ລິ້ງ ສຳຫລັບເຂົ້າຫາ

ລາວາ​ ຈາກ​ພູ​ໄຟ Kilauea ກຳລັງໄຫລ ລົງສູ່ ເມືອງ Pahoa ໃນລັດ​ Hawaii


ພາບນີ້ສະໜອງໂດຍ ກົມສຳຫລວດທໍລະນີສາດ ແຫ່ງສະຫະລັດ ສະແດງໃຫ້ເຫັນເຖິງ ການໄຫລລົງຂອງລາວາ ຈາກພູໄຟລະເບີດ ທີ່ເລີ້ມຕົ້ນມາແຕ່ວັນທີ 27 ມິຖຸນາ 2014.

ພາບນີ້ສະໜອງໂດຍ ກົມສຳຫລວດທໍລະນີສາດ ແຫ່ງສະຫະລັດ ສະແດງໃຫ້ເຫັນເຖິງ ການໄຫລລົງຂອງລາວາ ຈາກພູໄຟລະເບີດ ທີ່ເລີ້ມຕົ້ນມາແຕ່ວັນທີ 27 ມິຖຸນາ 2014.

ຫີນລະລາຍຫລືລາວາ​ຈາກ​ພູ​ເຂົາ​ໄຟ​ທີ່​ມີ​ຄວາມ​ກວ້າ​ງ 50 ​ແມັດ
ກຳລັງ​ໄຫລ​ລົງ​ມາຕາມ​ຈ້າຍ​ພູແຫ່ງນຶ່ງ ​ໃນລັດ​ Hawaii ຊຶ່ງ​ກຳລັງ
​ຂົ່ມຂູ່​ທີ່​ຈະ​ເຜົາ​ໄໝ້​ເຮືອ​ນຊານ​ທັງຫຼາຍ ທີ່ຢູ່​ໃນ​ທາງ​ໄຫລຂອງ​ມັນ
​ນັ້ນ.

ພວກນັກ​ທໍລະນີວິທະຍາ ກ່າວ​ວ່າ ດ້ານໜ້າຂອງຫີນລະລາຍ​
ດັ່ງກ່າວ ​ແມ່ນ​ຫ່າງຈາກ​ເມືອງ Pahoa 70 ​ແມັດ ​ແລະ ສາມາດ
​ຈະ​ໄຫລໄປ​ຮອດ​ເມືອງ​ດັ່ງກ່າວ ພາຍ​ໃນ​ມື້​ດຽວ​.

ເມືອງ​ທີ່​ມີປະຊາຊົນອາໄສຢູ່ປະມານ 1,000 ຄົນດັ່ງກ່າວ ​ໄດ້
​ພາກັນ​ຫລົບໜີ ລ່ວງໜ້າ​ໄປແລ້ວ ໃນອັນ​ທີ່ບັນດາ​ເຈົ້າໜ້າ​ທີ່ ​ກ່າວ​ວ່າ​ ເປັນທີ່ “ຫລີກ​ລ້ຽງ​
ບໍ່​ໄດ້”
ໃນການ​ມາ​ເຖິງ​ຂອງຫີນລາວາ ​ທີ່ມີຄວາມ​ສູງພຽງໜ້າ​ເອິກ ພ້ອມ​ກັບ​ຄວາມຮ້ອນ
ທີ່ກຳລັງ​ຝົດເດືອດເຖິງ2,000ອົງສາ ທີ່​ກຳລັງ​ໄຫ​ລລົງ​ມາ​ ຈາກ​ພູ​ເຂົາ​ໄຟ Kilauea.

​ບັນດາເຈົ້າໜ້າ​ທີ່ ​ໄດ້​ແຈ້ງໃຫ້ອີກຫຼາຍພັນ​ຄົນ​ ກຽມພ້ອມ​ເພື່ອ​ຍົກຍ້າຍ​ອອກ​ຈາກ​ບໍລິ​ເວນນັ້ນ.

ສະພາກາ​ແດງ ກ່າວ​ວ່າ​ ຕົນກຳລັງ​ເປີດບ່ອນລີ້ໄພ​ໃຫ້​ແກ່​ປະຊາຊົນ​ຜູ້​ທີ່​ມີ​ຄວາມ​ສ່ຽງ. ອະດີດ​ສວນ​ອ້ອຍປະຫວັດສາດ ທີ່​ມີ​ຮ້ານ​ນ້ອຍ​ໆ ​ແລະ ເຮືອນ​ຊານ​ຕ່າງໆ ​ ​ຕັ້ງຢູ່​ເທິງ “​ເກາະ​ໃຫຍ່ ຫຼື Big Island” ຂອງລັດ ຮາ​ວາຍ​ ຊຶ່ງ​ເປັນ​ເກາະ​ທີ່​ໃຫຍ່​ສຸດ ​ໃນ​ຈຳນວນທັງໝົດ 8 ​ເກາະຫຼັກທີ່​ລວມ​ເຂົ້າກັນ​ເປັນລັດ​ດັ່ງກ່າວຂອງ​ສະຫະລັດ​ໃນ​ປາຊີ​ຟິກນັ້ນ.

ການ​ໄຫລ​ລົງ​ມາ​ຂອງລາວາ​ຈາກ​ພູ​ເຂົາ​ໄຟ ເລີ້ມຂົ່ມຂູ່​ເມືອງ​ດັ່ງກ່າວ​ ​ແຕ່ວັນ​ທີ 27 ມິ​ຖຸ​ນາ ​ແຕ່ພູໄຟ Kilauea ​ໄດ້​ລະ​ເບີດ​ຂຶ້ນຢ່າງ​ຕໍ່​ເນື່ອງ ​ນັບ​ຕັ້ງ​ແຕ່​ປີ 1983 ​ເປັນຕົ້ນມາ.

XS
SM
MD
LG