໍ່ຄວາມຮຽກຮ້ອງຂອງ
ຄະນະກຳມະການຢາກໄດ້ເອກະສານຕ່າງໆ ທີ່ກ່ຽວຂ້ອງກັບການພົວພັນກັບຄົນຕ່າງປະ
ເທດຂອງນາຍພົນ Michael Flynn.

ປະທານຄະນະກຳມະການຄວບຄຸມ ​ຂອງສະພາຕໍ່າ ທ່ານ Jason Chaffetz ສະມາ
ຊິກພັກຣີພັບບລີກັນຈາກລັດ Utah ໄດ້ກ່າວວ່າ “ໃນຖານະອະດີດເຈົ້າໜ້າທີ່ກອງທັບ,
ທ່ານບໍ່ສາມາດຮັບເອົາເງິນຈາກ ຣັດເຊຍ, ເທີກີ ຫຼື ໃຜກໍຕາມ ໄດ້ຢ່າງງ່າຍດາຍ, ແລະ
ມັນໄດ້ປາກົດໃຫ້ເຫັນວ່າທ່ານໄດ້ຮັບເອົາເງິນພວກນັ້ນ.”

ທຳນຽບຂາວ ໄດ້ໂຕ້ຕອບ ໃນວັນອັງຄານວານນີ້ ໂດຍກ່າວວ່າ ພວກເຂົາເຈົ້າ “ບໍ່ຮູ້” ວ່າ
ອະດີດທີ່​ປຶກສາ​ດ້ານຄວາມປອດໄພແຫ່ງຊາດທ່ານ Flynn ໄດ້ລະເມີດກົດໝາຍໃນລະ
ຫວ່າງ ເວລາທີ່​ມີການຕິດຕໍ່ ແລະ ເອົາຮັບເງິນຈາກລັດຖະບານຕ່າງປະເທດ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG